غياهب القدر

البارت الحادي عشر

كل عاااام وانتو بالف خير يارب صحه وسلامه للجميع
اعتذر عن التاخير بسبب المرض انشاء الله راجعتلكم اقوى👍🏻
   ادري البارت مو طويل بس ماحبيت اعوفكم هيج صدكوني بالكوه كتبته وانشالله يارب اعوضكم بالايام الجايه

قرائه ممتعه

———————————————
طوينه ايام ماضـينـه
نسينه شلون چنه بشوگ نفرح لو تـلاگيـنه

عريان السيد خلف

رهام..طللللكني
مهيب..كتلج انه اعتذر ومستعد اعوضج التردي يجرالج
رهام..خلاص معناهه سويلي الاريده طلللكني كاافي الي شفته والي صارلي منك يي اني اخت مجرم اخت حرامي حراميه شعدك مبقيني طلكني اعتقني حرام عليك عفته ونزلت لجدي كتله جدي انه داخله على الله وعليك
الجد..اامري بوي
رهام..اريد اتطلك
الجد...تهددي بوياا انه ادري حقج بس هذا مو حل الله لا يجيب الطلاج بويه حلو اموركم بالتفاهم
رهام..جدي طلعتوني من بيت اهلي وكلتو بتنه وبعيونه ووووين جدو كلشي مشفت بس الكتل والاهاين والتهم اترجاك جدي اني بعد خلاص ماكدر اتحمل انتو كلتو اخذنه منكم مره حته نفك المشاكل ومايطيح دم جدوو بس دمي يوميه طايح
الجد..دحكي عليه بويه انتي هساا بحاله اعصاب اتهدي وحاولو تحلون مشاكلكم بدون خراب بيوت
فوزيه..يمه بنيتي اهدي والمشاكل تصير بكل بيت جا عله كل طكه ومشكله طلاك جا ما ضل بيت عامر
رهام..انتو مدتفهموني والله ماكدر ابقى بعد وياااه ماكدر احرك نفسسسي وابليكم
الجد....بسسسسسج انكتمي شهل اللسان
رهام..اعتذر جدي بس ماكدر والله جرتني بيبي وكالت ماعليج يجده اهدي وكل الامور تنحل بجيت بحضن بيبي
رهام..بيبي والله ماكدر بعد مااكدر
الجد..حااازم تهيرر بويه زت حرمه اخوك خلهه تمش لهلهه بين ماتنحل الامور
مهيب..جددي حرمتي هاااذي انه الاقرر تضل لو تمش مامن حقهه تجسر كلمتي
الجد..مهييييب البت تروح وكلام اخر ماريد
رهام..مو كال تروح اريد الحك الزم باب الغرفه عالسريع حضرت جنطتي وخليت هدومي وغراضي واحتياجاتي وداسدهه طب مهيب مثل الاعصار
مهيب..رهاااااااام تكسرين كلمتتتي والله اكسر رجليلج وماخليج تعتبين باب الدار
رهام..مهيب هاهي بعد ماكدر تعبت انهان وانكتل وانضرب واتتهم اخذتوني لحتى ميصير دم وثار طزززز خل يوصل الدم للركاب خل يصير بحر من دم شعللييييييه انييي شعللللليه
اجه عصر فكي وكلي السااانج اكصه يووول لا تشوفيني ساكتلج ومتحمل ومحمد افنييج وماخليلج اثررر اورج وررر رهااام نكتمي وكعدي
رهام..ماااكعد كااافي مهيب ارحمني ركضت للميز طلعت مكص فتحته وخليته عله ركبتي تحت اذني
رهام..ورب العزه ماتردد لحضه اسويهه ولا اضل وياك
مهيب...رهاااام بس اهددي لا تتخبلين
رهاام..يييي اني مخبله مخبببله واسويهه والنبي ضغطت عالمكص نشخطت ركبتي
مهيب..رهاااام بسسج بووويه خل نتفاهم
