غياهب القدر

البارت الخامس عشر

طاحت اوفوك الفشل
بمصابها الشامت تشمت
اخ ياروحي الكّبــل
جانت عزيزة شلــون ذلت

عريان السيد خلف⁩
______________
رفعت راسي وسمعت صوت وسام بالمطبخ راسا سخبت روحي داطلع جان يكولي شلونج مرت ابن عمي درت وجهي وطبيت سمعت احمد كله شعدك هيناا اطلع من الحريم تاياخذون راحتهم يلااا

بقيت ارجف وكلبي يدك سريع خايفه ليسمع مهيب ويرجع عليه وفعلا مافوتوهه بعد مراحت العالم دخل مهيب للبيت لازمه احمد كعد بالهول ويسلمن عليه نسوان عمومو واهلو اني بالمطبخ كاعده صاحتلي نعيمه يوول رهام تعاي شوفي زلمتج سلمي عليه

مهيب..لاا خليهه وين داخلا تستحي من الزلم

نعيمه..يااا وين تستحي عجل مو بالمطبخ يطبون وتستولف وياهم خطيه متستحي بالعكس ممتقيده بيهم

مهيب..ليش منوو يدخل للبيت احمدد اشوصيتك عجل انه
احمد..استهدي خوي محد داخل للبيت انه منبه عليهم بس وسام دخل وطلعتو بالعجل
مهيب تخبل من سمع بوسام
ولد عموو بقو ساكتين لان يعرفون طبعو ويعرفون غيرتوو عاد ترخصو يطلعون اخذو اهلهم وطلعو

اني بالمطبخ وجسمي يرجف وكلبي راد يوكف بعز البرد صرت اكت عرك

صاحني مهيب ودخلو احمد لغرفه عمه فوزيه وطلع هو دادخل وشفت اسراء موجوده وتتبسم ونعيمه التفتت عليه رفعت حاجبه وندارت نطتني ضهره طبيت لكيته كاعد عالسرير داتقرب يمه رفع ايده وكفني بمكاني

مهيب..من انه اوصي بيج واكولج ماريد ضلج احد يلمحووو وانتي شسويتي

رهام..مسويت والله بس اسمع

مهيب..وصيت لو موصييييت

رهام..هزيت راسي

مهيب..عجل ليش تتمخترين بطولج جدامهم مو كتلج المكان البيه احد منهم تطلعين منووو انه مكررن انه نايم منكبر وحرمتي تفر بـ.... جدام الزلم انتي شنوو انتي من حرمااا لا الكتل فاد ولا العيني واغاتي عجل شسووووووي بعد
حجه وسند نفسه وكام ضربني راجدي والله طيرلي وجهي اكوله والله ماامسلمه عليهم ولا لمحتهم

مهيب..لاا تحلفين ووسام مادخل اليوم

رهام..بلي دخل والله راسا طلعت من المطبخ اسال احمد جان واكف جابتي بكف ثاني وطلع

مهيب..احمد تعاال اسندني
تهااني..هيج يخوي بساع صدكتهم وخليتهم يتشفون بيهه

مهيب..تهااني بسج مالي خلككم كلكم روحي بخشمي

تهاني..انه جنت واكفه فرحانه بتلفونهه جانت ودخل وسام واول ماسمعت صوتو راسا نسحبت وطلعت ماخلتو يلمحهاا عجل انت هيج خايف عليهه مااسالتهه شبيج وجهج شبيه

مهيب..سالتهه وكالت مابي شيء بس غير من اللطم هيج بيه

تهاني..لااا مو لطم بس انت وصلت الموت واسراء تولتهه ونعيمه ماخلو بيهه عضم صااحي  واذوهه وكتلوه وكوا خلصناهه منهم وهي حرف مانطقت جانت مصدومه بيك يخوي اعصابك راح تخسرك رهام لا تصير انت والدنيا وكيد نعيمه عليهه صيرلهه سند