أثاري انتَ
سفر دنيا وحلم مبيوگ
مَر صدفة وخلص وكته'
عريان السيد خلف
_______________
خلصنا من السالفه ومشت ايامنه حلوه اني ومهيب مدللني ويخاف عليه عبالك عرسان ولو احنه فعلا عرسان تقريبا حياتنه هادئه بس دائما هذا يكون الهدوء ماقبل العاصفه واحنه عواصف
كاعده بغرفتي ودخل مهيب بس شكلو عصبي ويحجي ويسب كتلو الله يساعدك
حبيبي كلي هلا يابه هلا شمر دشداشتو ودخل للحمام رحت شلت دشداشتو وحضرتلو ملابس شوي وطلع سابح ولاف المنشفه على خصرو لبس هدومه كتله شبيك حبيبي مو علىً بعضك وهو يسب ويكول عفيه بيت جد احركوو كلو واخلص ماكو راحه ماكو هدوء كلهه براس مهيب
رهام..تحركوو واحنه وين نروح تفرط بينه
مهيب..بابتسامه يول انتي كاعده هيناا بكلبي
رديتله بضحكه كتله امووت عليك
مهيب..يوول كعدي رااحه مستعجل لتتحارشين
رهام..ليش وين طالع توك جيت
طلع هدوم وكلي بيت عمي جبار متعاركين وي العمال الي يم بيتهم يبنون يكلون يدحج على بنواتنه وصايره بالطابوك وانه احمد حررك التلفون عليه محترك دموو اكثر من ولد عمي جبار خل اروح ونفهم شنو القصه
رهام..بالسلامه انتبه عله روحك
شمرلي بوسه باالهوا وطلع
رحت اشيل المنشفه وارتب ميز المرايه لكيت ناسي تلفونو فتحتو خابرت امي وحجيت وياهم كلتلي راح نخطب لرائد بت عمج ابو قصي الجمعه التجي علوا زوجج يقبل تجين كتلهه انشالله يمه وكملت سوالف وسديته منهه وكلت من يرجع اكوله واحاول اقنعه خليت تلفونه عالشحن شوي وجت رسايل اله مهتميت نوب اتصال ورا اتصال انوب رسايل وحده وره وحده كمت اشوف منو خاف مهيب ديتصل يدور على تلفونه رفعت الشاشه وطلعلي اسم ام جمان والرسايل عباره عن وينك وين رحت ليش مدجاوب انت شنو تحجي الكلمه وتروح ليش شبدر مني حته تطلكني تدري ماعندي غيرك ليش تأذيني راسا رحت للرسائل لكيته دازله عيني هالاسبوع حضري روحج هي رادتلو راح تجي لبغداد هلا بيك متدري شكد مشتاقتلك ومحتاجتك نطيني خبر قبل يوم حتى افرغ البيت وره شوي هو. رادله لا حتى ننهي هالزواجه وكلمن يروح بدربو
وهي حاايره شدازه اله صعدت للمحادثات القديمه لكيت كلامه وياهه رسمي وهي ساحله روحهه حته باصابيعو تتغزل وهو يتكلب عليهه ومو عاجبو وتدزلو صورهه وتكله مشتاقييت ميرد عليهه الي اكتشفتو النسوان تتوسل بيه وتريدو وهو كانو ماكو غيرو بالدنيا ميهمو احد ولا ينهز منهن ولا يعبرهن شفت هالشيء بأسراء وبهاي ام صخمان
اني لو تذبحوني يمكن ماكو بيه قطره دم صرت ارجف احس اعصابي صارن هزاز ارجف ارجف ودموعي تجررري بجيت وتعبت مسحت دموعي وغسلت وجهي كلت مابينلو داشوف يحجيلي لو يضم عليه العصر نزلت بس وضعي كلو مكلوب شوي وطبو الولد وجدو وعمي دحام عمو دحام يعني هو بعيد عن امور الشيخه والعشيره فه جدو نصب مهيب مكانو بعد عمرآ طويل دخلو الولد وهم حابسين ضحكتهم واحمد صاير نار من الاعصاب وصوتو رايح صعد فوك وهم طكو ضحك حته جدو سالتهم بيبي شكو
الي صار اكو عمال ديبنون يم بيت عمو لمهيب وحنوشه طالعه تغسل الحوش وشايفه الولد يباع عليهه رايحه كايله لاخوهه وطلعو للولد نزلو سحل ومخلصين عليه متصلين بولد عمومهم واهل الولد صار عدهم علم وجايين يتعذرون وابنهم هم متاذي شاكين راسو 8خياطات وكسر بايدو ومن سامع احمد خابص الدنياا عليهم ويريد يروح للولد يكتلو وكوه لازمي ومتراضين وي العالم فضت الناس واحمد ضال يصيح وشلون تطلع وخلو للحوش توصل بعد لاكسر رجليهه وانه كدامكم عمي كلكم حنوشه اريدهه الي وعمهم كايله كبع واخذه بعباته وهو ضايج لان مهيب وجدو وحازم ضالين يصنفون عليه
بيبي..يااايااا طلع الوليد واكع على وجهو ومحد سماا عليه
أنت تقرأ
غياهب القدر
Genç Kız Edebiyatıماذنبي لاصبح ضحيه اخطاء أخي الذي لا يستحق هذه الكلمه ما الذي اقترفته حتى اصبح فريسه بين انياب ذئب لا يحمل الرحمه
