غياهب القدر

البارت الاخير

سأبقى أحبك بجنوني بعنادي بغيرتي 👈♥️بعصبيتي بقلبي الذي لأ يملكة أحد غيرك...
_____________
كعدت الصبح لكيت مهيب منتجي على ايده وصافن خجلت وغطيت وجهي
-ول ياصباح العافيه والضحكه وطيور النوارس وعيون الكحيله
-صباح النور
-لااا يابه صارت زحمه ههههه
تقرب حضني وباس راسي
-رهام وعز الله وجلالو مامصدك رديتي لحضني انه بلياج مارهم
-مهيب انت بالنسبه الي دنيا وجنه وحياه الله ليحرمني منك
رجعنه لبغداد بيومهه واخذنه الجهال واستقرينه ببيتنه
حياتنه صارت تخبل بمعنى الكلمه مهيب يساعدني بالاطفال من موجود اغلب وقته يلعب وياهم بده الدوام وصار دوامنه يومين بالاسبوع الباقي الكتروني وره زواجي رحت وياه لاهله بقينه يومين ورجعنه وراهه صار زواج اسراء رجعت قبل الزواج محبيت احضره
مهيب من يروح للانبار اروح لاهلي لو مرات يجي يبات يمي رحمن حسب مو سوه بيوم العندي دوام ابات يمهم واطلع الصبح لدوام واذا مهيب موجود يبقه يمهم من يكعدون يوديهم لامي غزل اقترحت عليه يجيبه يمي بس على كولته انتي اطفالج وحايره بيهم هنا وهناك تشمرين بيهم هو يروح للرمادي يبقى فد ثلاثه او اربعه ايام حسب شغله بيوم جان هو جاي يمنه واتصلت عفراء كالت جايين اني وقصي عليكم كتلهه هلا بيكم
-مهيب جايينه خطار كوم خل ارتب الصاله دكوووم
-ول شبيج ثبرتينه منو جاي
-عفراء وخطيبه
-وشعندوً جاي هذا الطرن
-مهيب تالي عااد وياك عيب الرجال جاي لازم تستقبله مهيب خلي وجهك بشوش اتبسم عفيه
-شلون هييج ويسوي بوجهه حركات 
-لاااا مهيب عييب شبيك اووو دروح
-تعاااي يابه لا ضوجين اول مايدخل اشغلو نكت دانضحك
-هههههههه مهيب شلون بيك
اجوي ودخلناهم شكد ميحجي مهيب وجنت خايفه منه ومن استقباله بس بين العكس جان استقباله لقصي وترحيبه كلش حلو بقو يسولفون واحنه بالمطبخ وبعدين رحنه يمهم اجو عزمونه على عرسهم راح يسوو سكتاوي بسبب الفايروس طلعو وسد الباب مهيب ويباع عليه
-فدووه اروح لطولك اني شكد احبك وكامشه وجهه واكرص بخدوده
-ههههههه ول عييب اركدي يابه
-مهيب شو عجبني تشيلني
-رهاام بلا حركات غزل
-صدك جيبلي غزل هالمره اشتاقيتله
-صار يابه
-شيلني مهيب
-وخري مني رهااام
-شكد مكروه عفته ومشيت محسيت اله شالني واخذني للصاله
-الجهال نايمين بالغرفه مووو
-هزيت راسي
طفى ضوه الهول

بليل نايمين ودك تلفونو عمو رحيم فز هو عبالو بيبي بيهه شيء
-هلا عمي خيرر ياستار صصاير
بقى صافن يسمع نوب فز وكال يصير خير جاي وكام عالسريع فتح الضوه وطلع هدوم
-مهيب صاير عفيه خوفتني
-لتخافين يابه اسراء زوجهه لساا ماماخذه وسامعه حرمتو الجبيره تكولو اخذه بغير طريقه وهي متصله باهلهه وجايين ماخذيهه وهساع رجلهه يريد يهد هو وزلامو شلون تاخذون حرمتي من بيتي بلا شوري ورضاي