رهام..ماكو ماكو منتفاهم رجعوووووني
مهيب ..هاهي يجرالج بس زتي المكص يوللللي
رهام..احلف بداعه غزل ترجعني
وي مدا يحجي دخل احمد
احمد..مهيب يوااشك يخوي تهدددا البت اعصابهه تعبانه
مهيييب...احمدد بت بكد بزري تمشي جلمته. علي وتهددني ااااخ يالعثرره لج دذذذبي الغضضضب من ايدددج راح تنذبحين
احمد..رهام خويه ذبي المكص وانه اخلي حازم يزنج لهلج وروح امي
رهام..احمد اكييد والله ماريد ابقى
مهيييب..اححمدددد شدتحجي
احمد..مهييب كافي عااد البت راح تسوي بروحه شيء تعااال طلع مهيب وندار عليه كلي تهيري خوويه راح ينطرج حازم جواا
عسريع حضرت ولبست اخذت جنطه مو كلش جبيره ونزلت لاكيت مهيب كووا لازمي هو شافني نازله الدرج وجنطتي بيدي لو تحووول
مهيب...وووووين تردين انتي اكسررر رجولج ومحمد
الجد..حااااازم اخذ البت لهلهه وانتي بويه انه زتتيتج ترتاحين وتردين خووووش
رهام..سكتت شكوله اني بس خل اوصل لهلي يازوج الي يرجع بعد طلعت ومهيب يصيح ويرعد وحرك دنيا شيوصلني للسياره نطلقنه لبغداد دك تلفون حازم
هلا خويه
مهيب..عطني رهام
حازم ..رهام خوي مهيب يحاجيج
رهام..ايدي ترجف اخاف اخذ تلفون منه كلت الوو
مهيب..رهااااام وحق الخلقج ودين محمد لاماا اندمج واخليج تعضين اصابيعج ندم يول ماتسمى بسمي شاربي موو علي هينا رهام هينا
رهام .....
مهيب..سكتي سكتي فد نطري شراح يصير سد تلفون وراح وصلنه لاهلي الدنياا مغرب نزل ونطاني جنطتي وكال انه رايح خويه
رهام..الله وياك توصل بالسلامه التفتت الباب بيت اهلي دكيته طلع رائد رميت نفسي بحضنه حييييل وابجي وهو يبوس بيه وبراسي ويصيح يمااا يااابه تعالو باعو منو جااا نخبصو اهلي بيه ويبجون ويبوسون حته محد سالني شجابج منو جابج ليش ابد ووووووين يلا سالني ابوي منهو جابج بويه رهوم
رهام..حازم ابن عمه زوجي
الاب..انشالله ماكو شيء هنا بجيت متحملت بس مكتلهم الحجي كوله بس سالفه الفلوس كتلهم عليهه واني طلعت لان شكو بيه
الاب..يصير خيررر بابا ارتاحي ولتفكرين كلا ينحل
رهام.انشالله بابا بقيت اسولف وياهم تالي نعست و عفتهم وصعدت لغرفتي بعدهه مثل ماعفتهه كتبي مسفطات عالرف ً جربايتي فتحت كنتور غراضي جنطه المدرسه شلتهه لبسته هم يجي يوم وارجع البسج واكمل منين ما وقفت كعدت عالحربايه تذكرت الصاار بيه من طلعت منهم للسا تذكرت غزل وبجيت عليهه المسكينه تعلقت بيه شلون راح تكدر بدوني بقيت افكر لحد ما نمت كعدت صبح صبحت على ماما وسولفتله كلللشي بقت مقهوره بس حلفته متجيب طاري لبابا لو لاي احد
الام..وشنو مقرره هسه امي وبعدين
رهام..مقرره اطلك ماما
الام..ومتوقعه الموضوع سهل لاتتوقعين يخلوج تتطلكين وهم اخذوج حته يفضون النزاع بنتي لا تتاملين زايد
رهام..لا ماما اترجاج اريدكم وياي تسندوني وتوكفون بضهري
