واعيش بحسرتك هايـم
اشب نوبه بعذاب الروح
نوبه بلومة اللايم
عريان السيد خلف
____________
التفتت عله صوته لكيته لازم تلفوني وعيونه تريد تطلع من مكانهه
تقرب عليه خله الجهاز كدامي لكيت رساله من رقم عالواتساب مكتوب وينج حبيبتي رهوم
بقيت فاتحه حلكي
مهيب..شنو هذاااااااا
رهام..باوعت عليه كتله ماعرف
مهيب..رهاااااام هالرساله منيييين اجاني بكف
رهام..كتلك ماعرف شنوو مدتصدك خابر وشوف منو
بقه يكتب بالتلفون ونوب جتي رسايل فتحهن شوي ورفع راسه عليه وكلي رهاااام تقرب عليه واني ارجع اكوله شنو بس فهمني
واخذ شعري بايده وخله التلفون بوجهي اشوف صور محادثات بيني علا اساس وبين هذا الديدز بقيت اباع عليهن وعلى مهيب الي احسه راح يتحول الى وحش يتنفس سريع وعيونه صارن حمرر واعصابه كلهه بارزه كتله مهيب والل بعدني ممكمله اجاني بكف والثاني وبقه يضرب بيه اخر شمرني بالكاع واخذ التلفون وطلع بقيت كاعده بمكاني مصدومه على الديصير يا محادثات اني حته رقم اهلي ماعندي اخابرهم من مهيب منين طلعلي هذا لا والمحادثات باسمي وصورتي يعني اكيد الشغله براسي براسي دب الخوف بيه وخايفه من مهيب ماعرف شناوي خاف راح يفضحني ويوصل السالفه لاهلي بقيت اكل برووحي وره مده دخل مهيب لكاني بمكاني وكف كال كوووومي
كمت بسرعه واني ارجف وخدي وارم من اثر ضربته لان جان لابس محبس والمحبس ملتف الشذره صايره عكس فه بضربته ضربت عضمه الخد وورمت
مهيب..اخررر مره اسالج منو هذا ومنين تعرفينوو
رهام..مهيب والله ماعرفه ولا احد يعرف رقمي اصلا التلفون شامرته بيد غزل لو بالمطبخ ماعندي شيء بيه
مهيب..يووول اشايفتني اثول كداامج لو طرن تقرب لزم شعري وقرب وجهه وحق محمد اطشر راسج احجي شنو هالرسايلل
رهام..بقيت مغمضه عيوني وابجي ساده حلكي لينسمع صوتي وتصير فضيحه
مهيب..تلفونج بيه رسايل ومحادثاتج وي ولددد شنو براايج يكوون
رهام..والله التلفون اصلا مالزمو كله بيد غزل لو بالمطبخ اعوفه حته ارقام اهلي ماخلي بيه اخاف متقبل مهيب الله يخليك لتضلمني والله ماعرف منو الديتراسل
مهيب..محادثاتي عجل ليش حاذفتهم
رهام..هذاك اليوم جان تلفون بيد غزل وصاحتهه اسراء دتاخذ منهه التلفون شافتهه تهاني واجتي كلتلي رحت سحبت التلفون من غزل ومسحت المحادثه خصوصيه ماريد احد يعرف بيهه بيني وبينك حته رمز ماخالتله علمود غزل وخفت لا مترضه مهيب وداعه امي ماعرف سالفه الرساله عافني وبقى يدخن ولازم راسه واني ضليت بمكاني كاعده بالكاع ولامه رجلي عليه صار الفجر كام توضى وديصلي طبيت للحمام توضيت وفرشت سجادتي وراه وكلت الله اكبر ودموعي نزلو بشهكه التفت عليه واستغفر وبدا يصلي واني هم صليت واشهك كملت صلاه ورفعت ايدي ودعيت ودموعي تنزل وحده وره الثانيه كملت ومسحت دموعي باحرام الصلاه لكيته مدنك على سبحته صافن ويفر بسبحتو بعدني بأحرام الصلاه لزمت القران وكتله اقسملك بكلام الله ماعرف شيء عن الرقم ولا الرسايل وحته اذا تريد اخذ التلفون اصلا مامستخدمتو باوع عليه وعيونو كلهه حيره وحزن وحسره كلي خايف اضلمج وتطلع مو الج وخايف اكثر تطلع الج الرسايل شسوي بساعتهه كليلي هز راسو ودنك كمت رفعت احرام الصلاه ولميت سجادتي ورحت لفراشي مددت ومحسيت اله الصبح مهيب مغير هدومو وطالع نزلت وكملت شغلي واني افكر عقلي تعب من التفكير يودي ويجيب بيه ممرتاحه لهدوء مهيب ممعقوله هيج هو اذا فتت من كرايبه يتخبل مو يلكاني مراسله ولد لا والرسايل حبيبي واموت عليك مستحيل مهيب اكو شيء بعقلو كملت شغلي ومهيب تأخر برجعتو للبيت جنت مسبحه غزل ومدفيه الغرفه دخل مهيب وسد الباب بسرعه كملت تبديل واني اراقب حركاته نزع هدومه ودخل للحمام كملت غزل ومشطت شعرهه وديته بفراشهه هي اخذت تلفون ابوهه وتمددت طلع من الحمام سابح وبدل وراح لفراشه كتله احضرلك اكل كلي لا اريد انام غمض عينه دينام كلي الرسايل طلعت مو من خطج راسا فتحت عيوني وكتله شلون عرفت كلي بس اكو احد وره الموضوع ولازم نعرفوو كتله مهيب كللي شلون عرفت كال واحد نعرفو يعرف احد يشتغل بالشركه مال خط وطلع الرسايل مال خطج المن مراسله بخطج ماطلع غير خطي مراسلتو ومخابرتو وهاي اول محادثه البارحه بين الخطين
من كلي هيج فرحت ودمعت عيووني كلي رهام اكو احد ديوكع بينج وبيني العمله هذي متقصديهاا والرقم عرفت صاحبوو كعدت كدامه وكتله منووو كلي الشريحه باسم رياض
أنت تقرأ
غياهب القدر
ChickLitماذنبي لاصبح ضحيه اخطاء أخي الذي لا يستحق هذه الكلمه ما الذي اقترفته حتى اصبح فريسه بين انياب ذئب لا يحمل الرحمه