-عزززه وشراح تسوي مهيب عفيه ليصير بيك شيء
-لاا يابه لتخافين سهلا يلا راح اتصل برحمن يجي يمج باسني وطلع شوي واجه رحمن يمي بات فرشتله وبقيت منتضره مهيب شوكت يوصل ساعه زمان واتصل
-الوو حبيبي
-هلا يابه لا يضل بالج وصلت انه عرفت راح تضلين مناطره نامي بويه ماكوشيء
-ماشي حبيبي انتبه لروحك
-هلا هلا
رجعت نمت ثاني يوم جان جمعه كعدت ب11اتصلت بمهيب
-هلا يابه شلونكم
-بالي يمك شصار
-ماكو والله من امس كاعدين متحزمين مسلحين
-هاااا وتحجي بكل برود عزه بعيني ليش متحزمين شنو حتصير بالطلقات
-هههه رهام لا تضحكيني تعبان والله يولو هم دزو تهديد تردون البت لزلمته يو نهد عليكم ونخلي الدم للرجاب واحنه منتضرين الدم شلون يصير للرجاب
-عززه مهيب لتخوفني فدوه ارجع عفيه
-هاهي يابه اكمل البيدي وارجــ بعده ممكمل الكلمه واحس الطلقات زرفن طبله اذني كمت اعيط مهيييييب مهيبيييب لاااا اجه رحمن بسرعه لزمني وجر تلفون مني خلا على اذنه ميسمع بس هووسه وعياط
بسرعه خابر على رائد دقائق وكلهه التمت يمي واني لا ثوب ماشكيته لا شعر ما هلسته تخبلت تهسترت مهيب يرووح مني لاااا ربي لا دخيلك لا مهيب ابجي واعيط واهلي معافوني اتصل احمد واني انخمش كلبي كمت ادك على راسي واصيح رااح رااااح جاي يطيني خبرررره راااح
جاوب رائد بره ورجع وره شوي كال يابه رجلج عايش عايش مبيه شيء
-لالا جداااب انت جذاااب تجذبون عليه مااات مهيب مااات
-رهام وروح ابويه مبيه شيء شبيج الضربه مو قويه والله وداعه جهالج
-رائد فدوه مدتجذب عليه مووو
-والقران وروح ابويه هسه خابرني احمد مهيب كايله خابر رهام هسه متخبله اسكتي حبيبتي مبيه شيء وداعتج انتي
-بجيت بحركه امي كومتني غسلتلي وبدلتلي لمت شعري بقيت كاعده الوب ممرتاحه ممطمئنه كلبي معصوور حيل واحس ضغطي صعد
مرت ساعه ساعتين ثلاثه واني مثل سمجه المزوهره دك تلفوني ركضت عليه احمد فتحت خط جاوبني بصوته التعبان
-هلا يابه
-مهييييب هذا انت مهيبيب
-ول ابويه بس لتبجين هذا انه مابيه شيء وعيونج
-ممتت موووو عليك الله
-رهاام بدينج لا تعلين كلبي مابيه شيء والله اصابه خفيفه وداعه جهالج
-مهيب امووت وراك والله
-اشش ابويه انتي بسج يلا يابه خل اسده زحمه العالم يمنه
-سد التلفون واني اطمئنيت شويه بس كلبي واجعني عليه لحد هسه معرفت وين اصابته كمت حضرت غراضي وغراض جهالي رحت لرائد كتله كوم وديني
-لج بابا شاوديج العالم بيا حال واني شلون اامن عليج هناك عالم عدهم طلابه للستار
-رائد والله توديني معليه رجلي مصوب واني مجتفه وكاعده بروح بابا كوم اخذني
