يلا ياجدي يلا يا ذيبي اخذ حرمتك واصعد للفندق واخذ حرمتك وزور لا تضلم البت ولا تخلي الحقد يزيح الرحمه من كلبك يله حازم ورانه طريج نمش لهلنه وانت الصبح تعال من غبش لان جايينه ناس سمعتني
مهيب..تأمر جدي
يله يالله اودعناك
مهيب..برعايه الله يجدي
فتح باب السياره يله خاتون نزلي شناطره
ريهام..رجفه سرت بجسمي رجلي مدتعيني اخاف اتحرك
مهيب..يلا خلصيني
ريهام ..بيه مبيه نزلت من سياره وردت اعثر بلبدله واوكع ع وجهي لزمني مهيب وهو ينافخ ويكول شهل بلوه يامحمد خلصيييني
ريهام..دخلنه الرسبشن وحدنه بس اني ويا شكد نهضمت بساعته مو المفروض زفتي مو لازم افرح واضحك يربي ساعدني احس الخنكه جرحت بلعومي ودمعتي كوه لازمته مغطيه نفسي بالكب مال بدله مدنكه كلشي ممبين مني
مهيب..مرحبا اخي اكو حجز باسم مهيب دحام
الموضف ..نعم بس عقد الزواج اذا ممكن
مهيب ..تفضل يخوي ياريت تستعجل الحرمه واكفه بنص الفندق زحمه
الموضف..اتفضل احنه مجهزين كلشي تفضل استاذ
مهيب ..يالله يله مشينه ولا ترفعين راسج
ريهام ..مداشوف عفيه حوكع
مهيب..ااااش انكتمي وتعااي
لزمني من زندي من فوك الكب ويمشيني واني كلشي ماشووف صعدنه المصعد ويانه موضف شايل الجنطه وهو اسمع صوته ينافخ وصلنه لطابق وكف المصعد طلع الموضف فتحلنه الغرفه وكال الف مبروك استاذ
مهيب ..هلا سد الباب ودخل متنرفز ويستغفر واني ع وكفتي اخاف اتنفس ويضوج رجلي خدرت تعبت البدله حاره وثكيله رفعت راسي شوي شفته واكف يم الشباك ويدخن وصافن
كلت فرصتي اروح ابدل داتحرك والتفت عليه
مهيب ..دحكي
اني ..صفنت كتله شنو مفهمت
مهيب..يول دحكي يعني عايني علي
رهام ..يي فهمت تفضل
مهيب ..يزيد فضلج مثقفه ومودبه اخت فيصل مشالله ونعم التربيه
ريهام...
مهيب..عايني بابنت اخذتج مو حبا بنسبكم ولا يشرفني اصلا وانتي من الاساس بلوه وطحتي براسي فه لتتاملين شيء مني
ريهام..شنو يعني مفهمت
مهيب..يعني لاتتصورين اعتبرج زوجه الي بيوم الي بينه حبر على ورق وبسسس مفهوووووم
ريهام..فزيت من صرخته وكتله يي مفهوم
مهيب..والي يسالج ويكول شصار تكلين كلشي تم
ريهام ..بس اهز براسي بالقبول الساني انربط ومدري رجفه صارت بجسمي وبنفس الوقت فرحت لان مراح يتمم زواجه مني يله بلكي يرجعني لاهلي بعدين يي مدام ميريد يتقربلي معناهه ناوي يرجعني داحجي بيني وبين نفسي فزيت عليه وهو يكول
مهيب..يله غيري سلاباتج لاتضلين متبسمره كدامي
ريهام ..هو كال هيج واني اطفر للجنطه داطلع هدوم يربي بس رواب نوم 2شلون بقيت حايره
مهيب..يله فضينه نثولتي
ريهام..هااا لاااا بس الهدوم شسمه
مهيب..يولي شنو شبيهن شو دوخري
ريهام..اجه ديشوف شكو شاف بس روبين نوم ماكو تراك ولا دشداشه نفخ بضجر وكال يامحمد شهل بلوه الوكعت براسي ياامه الاسلام التفت وكال عشر دقايق واجي
ريهام ..طلع وسد الباب وراه كعدت عالتخم رفعت نضري عالغرفه مو غرفه هي سويت كامل يجنن ترتيب ونضافه السقوف كلهه اناره وسقوف مغربيه شكله كلش حلووو السرير عالي وعليه ورد وخالين بالونات من جهه الراس بقيت اتمعن بتفاصيل الغرفه الشباك يطل على قبه الجوادين مرت ربع ساعه دخل للغرفه بيده علاكه شمرهه عليه وكال هاج هذي
ريهام ..اخذت العلاكه واشوف جايب دشداشه وتراك اخدت الدشداشه ودخلت للحمام وهنا المصيبه البدله شراح يفتحه ادور منا واجي منا يربي شلون افتحه كوه كوه جريت الحبل ونفلت يمه جريت نفس ذبيته وفتحت شعري مجنت مسويه تسريحه هوسه برمت الجوه والفوك سويته تسريحه مو عاليه دخلت للدوش سبحت عالسرعه خفت ليصيح عليه كملت وبدلت طلعت لافه منشفه براسي شفته يدخن وعالشباك بس شافني دخل للحمام اخذت المشط مشطت شعري شوي اني فاهيه بالتمشيط طلع من الحمام لابس داخليات وينشف راح للجنطه طلع دشداشه بيضه مسفطه ولبسهه راح للمرايه مشط وطلع عطر كل هذا اني المحه اخاف ارفع عيني واباع عليه كمل ووصى على عشى جابو العشى خلا كدامه وصاحلي يلا تعاي اكلي
اجيت والله مو لان اريد اكل بس اخاف حته اكول مجوعانه كعدت مدنكه صاح يلااا فضينه مديت ايدي وكمت اكل شوي وكلت شبعت عادي اكوم رفع عينه عليه ورجع يكمل نوب مطاني جواب لا اكدر اكوم ولا اكعد كمل وكام غسل وطلع اخذ تلفونه وجكايره وكال نازل انه اتاخر لتنتضريني
ريهام..تمام طلع هوو واني هههف تنفست الصعداء لميت الاكل وغسلت ورحت للسرير مديت جسمي احس روحي اعضامي مطحونه كد ما رجفت اليوم صفنت هسه شنو يعني اني عود مزوجه زين شنو مصيري غمضت عيني ورجعت لذاك اليوم قبل اسبوعين تقريبا،،،،،،،،،،،،،،،
أنت تقرأ
غياهب القدر
Chick-Litماذنبي لاصبح ضحيه اخطاء أخي الذي لا يستحق هذه الكلمه ما الذي اقترفته حتى اصبح فريسه بين انياب ذئب لا يحمل الرحمه