الام ..وياج بنتي احنه بس صدكي حته ابوج مراح يرضى بهذا الكلام انتي هسه مره صاحبه بيت ورجال وانتي السبب الي نحلت بيه مشكله جان ممكن تروح بيهه شباب مستوعبه كلامي ماما رهام كل الوقت الج ارتاحي وفكري وشوفي ايجابيات زوجج وشلون غيرتي باخلاقج واسلوبج وصار يحترمج ويحسبلج حساب صح لو غلطانه
رهام..صح ماما بس
الام..بنتي لا بس ولا شيء انتي تعبانه حقج ومتكدرين تفكرين ارتاحي وشوفي نفسج راجعي عقلج
مشت ايامنه طبيعي بيت اهلي ارتاحيت صح اشتاق الهم والله هم ناس طيبين وابد مااذوني ولا جرحوني او حسسوني اخويه ماذي ابنهم بالعكس حته من يحجون بالموضوع واني ادخل راسا يسكتون اشتاقيت لغزوله وشايله همهه خاف تاذت بليايه والصراحه تذكرت سوالف مهيب وحنيته علينا اني وغزل والله هو حنين بس من يعصب الله ليشوفكم اجت ريحته بخشمي حنيتله بيوم كاعدين المغرب دنحضر العشا ونسولف اني صارلي اسبوعين يمهم اجه ابوي من الاستقبال يلهث
الاب..رائد رائد تعاااال
نزل رائد يركض خير يابه صاير
الاب..فيصل فيصل راح يروووح
امي ..شبيه فيصل سعد كلللي شبي ابني
اللب..فيصل حاولو يقتلو بالسجن مدججي بالسجينه وهسه ناقلي للمستشفى استعجل رائد امشينه
يممه نخبصنه بيومهه خبص راسا اجاا ببالي مهيب من كلي اله اندمج على طلعتج عططت سواهه سواهه وكتله سواهه لنص الليل واحنه مفرفحين وامي تخربطت وكلهه التمت عدنه وحال الضيم ياحالنه ساعه 3الفجر اجه رائد وابن عمي
الام..بشر رائد يمه
رائد ..الحمد لله يمه كدرو ينقذو جان راح بيهه
الام..متااذي وليدي مووو
رائد ..المهم عااش يمه حمدي ربج وشكري تعاي ارتاحي حبيبه اخذهه وكلي احضر ملابس لفيصل عالسريع
حضرت هدومه واني ابجي وانحب سالت رائد شلونه وضعه كلي باعجوبه نجا من الموت داجي3طعنات وحده بنص بطنه وحده يم كليته بس الحمد لله فرق اصبع جان مردت الكلى ووحده شاكه خاصرته
رهام..هذا مهيب ماكو غيره
رائد..شدا تحجين رجلج يمنا تدرين لو لاااا
رهام..مهيب شجابه يمكم يريد يكمل عليه شجابه رائد
رائد ..بابا دزو عليه استجواب خاف هو وراه الموضوع بس الولد انطى اقواله واجا يمنه صح بقى بالاستعلامات بس موقفه حلو شبيج رهام شنو مشكلتج وياه صاير شيء وهيج متتاكده هو الي ورا الموضوه!!!
رهام..هااا لاالااا روح الله وياك خويه
طلع رائد واني بقيت الوب اكيد هوو ماكو غيررره بقت العالم تجي يمنه وعمامي ونسوانهم 5ايام وصار زين رجعو للسجن وضعه تحسن هنا اهلي خافو عليه ليحاولون ياذو بعد بس نقلو بغير زنزانه
اندك تلفون والدي واسمعه يرحب ويهلي
ابو رائد ..ام رائد جايين عيال رهام باجر انشالله
ام رائد..هاااا ياخذون رهام
ابو رائد..لعد البت غير ترجع وي عيالهه اذا رادوهه مو هشكل رهام
رهام.......