-يمه عقلي بنتج وفهميه ‏ايش عندها رايحة والعالم هناك عندهم مصيبة يروحون يتاذون جهالج بابا فهمي
-كمت ابجي حيل
-استغفر الله يلا كومي اوديج
-بسرعه امي بدلت لجهالي واني لبست وطلعنه لحكتني امي شايله ملازمي وكتبي اطتنياهم اني بيا حال وامي حايره بملازمي
وصلنه هناك وجانت الدنيا قايمه ومكلوبه
-اكفي لاتنزلين خل اسوي طريق
نزل رائد لاكه واحد من ولد عم مهيب هذاك فتح الباب مال كراج مال بيت وصعد رائد دخل السياره نزلت ونزلت جهالي وهو رجع طلع السياره دخلت جانن كرايبهم كلهه ملتمه والله دخلت للمطبخ نعيمه جانت تسولف وي وحده فتت داعبر للصاله سمعته كالت لا هله جت الحووبه اتعديته ومشيت فتت لكيت بيبي كاعده شمرت روحي بحضنه ابجي وهي تمسح عله راسي وتطمن بيه ماكو شيء التمن عليه حبايبي يبوسن بيه ويهدن بيه حارو بجهالي الي يبوس والي يلعب نخبصو بيهم غزل بحضني كاعده الناس بره مخبوصه تروح روجه وتجي غيرهه بليل قلت العالم وكالو طلعو مهيب يممه شحال كلبي بساعتهه نوب اكو عالم بعدهه وجلبو غير يرحون نريد نشوفه نطمن عليه جهالي نامو صعدتهم بغرفتي الفوك وغزل هم نامت نزلت جوه عالدرج وشفت مهيب بيبي حاضنتو واتبجي وهو يبوس براسهه ويكله يمه مابيه شي عجل مو واكف جدامج
رحت عليه نصدم شافني
-شجابج يخبله
-مهييب رحت حضنته وهو شاد بحضنو الي ويهدي بيه اااش شبلاكم كلبتوهه مناحه وخرت منه وكال تعبان اريد ارتاح منايم من امس
-امدلك هينا خوي تنام
-لااا فوك ارتاح اكثر
-هاااا عجل براحتك بس دير بالك جرح ايدك لا تضغط زايد
-ول كوا....انكتم ولي من جدامي
-ههههههه بعد اخوج رهام انتبهي لجرحو ترا هذا ينسه نفسو
-واني الفطيره جاوبته. لاااا اني اسويله كلشي ماخلي يتعب
شو ذولي خربو ضحك شبيهم شكلت حته مهيب يضحك وجهو صار احمر
-شبيكم يمعودين هااا
-امشي بويه امشي مابيهم شيء مخابيل
صعدنه فوك بدلتله وغسلت جسمه بدون ماوصل الكتفه الرصاصه جايه بكتفه الايمن ومطالعه باقيه بمكانه ومو عميقه فه بالمستشفى مطلعيه ومخيطين جرحو عمليه صغرى
-بدلتله وعطرته وبوسته حضنته
-مهيب لو صاير بيك شيء اموت وراك والله
-اششش لا تخافين يمج ماعوفج انه سحبني يمه نومته على صدري وحاضنه راسه بايدي وايدي الثانيه امشيهه عله كتفه هو حاضن بطني ونايم
-كعدت الصبح اليوم عدنه محاضره اون لاين كمت عالسريع غسلت ولبست حجاب ثبتت الجهاز هم نايمين رحت للصاله اني باديه المحاضره  كعد مهيب بقى يباع عليه ويشمرلي بوسات واني تلبكت وياه وي الاستاذه التشرح خلصت ابمحاضره بطلوع الروح سديته وكمت عليه
-اموتك هااا اموتك كوه كملت من وراك
-تعاالي يمي عااد
-تقربت حضنته وبسته دفنت راسي بحضنه
-رهام
