غياهب القدر

البارت السادس والعشرون

تجاوزتك وكملت
مجبر جنت مو بطل
ليش استلذ بالنصر
وادري انه مو نشمي؟
غصباً عليه عشت
من انتَ،مو يمي
گلت على هجرك حلو
وگالولي عفيه وكفو
بس النتيجه شنو؟
گدام ناسي الصدگ
اني الربحت الحرب
بس اخسرت حلمي
_____________
صارت بوجهي عفراء

وينج يمعوده بنتج دتبجي تعبت امج
-اجيت اجيت

-شبيجً وجهج ميطمن

-بعدين عفراء بعدين

-بنتي وين صرتي بنتج طكت بجي
-صار عدهم اشكال بالعشا ورتبت الامور

-اخذت بنتي نومتهه واني كلبي يرجف وبهتت كل فرحه العرس بيه نومت بنتي وخليته باخر القاعه بالميوز الفارغه طبكت كراسي ونومته كمت للحمام اختنكت مسحت عيوني مدمعات جانن باوعت لروحي وحاجيته
رهام لتفكرين بيه هاذا الردتي انتي خلااص لتفكرين بيه لعد لتضعفين لتضعفين برطمت وبجيت اجتني عفراء سالتني حجيتله دنسولف دخلت مرت عمي ام قصي ام العروس يعني
خاله انتي متزوجه ؟

-لا خاله

-دخلت للحمام وطلعت كملتله السالفه وطلعنه من الحمامات وي طلعتي قصي واكف بس عينه باتجاه عفراء هي انتبهت وبقى الحفله كلهه هو عينه عليهه 
خلصت مراسيم الحفله الي كلشي مشفت منهه رجعنه للبيت والعرسان راحو للفندق  تفكيري ضل بمهيب وروحي محتركه حنيتله وروحي فاض بيهه الشوك بقيت الليل كله افكر بيه وبكلامه كعدنه الصبح العرسان جوي وبيت عمي وغدا وهوسه وخطار مشت ايامي بيوم اني بالجامعه هسه جنت داخله واجه قصي للجامعه كعدنه بالكافتريا

-شلونج رهام شخبارج

-اهلا قصي الحمد لله كول شنو جيتك للجامعه اكيد مو علمود تسال عن صحتي؟؟

-الصراحه انه جايج بموضوع واتمنى تساعديني

-كول والاكدر عليه ماقصر بيه

-انه بالعرس صديقتج الجانت وياج صراحه عجبتني ورايد اعرف هي منين وشنو ومنو

-عفراء قصدك شوف قصي قبل كلشي صدك انت الله يحبك لو صارت من قسمتك عفراء حجيتله عن خطوبته وعمر كال اني البنيه عجبتني هواي ثكيله ورزنه فاتحيهه بالموضوع وشوفي صدفه اجت عفراء سلمت علينه وكعدت اترخص قصي وطلع
-هذا مو ابن عمج

-ييي

-شجابه

-كلبه جابه

-شنو مفهمت

-شوفي عفراء من الاخير قصي معجب بيج وشاف اخلاقج وجايني حته افاتحج بموضوع زواج شتكووولين

-شبيج رهام ليش مرفضتي من يمج وتسدين الموضوع

-عفراء ليش تدفنين روحج عمر الله يرحمه راح لدار حقه واهلنه يكولون الحي ابقى من الميت الدتسوي حرام عليج نفسج تحاسبج