ابو رائد ..الله كريم منسبق الاحداث
بقيت الليل كله الوب شلون اذا كالو رجعي شلون اكدر اواجه مهيب واذا طلع هو وره ضربه فيصل يرربي صبرني كووه نمت الفجر كعدتني امي كعدت نضفت البيت كله وبخرت الغدا نص من برا نص امي سوته فاصوليا وتمن وزلايط ورائد جاب 3صواني مندي لحم وجاب دجاج شوي وهالامور صارت ساعه 11ونص جوي عيالي اباع عليهم من شباك المطبخ وجدي ومهيب وحازم وبيبي وعمه فوزيه وغزل  دخلت النسوان من باب المطبخ والزلم من الديوانيه
بيبي..يمه البذاته عجل هيج تنسينه بسااع يوول مصكوعه اخذتني بالاحضان نوب عمه فوزيه حضنتني حييل واني عيني بغزل رحت عليهه حضنتني حضنه شبكتني من ركبتي وخلت راسهه وشمتني حضنتهه حيييل وبوس بيهه واشبك همه يسلمن على امي ويتعرفن عليهه امي سالتهن شعجب بالزفه محد جا منكم
عمه فوزيه..جان الخميس طالع احمد من الستشفى والدنيا كايما ما كاعدا عدناا ومهيب الله يسلماا ماقبل وحده تطلع هالكعدنه
بيبي..شلونج بيبي شعلومج
رهام..الحمد لله بيبي صحتج شلونهه انتي
بيبي..نحمد الله يماا نحمدوو مدامنا نشم الهواا نحمدوو
بدينه نحضر بالمواعين والغراض لحد مكالو صبو صبينا الاكل ووزعو وسوينا سفره بالهول للنسوان كملنا اكل لميت السفره صاحني رائد
رهامء..هاا رائد
رائد..رهام رجلج يريد يحجي وياج خويه
رهام..رائد كوله ماكو بيناا كلام بعد
رائد..رهاااام لاطلعين حسي انضبي لا اربيج من جديد عييب من الزلمه شوفي شيريد
اجه رائد دخل سلم على امي واكلهه بالسلام وحجيه وحجيه انهجم بيت لسانك واخلاقك ههو ههو احجي بكلبي عليه بس اني من شفت طوله مدري شبيه رجف كلبي وتوترت التفت عليه شلونج بوياا
رهام..والله هيج بهل سهوله حاولت تكتل  اخويه ُ وتسالني شلونج
مهيب..يواااشج بوياا اكتله شنو. لابالج انه الي داز احد يطعنو يوول
رهام..ومنو غيررك هااا منوو تذكر كلامك من كتلي اندمج وابجيج دممم ارتاااح مهيب بجيت دمم على اخويه شنو رايده بعد ماخلص انتقامك حته تعتقني
مهيب..يوووول انتي منين احولج مفرد تحجين صللي شنوً كاتل شنو اعتقج اعقلي لج تراا اكسرو لراسج خوووش طياح حظ وكلام ماصخ بلاهاا تراني عاذرج واكول محترك كلبهاا بس الزمي حدودج
رهاام..يحجي وياي بكل برود وقريب عليه واني ارجف من الحرركه والقهرر كتله شترريد مهيب
مهيب..اليوم ترجعيين
رهام..باحلامك  هه راسا بس كلت هيج لزم فكي حيل وعصره وحجه باعصاااب صار نار راد ينكسر فكي والله كلي