-هااا
-تحبيني يولو
-ليش تسال
-هيج عجبني
-لااا
-شكثر
-هههههه داكولك لا
-وانه هم
-شنو انت
-اموت عليج تقرب يبوسني كعد مهند رفع راسه
ببا
-تعال يبعد ابوك وخري انتي غاد
-هاااا مهيب توخرني علمود هالفصمه
-دصعدي خطيه
-انطيته اله يبوس بيه ويشم بيه ويصيح افيييش
حضرت هدوم مهيب ونزل واني كعدت الجهال بدلتلهم ونزلتهم عزلت الغرفه صارت بوجهي اسراء
كلت ياستار بقت بس تباع عليه وتنافخ دخل مهيب سلمت عليه وهو ردهه هلا يابه ورجع طلع شو هاي بجت بحضن خالتهه
-ول عمت عيني علمودي هيج عرض روحه للخطر
يربي هالرجال ديتعبني خاله كلما اكول اعوفه وانسا يجبرني ارجع احبو
-اني بالممر اسمع مادري متقصده تسمعني لو هي دتحجي لخالته متحملت دخلت للهول بيبي تلعب بالجهال فرحانه بيهم صارو يجون عالم وخطار واني كاعده شعليه اني جايه خطار شنو اكعد اخدم نعيمه لا والله وياهو اليجي تلزمو اسراء علمودي وكف بوجه الموت ولخاطري متحملت عاد كمت للمطبخ اغسل ممات الجهال لحكتني وتسولف وي حنين اخت مهيب
-من البارحه لليوم متعذبه شلون سوه هيج علمودي
-اووووو شلحيتي علمودي علمودي شبيج بابا اصحي بعدج عايشه بوهمج شوكت تصحين للواقع
-وانتي شعلييج منو حاجي وياج لو ميته قهر لان وكف بوجه الموت لخاطري متتي بدمج
-ههههههه ضحكتيني انصحج ترحين طبيب نفسي لان انتي حالتج صايره يرثى لها كتلهه هيج وهي هجمت عليه دفعتني
-راسا ضربته راجدي ورجعتلي الضربه صرنه من الروس والعالم الجايه النسوان كلهن التمن كوه فكونه اني خرمشتني بركبتي وهي شكيت حلكهه وضربته بعينه زوركته صعدت لغرفتي ارجف من الاعصاب بعد منزلت لليل نومت الجهال صاحو عليه نزلت وجهي ميكصو السيف اسراء كاعده يم امهه وابوهه يخازر مهيب كاعد مدنك جان يكول عمو دحام
-ول انتن ماتستحن بيا حال احنه وانت تتكافشن من الروس خزيتونه دحكتو العالم علينه ول شراح يكولون بناتهم مستهتراااات
-عفوا عمو بس هي زودتهه تمشي وتكول لخاطري راد يموت روحه وعلمودي عرض روحه
-رهاااام حسج ماهيسو
-ليش مهيب تريدني اسكت هااا من حقي ابرر موقفي وادافع لروحي
جان يجاوب عمو دحام
-والله يابويه مستكويه ومحد يكدر يحجي وياج التفت المهيب هااي تاليت الدراسه مهيب عجل شعبالك باجر توكف بوجهك وتدور وياك قانون وحقوق
راسا انتفض مهيب وكام عليه كلي بسااع تصعدين فووك
-ليش اصعد ماصعد قبل ماحجي الحق والصار
-رهااام داكووول صعدددددي
-شفته صار عصبي وعيونه خازرتني كلش خفت يضربني كدامهم صعدت فوك واسمع مهيب صوته يرعد عليهم شوي وصعد فوك طبك باب الغرفه حيل وتقرب اني راسا كمت وكفت
-ييي رهاام انه يعيروني بيج يول يكولولي تستكوي عليك
