غياهب القدر

البارت الثالث عشر

اشرهن ع الملح
والچمهن مـن اغتاض
‏ولا اذلهن جروحي بحظرة المخيط

عريان السيد خلف
______________
مهيب..صعدت وراهه للغرفه لكيتهه تعقم بخدهه وتبجي وتدردم اجيت اخذت منهه الكطن مسحت خدهه واني اباع عليهه

رهام..لتباع عليه والله هي بدت تكول متستحين وتتختلين شنو غير رجلي انت

مهيب..ييي وبعد شكتيلهه

رهام..يمسح ع كيف بالجرح ويسال كتله عاد اني متحمله عليهه ام الزلم التتوسل بيك الماعدهه كرامه متكول رجال مزوج متستحي خل تصبرلي اذا ماشلع شعرهه انت ليش فاككتنه ليش مخليتني ابرد كلبي بيهه

مهيب..صافن عليههه شلون محترك كلبهه وتحجي يعني تدرين بالرسايل اذا تدرين ليش بقيتي ساكته

رهام..ادري بس ردت اشوفه لوين تريد توصل خطافه الزلم

مهيب..ههههههههه يوول عييب رهام تغارين عليه!!

رهام......سكتت كلشي مكلت

مهيب..اطمني بوياا هالكلب مادك لغيرج ولا راح يدك

رهام..تقرب عليه طبع بوسه بخدي وبوسه بخشمي نزل على شفتي باسهه خفيف واني مثل الرجفه صارت مو بجسمي لاا بدمي عبالك احساس ماعرف شلون اوصفه حلو وغريب نوب تعمق ببوسته واني بس مسلمه روحي ونحلت وهو يتفنن باوع عليه كللي هااا بويه نمتي خجلت منه ورحت عالسريع للحمام وهو نزل

مهيب..انه رجال معاشر نسوان هواي لان احتاج مره بس بنفس الوقت مادخل بالحرام جنت اتزوج عرفي وجنت متخوف من فكره زواج واني عندي بنيه اخاف من فكره زوجه اب ماريد بنتي تعاني الي عانيته بالذات انه جانت تكرهني نعيمه وصارت عندي بنتي هي امي واختي وصديقتي وبنتي هي المالكه كلبي واخساسي بس هساا رهام احساسي وياهه يختلف مرات احسهه طفله وحاله من حال غزل مرات اشوفهه مره كامله صرت افرح من اشوف ضحكتهه من اكون قريب يمهه كلبي يخفك حيل واريده تبقه يمي هالانسانه الوحيده الي اكدر اكول دك كلبي الهه بعد بنتي غزل احسهه نضيفه وصافيه
داطلع لزمتني تهاني خربانه ضحك هي واحمد وحازم

تهاني..مهيب مهيب تعال خل اكلك رهام شتكول عليك
تكل لاسراء عسما احطه وابوسه كدامكم وكدام العشيره كلهه محد يحجي حلااااالي

احمد..عجل تخيلو مهيب تمده حرمتاا وتمطك بيه كدامنه

حازم..والي يتجرا يكله بويه عيب تكله حلاااالي

تهاني..ههههههههههه اااخ بطني اله وينهه هي هساا

مهيب..فووك خطي اذتهه هالعايقااا بس ودين محمد لااماحطلهه حد

تهاني..تهداا لا تدافع لو شفت ايد اسراء عاضتهه وهام اله شالعه لحم يمكن هساا رهام دتشلع لحم من اسنونهه

مهيب..عفتهه وطلعت وياي الولد نروح الربعناا نراكيل وكعده ونرد تالي احمد وضعوو تحسن بس احسوو مهموم هذا مو اخوي هذا قطعه من روحي انه ربيتهم