اتمنه اشوفك منجرح
وكبالي طايح منكسر
محد يجي ويشيلك
ساعتها راح اضحك صدك
بس داخلي يبجيلك
ياولفي روح ولا تجي
وصدكني لو شفتك وطن
هم ما اجي واشكيلك
____________
بقيت لازمه التلفون واني متصنمه بمكاني
منين حصل حسابي شلون وليش وشرجعو حنيت بذيج الليله وذكرت كل كعده وضحكه النه سهراتنه ذكرت حبو ودلالو مهيب حبني حييل حبني بس هو طبعو يصدك بسرعه شكاك يعني كان تلفوني مابيه غير رقمو ممنوع غير رقم اخلي واهلي اتصل بيهم من تلفونو يغار غيرتو ضيعتنه وهدمتنه
ضليت ابجي ابجي احبه وماريد ارجعله ماعرف شلون راح اتحمل واقاوم وانسى تناقض بداخلي حرب بين قلبي وعقلي الفجر تعبت من البجي غفيت كعدت الضهر وجهي وارم وعيوني حمر
-شبيج ياامي ليش هشكل حالتج
-مهيب لكيتو مراسلني البارحه بليل وحجيتله شنو كاتب
-بنتي الرجال مبين حس بغلطه انتي لا تشدين ولا تلينين
-راح احضره اصلا
-لاا بنتي عيب هذا زوجج ميصير تهيني هالشكل اتركي وشوفي شنو يحجيلج ويكولج ولتردين عليه لحد متحسين روحج ماخذه قرارج الصح زين ماما
هزيت راسي
ابوج كال اخذيه اليوم لدكتوره العصر نطلع حضري روحج
ب5العصر طلعنه جان شهر رمضان بنصه ضبط صادف شهر الخامس نهايته العياده فرق شارع عن بيتنه رحنه مشي وصلنه واخذنه رقم انتضرت والله نص ساعه ودخلت الهه وياي امي سالتني اخر موعد دوره وطلبت تحليل دم وطلبت مني املي مثانتي اني اصلا ماصمت اهلي مخلوني رحت اشرب مي والتحليل رحت سويته وانتضرت تطلع نتيجه ورديت طبيت الهه كالت صعدي ماما دشوف وضعج
خلت الجل على بطني وجابت الجهاز ضلت تحرك بيه منا ومنا ثبتت الجهاز بمكان وضغطت عليه
-هذا كيس الطفل عمره شهر ونص داخله بشهر الثاني من اسبوعين خل اشوف النبض لحضه
بقت تدقق تدقق جان يطلع صوت مثل البقبقه بالمي كالت هذا نبض الطفل
اسمع صوته ودموعي صارت تنززل عبالك مطر هذا ببطني ابني طفلي راح يكبر ويتغذا ويتكون بداخلي احساس صابني بالفرح بداخلي كانو كلبي طلوله جناحات وصار يطيرر امي تبجي وفرحانه وتكول فدوه لكلبك امي انت ههههه عبالك دتحجي وياه ويسمعه
-لحضه ماما خل اركز اكو كيس ثاني بس مديتوضح عندي
بقيت اباع على امي وامي تفاجأت مثلي
دكتوره يعني شنو طفل ثاني
-مديتوضح الكيس بيه طفل او كيس فارغ تعاليلي بعد 3اسابيع مسويه دوبلر ملون يتوضح عندي وهم يكون الطفل متكون ويبين اكثر نطتني اكلنس مسحت بطني وسالتني عن الامواض الاعاني منهه كتلهه ارتفاع بالضغط
-وينج وين الضغط بنتي كلج 18سنه
هاي بعد صار دكتوره
تمام الاريده تنتبهين لنضام غذائي تقليل الدهون والملح وهاي مقويات الج وللطفل وضعه تمام منحتاج مثبتات انشالله
طلعت من الدكتوره واني اباع على ورقه السونر واضحك مشيت من واحد يبيع عصاير شتهيت الرمان
أنت تقرأ
غياهب القدر
ChickLitماذنبي لاصبح ضحيه اخطاء أخي الذي لا يستحق هذه الكلمه ما الذي اقترفته حتى اصبح فريسه بين انياب ذئب لا يحمل الرحمه