-مهيب مو هيج مو يحجون كلمتين دفعوك عليه راسا رفع ايده ضربني كف وصار عصبي
-ول شقصددددج اندفع انننه وج وكفت بوجهم واخذت حكج منهم وانتي تكولييلي يدفعوووك عربانه قصدج انه
-لا مو هيج بس هالكلام
-اسسسس حسج ماهيسه رهام راح لفراشه تمدد وكال طفي الضوه
-بقيت مقهوره الليل كله وهو داير ضهره ونايم
ثاني يوم نزلت صبحت عليهم عادي لكيت تهاني ضايجه وتجلف بالسنك
-شبيج يحلوه
-مترد عليه
-شبيج لج
-ذبت السيم من ايدهه وبجت راسا كمت يمهه شبيج تهاني شصاير شبيج تبجين
-البارحه لكيت رسايل عد حازم من حبيبته السابقه
-وشسويتي
- كعدته وشوفته ضل ساكت محجه شيء
-شنو بالضبط  الرسايل هو حاجي شيء
-ابد بس هي تراسل بيه وتتوسل يرد عليهه
-خلاص شنو المضوجج
-خايفه رهام انه المريت بيه هوااي اخاف تلعب بعقلو وتغوي وتلوف علي وبلاخص هس هي طلكت
-جربي تحجين وياه انتي
-رهام انه ماضل اتوسل فدوه لتراسله يكدر يجذب علي وبالف طريقه يوصل الهه اريدو هو ضميرو يحكمو
-ميخالف لتسبقين الحدث كولي يالله ومسحي دموعج
نزل مهيب ورايه حضرتلو ريوك وانطيتو اله
-تعاي اكلي وياي
-مجاوبته جبت صينيتي اني وجهال وكعدت بقه هو ياكل ويباع علينه كملت شلت صينيه ورجعت جبتلو جاي واخذت الصينيه هو بس يراقب بيه للضهر طلع للمضيف اليوم يجون عالم علمود يحددون الكعده التمو كلهم للمغرب حضرت غراضي اروح باجر شنو بقيتي بعد ختنكت صراحه شلون جنت متحمله هنا صعدتلي تهاني كالت اجه حازم وحجه وياي
-ييي شنو كال
-كال صار يومين تراسل وانه مارد ولا ناوي ارد عليهه تهاني مابدل اضفر منج بالدنيا كلهه مو عاد مرره وحضرهه كدامي وحلف بجهاله مايحجي وياهه ولا وي وحده غيري
-الله يهدي يارب
لليل الناس رايحه راده ودي عطوه وجيب عطوه حددو الكعده الجمعه زين اليوم سبت ممعقوله ابقه كل هالمده بليل دخلو الولد وياهم مهيب كعدو يمنه سوينالهم جايات هم بيهم طبيعه الجاي ميفاركهم بكل وقت جاي  احنه كاعدين كاعده وصافنه عله سوالفهم وضحكهم وغزوله بحضني رفعت عيني والكا عينه بيه من نتبهتله نزل عينه ع استكانه توترت وكمت ماريد اضعف مقهوره منه اخذت غزل وكتله يلا ننام حبيبتي صعدتهه خليته بفراشه وبدلت وتمدتت العب بتلفوني وايد العب بفروه راسي دخل مهيب وسد الباب طلع مي وشرب علاجو ودخل للحمام صاح
-رهااام
-كمت هااا
-تكدرين تسبحيني جتفي يوجعني
-بدون جواب دخلت للحمام ساعدته ينزع هدومه وهو يباع عليه وعيونه تدور بوجهي نضره مانطيته كاسرت المي وبديت اغسل بجسمه على كيف لزم ايدي باوعت عله ايدي ورجعت باوعت عليه سحبني اله
-اسف رهام بس انتي تماديتي تخبلت من عيروني بيج وكالو تستكوي عليك وباجر تدور وياك بالقانون ونوب تكليلي دفعوك مو عيب!!