مهيب..رهااااام صبرتلج وسكتت الزمي لساااانج لاراويج الله حق لحد هينااا وصبري خلاص وياج ترجعين وغصباااا عنج دفعني وطلع لزمت فكي يوجعني وره شوي طلبو يشوفوني لبست حجاب ودخلت سلمت على جدو وبست راسه وايده كعد يسالني عن وضعي وصحتي وينطي مواعض وحكم كل بيت تصير بيه مشاكل ومن هالحجي وابويه يايده بالكلام تالي كلي كومي بابا حضري هدومج وروحي وياهم بقيت اني متصنمه ماكدر انطي اي رد فعل اباع على والدي هزلي راسه بمعنى ارضي ورجعي مهيب يمسح على شواربه ويتبسم ابتسامه حسيتهه انتصر عليه دمعت عيني كمت الم هدومي وابجي نزلت لكيتهم منتضريني براا سلمت على اهلي بوستهم وامي توصي بيه اتحمل واعيالي خوش ناس اكسبهم واكسب رجلي ومن هالحجي لكيتهم صاعدين بسياره وعايفين سياره مهيب بس اني وياه وحتى غزل رادو يصعدوهه يمهم واني جلبت بيهه عالاقل تونسني صعدت ونطلقنه الطريق كوله مهيب يتبسم ويسولف وي بنته ويضحك واني افووور احسه متقصد يسوي هيج حته يبينلي اني الانتصرت عليج محتفل ابن الاوادم تالي شغل اغاني ويغني وياهم انتبهت اكثر الاغاني ماجد المهندس وصلناا بعد 3ساعات تقريباا ونزلناا هو كال اني اجيب الغراض طبي طبيت وسلمت عليهم الموجودين نعيمه مااهي ماشفتهه صعدت فوك وغزل معافتني لحضه وياي وياي دخلت لغرفتي لكيتهه نضيفه كلشي مرتب ذبيت الجبه الحجاب دخلت غسلت بالحمام طلعت لكيت مهيب موجود جريت جنطتي دارتب هدومي تقدم عليه
مهيب..رهاام اتركي البيدج لحضه
رهام..رفعت عيني عليه
مهيب..انتي شاكه بيه انه وره طعنه اخوج!!
رهام..وانت دتشوف غير تفسير الهه
مهيب..انه من ردت اخذ ثار اخوي اخذه بيدي ومانتضر شوكت احصلي واحد يطعنه بمجاني وثانيا زواجي منج جان بغرض الصلح وانهاء الثار عجل شلون اروح ادججه بعد عايني انه مامجبور ابرر الج بس من حقج تعرفين انه شنو وحياه غزل بنتي انه مالي ابدد يد بالموضوع
رهام..عافني وطلع ذبيت الغراض وكعدت صفنت لعد شنو هددني وشنو اخوي ينطعن
كملت هدومي وسبحت وبدلت جان شهر ال12 بنصه تقريباا وجو الانبار حيل بارد بس اني ماكدر البس هدوم ثخينه عندي حساسيه من الهدوم الثكيله فه البس شيء صيفي خفيف وفوكا جنت البس روب لو ترواكه شفت الجو ليل لبست دشداشه فانيله ربع ردن مريحه لفلفت روحي بالغطاا وحضنت غزل ونمت ويين يلا حسيت علا حركه بالغرفه مهيب ديلبس تراك جان سابح رفعت راسي شفت الساعه 9 كعدت غزل لان شراح ينومنه بليل كعدنه جوعانين داكوم جان يكول جبتلكم اكل وحلويات عالميز خليتوو كمزت غزل لابوهه وهو يبوس بيهه كمت رحت للميز لكيت جايب اشكال الحلويات والكريب والقطع الكيك ولفات صاج ومقبلات حضرت الاكل وصحت غزل اجه هو وغزل كعدو بالكاع كال تعاي هنا اريح
رهام..بس اجيب صينيه
مهيب..مايحتاج فرشي الايلون وكعدي يابه
رهام..فرشت الاليلون وخليت الاكل والله كعدت اكل كلما ارفع عيني الكاه عيونه عليه وانزلهن وهو يغلس اخر شيء كاال