غياهب القدر

البارت الرابع

ابويه كاعد ومخلي راسه بين ايدي وساكت
رائد ..يمه فضت انشالله
امي..شلون يمه طمني
الاب..كعدنه وجان الفصل 30مليون والجد الولد الله يحفضه انسان مسالم وعنده مخافه الله بس الولد جانو حامين رايدين دم ابنهم الناس فزعت وكلهه مارضت الواحد يحجي للامانه حته جدهم مارضى تالي يامره الفصل صار 15مليون ومره
الام ..شنو يعني مفهمت
الاب..رادو من عدنه مره حته يفضون العداوه الجد راد مره وكال تطلع عروس من بيت اهلهه معززه مكرمه
الام..سعد فهمني المن راح تنطون سعد لتفجع كلبي بعد مابيه وكامت تلطم امي انت شلون رضيت بنتك هاي
رائد ..يمه فهمي باوعيلي حبيبه المره مو فصليه عروس ياخذون حته يفضون الثار العدهم
الام .المن يمه ياخذون ريهاام يمه وحيدتي
الاب..بنتج راح تروح عروس الهم مو فصليه افهمي يامره تردين ولدج كلهم ينضرون كووولي
كل هذا واني صافنه عليهم شنو مره شنو ريهام يعني ازوج واروح فصليه عفتهم وصعدت للغرفه ماعندي كل رد فعل حته دموع ماعندي اسمع بجي امي جوه ونوب سكتت شوي وصعدلي بابا
رهوم باباتي
ريهام..بابا ونزلت دموعي شلال اخذني بحضنه وصار يمسح على راسي
الاب..كليلي شبيدي بابا والله لو طالبين فلوس الدنيا ولا انتي جان رضيت عبالج محاولت والله حاولت بس هم رادو مره واذا رفضت راح تكبر الشغله ويجوز ياذون فيصل وهو بسجن واني متاكد انتي بنتي تسوين الولد كلهم مراح تكسريني كدام الناس
ريهام..بابا ماعاش اليكسرك الي تشوفه بابا اهم شيء تضلون بخير ومتتاذون بعد
الاب..كلولي يومين ونجي نعقد للبت وبعدين نهايه الاسبوع ناخذهه عروس منكم بهالاثناء اندك الباب مالتنه حييل نزل والدي وفتح رائد الباب قصي بالباب يصيح ويهوبزز واني اريده وشلون عمي توافق ريهام متصير لغيري احرك الدنيا اذا طلعت ريهام منا
ابويه..هووبك لك ارعن تصيح بيتي وتهدد انت منو وتحجي هيج
رائد ..حجيك كلش مو محله ولا وقته قصي احنه بمصيبه هسه وانت بيا حال حاير عيييب استحي
قصي..ليش عمي اله ريهام ليييش
الاب..كلهه خافت على بناته كلهه كالت سعد انت دبر امرك بناتنه نخاف عليهن واني بس هالوحده عندي شلوون حالي لعد
قصي ..عمي خل اعقد عليهه وكلهم مخطوبه البنيه
سعد ..ابني مو حل هذا انطيتهم كلمه
قصي..عمي اندمكم والله اذا طلعت منا
سعد..للكك سااافل تهدد عمك ضربه راجدي ورائد دفعه وطلعه بره

هذا الحجي صادف يوم احد هم الثلاثاء بهاي اليومين الحياه وكفت عبالك بس بغرفتي وكل شوي احد صاعدلي اجه يوم الثلاثاء واليوم العقد مالي محد عازمين بس عمامي نسوانهم هاي الفتره كلهه محد اجت لو سالت اليوم العقد جايات يتشمتن يشمشمن اخبار
اني كلشي ممسويه بهدومي مال بيت واحس روحي خاااويه اجو العالم تقريبا 4 3سيارات بس زلم جوي
ودخلو للاستقبال وقدمو الضياافه اهلي وقامو بالواجب اسمع الصلوات مالتهم نوب اجه  اخويه كال البسي ايزار الصلاه حته تعقدون يممممه شصار بيه يعني شنو صارت صدك يربي لبست ايزار الصلاه وحجيت وي الشيخ وكلي رددي ورايه نعم انت وكيلي هذا الحجي اني وره الباب احجي وديت وراه اسمع الصلوات من الاستقبال عاد الشيخ العقد النه وشيخهم طلبو يشوفوني وره مطلعو العالم فرغو الاستقبال دخلت مدنكه والدي كاعد ورائد واكف يمي كعدني يم رجال بده الشيخ يقرا ايات واحاديث تحث على الرفق بالمراه يعني الشيخ جان ديوصي مثل ميكول انو ميضلموني الضاهر يعرف القصه كلهه وهم بس يستمعون اني ركبتي بعد ماحس بيهه مدنكه بكل قوتي تالي الشيخ مالهم كلي جدي رفعي راسج عاينيلي رفعت راسي صلى على النبي وكال انه جدج وانتي صرتي بنيتنه وامانه عندي واني اريد اطمنج واطمن والدج انتي يمي بعد مثل بنياتنه وهذا زوجج يمج انشالله منقصر وياج
الاب..شيخ رحم الله والديك اني هاي عزيزتي وحيدتي ماعندي غيرهه ماريده تاخذوه بذنب اخوهه هاي المدلله الفقيره
الشيخ..لاتوصي لاتوصي بعيونه هاي نحطهه شنو رايج بنتي
ريهام..ححم سالمه عيونك شيخ الله يحفضك
الجد..ناديلي جدي جدي
ريهام .صار جدي نوب صار عندي فضول اشوف الي عقدولي عليه اريد ارفع راسي ماكدر وهو بصفي بس ماسمعت اله اي نفس صاح الجد يلاااا نتوكل كام البصفي وطلعو وطلعو وياهم اهلي وتسالمو اجه ابويه شايل فلوس كال هذا مهرج تجهزين بيه الجمعه يردون الزفه