-مهيب خل اكمل غسل وانام وراي روحه باجر
-وين؟؟
-راجعه شنو بقيتي هناا
-مانطيتيني خبر بروحتج باجر
-هاي عرفت هسه شنو الفرق
-لزم ايدي حيل وكال رهاااااام لا تخليني ورا ضهرج المفروض تشوريني قبل ماتقررين دفع ايدي وكال انه اكمل طلعي
-والله طلعت بدلت ثوبي تبلل ودرت وجهي انام طلع هو بدل ودار ضهره ونام ثاني يوم كعدت حضرت روحي وجهالي سلمت عليهم وطلعت مسلمت على مهيب ابدد وصلني حازم لبيتي وصلت للبيت بدلت للجهال تعبانين نامو باسرتهم واني هم ذبيت روحي ونمت كعدنه ب2ضهر جوعانين بدلنه وتمشيت لاهلي بالطريق داتمشه اتصل مهيب اني دادفع بالعربانه
-الوو
-هاا وين انتي
-رايحه لاهلي
-عجل ماعرفتي تنطين خبر لو رساله
-مهيب مرايحه سفره هو كم بيت بيناتنه لدور حجج ومشاكل حل مشاكل بنت عمك بعدين افرغلي عود باي سديته التلفون وصلت لاهلي سلمت عليهم وصبيت اكل واكلت امي وكلت جهالي مرت ايامي اني واطفالي يوم ابات يمهم يوم رحمن يمي اليوم كعده العشيره مالتهم عشتو
ماسالت ولا خابرت اصلا طول هالفتره اني ماتصل هو يتصل يسال يشوف ردودي مختصره وجافه يسلم ويروح
ساعه سبعه الصبح عندي محاضره كعدت وبدت المحاضره وتركيز لابسه حجابي ومركزه حسيت الباب نفتح مال شارع وصوت سياره بالكراج صوت قفله السياره هذا صوت سيارته فتح باب المطبخ ودخل اني صايره بالصاله دخل وباوع عليه وراح للغرفه كملت المحاضره وره ثلث ساعه تقريبا تمغطت وذبيت حجابي بعدني نعسانه كمت للغرفه دافيه غيرت هدومي لملابس مريحه وتوجهت للسرير مهيب جان نايم على ضهره وايده عله عيونه وخر ايده وكام يمي شبكني من ضهري وخلا راسه بركبتي
-من البارحه مانايم اشتاقيت لعطرج وحنيت لحضنج ماصدكت يطلع الفجر اجيج رهاام احبج هوااي انه فكيهه عاد همس باذني مشتاقلج حيل مشتاقيتي الي يول
-انداريت اله باوعت بعيونه دمعت عيني راسا اخذ راسي وصار يحير شلون يوزع بوساتو بوجهي
حياتنه حلوه متعاونين بيوم العندي دراسه يلهي الاطفال عني ويساعدني بيهم كملت اخر سنتين جامعه اخر سنه  تعبت بيهه بين الاطفال والبيت والدوام والتخرج

اليوم اني واكفه اخذ صوره التخرج زملائي ويايه كدامي مهيب بهيبته وقاطه وامي واخواني رفعنه القبعات وكملنه جلسه التخرج توجهت المهيب اني والقبعه والروب ابتسم بوجهي وطلع علبه حمره فتحهه بيهه بروش ذهب مكتوب بيه القانونيه رهام سعد لبسهه الي وباس راسي التفتت اهلي فخورين بيه زوجي فخور بيه اني رهام فخوره بنفسي واجهت الصعاب وواجهت خوفي وحققت الي اريده بمساعده رب العالمين واهلي وزوجي
واخيرا احب اكللكم اخذو من قصتي عبره لتاخذون سلبياتي اتعلمو من اغلاطي وتجنبوهه حاربو وحققو احلامكم واجهو وطلعو حقكم من حلك السبع لتضعفون لتخلون الدنيا تكسركم كسروهه كسرو حواجز الخوف الي بداخلكم مانكر كنت جبانه وخوفي كان السبب بكل الصارلي لتسكتون عن حقكم ابدااا

وشكرا لكل الي تفاعل وياي وانقهر عليه وحب شخصيتي ولكل شخص انتقدني وضاج مني احبكم كلكم حبيت اختصر قصتي وماطوله عليكم لاجل متحسون بملل ردت اوصل عبره ورساله لكل اخواتي تحياتي الكم جميعاا

الى هناااا حبايبي اختم وياكم روايتي الخفيفه اللطيفه والتقيكم ان شاء الله قريباا  بروايه جميله وهالمره تختلف بطل قصتي رجل راح اخذكم ويايه بجوله طويله في الناصريه وافركم بالحبوبي واوكفكم يم جسر الزيتون ونستمتع كلنه ان شاء الله بجولتنه سوه

محبتي الكم جميعااا♥️💋