اعتذر عن التاخير 🥺
لا حضينه ولا نسينه ولا فرحنه
ولا جمعنه الله وبقينه محيرين
عريان السيد خلف
مهيب..كاعد العب وي غزل وصعدتلي مرت ابوي
نعيمه..مهيب يماا اكو نقطه كهرباء مال المنور دتجدح شراره تعال عاين عليهه لاتسويلنا قدر ماكو احد موجود
مهيب..جااي جاااي بس البس
نزلت نعيمه عالسريع ونطت اشاره لوسام من باب منور
مهيب..نزلت وداصيح على مرت ابوي دشوف يا نقطه خربانه وماشوف اله رهام تطلع من المنور وراهه وسام ماعرف شنو خطر ببالي بساعته غير الزم وساام ومطلته بالكاع ولزمت خوانيكه وهو يتلاوه وياي واني اضرب بيه عله وجهه فلشته واشوف كلهه ملتمه فوكناا ويجرون وسام مني واني فااقد اريد اكله بسنوني
الجد...مهييب تهداا خل نفهم شنو شصاير يووول
مهيب..لك شعدك ورا الحوش كوا....د شتصخم واهجم عليه ويدفعوني
وسام..جدي جيت عليك بشغله ولاكتني حرمته ونختني حتى اتصل بهلهه تكول مهيب مايرضى واني طاك كلبي عليهم وانه كسرت كلبي جدي حرمه وتنخت بيه
مهيب..اتنخت بيك موووو
رهاام..صافنه شنو هالحجي معقوله هيج بساع غيرو
مااحس اله مهيب يسحلني من حجاابي والكه روحي بالغرفه اريد بس افهمه اكوله تره مو هيج ماحسيت اله راجديات وسحل من شعري خشمي وحلكي يجرن دم لزم راسي ويركع بيه بالكاع بعد ماكدر اقاوم لو احجي صرت لا ايد ولا رجل حسيت راح اموت خلاص وهو مستمر بيه ضرب بدون توقف اخر شيء تعب ودفرني وطلع قفل الباب وراه
كمت اريد اكوم ماكدر راسي احسه يريد ينفجر بقيت بمكاني واسمع صيااحهم وعياطهم
شوي وصعدتلي عمه فوزيه
فوزيه..رهوم عمه جاوبيني تسمعيني
رهاام..عممه تعاليلي عمممه
فوزيه ..يمه شبيدي عليج الدنيا محتركه جواا شسويتي يماا
رهااام..عمه والله وداعه اهلي وعافيتي ممسويه شيء ابدد
فوزيه..شتصخمين وي وسام ولج راح تصير مصيبه
رهام..عمه والله هم صاحوني كالو خابري اهلج جدي كال وبعدين محصلو اهلي
فوزيه..ولج يمصخمه محد موديلج تخابرين هاي خطه يوكعوج بيهه
رهاام..عمه ماضل بيه عضم صااحي عمه لحكيلي
فوزيه ..دور مهيب وااج نار وقافل الباب وحرك الدنيا جواا لوما كضوو الولد جاا مووته ولج جا طكه چيله
رهاام ..عمه شلون راح يموتني
فوزيه ..راح اخلي حازم ياخذ المفتاح مناا
رهام..نزلت عمه واني حسيت بغررربه اريد اهلي اريد امي بجيت وتعبت لحد ما نشفت دمووعي واني صافنه بنفس مكاني بالكاع صار الليل وصعد مهيب وطب قفل الباب وكمبص يمي جر شعري وقرب وجهه مني
مهيب..دحكي علي اتحجين كللشي بدون لف ودوران لج اني افر الزلام مو وحده مثلج تلعب علي انتي تجين تكو...ين ببيتي مفتح مكو...هينااا احجججججي
رهام..شحجي والله ممسويه شيء والله
مهيب..ودين محمد اذبحج وميرفلي جفن احجي شعدج وي وساام
رهاام ..والله والله ماعندي شيء وياه
مهيب..الحجي وياج ضايع
رهام..فتح كنتوره وطلع حزام هنا اني نتهيت مبيه ضربه بعد والله اجا علي وستلمني بالحزام كتل كتل لحد ما تعب وشمر حزامه واجه يمي داس عله اصابيع ايدي حيييل شاغت روحي بس ماكدر اصرخ ماعندي طاقه
مهيب..والله لعيد تربيتج من جديد هيينه هيينه
رهام..شمرني للكاع وراح للحمام لميت رووحي وكعدت ماكدر احرك ايدي اباع ايدي ورجلي كلهه مشطبه دكت الباب عمتي
فوزيه..يمااا صخام شغاديه ليش هيج مهيب ليش حرام عليك خاف الله بيهه
مهيب..عمه حمدوو ربكم ماحطيت جيله براسهه
فوزيه..كومي يماا جدج نده عليج يريدكم هسااا
كومتني غسلتلي لمت شعري اني ماكدر ارفع ايدي ورمت وتوجعني حييل نزلتني ع كيف ودخلتني لديوانيتهم وهناااا اول مره اشوف احمد
احمد صديق فيصل اخوي ماكدر احط عيني بعينه احس بعار اخويه ملتصق بيه جان نايم على جربايه بالدوانيه علمود الخطار بقوو هناك
جان جاي عمهم وولدهم كاعدين تقريبا 6زلم وياهم وسام
الجد ..ندهولي مهيب بسااع
طب مهيب والشرار يطاير من عينه
الجد.. النبي عليه افضل الصلاه والسلام يقول التأني من الله والعجله من الشيطان شنو تصرفك هذا مهيب شلون تعمل بالبت هالعمايل
مهيب..جدي شناطر مني اعمل اجتف ايدي واباع ع المكو....ه ببيتي وحرررررمتي جدي
الجد..بسسسك تعاي جدي تقربي صوبي احجيلي شنو الصار من الاول باوعت على جدي وحجيتله كلشي من بدايه لحد ماشافني مهيب
وساام..جدي لا تصدكهه هاي جذابه تجذب هي طلبت مني نقال وكالت ماريد مهيب يشوفني
نعيمه..يماااا وينج وين النفاق يمااا ملفين بيتنه حياااا
الجد..بسسسسسكم وانتي بويه مستعده تحلفين على حجيج
رهام..مستعده جدو وين متريد احلف
الجد.. يصير خيرررر
نعيمه ..شني عمي لتكون صدكتهه رهاام وحده جذابه ولازمنهه تتيدب
الجد..انتي سهمج الراحه بوويه لا تشغلين بالج وانت وسام مستعد تحلف؟؟
وسام ..جدي تحلفني شني مامصدكني
الجد..نعيمه ووسام ورهيمه الكل تروح تغسل وتجي تحلف
نعيمه...ياااع يعمي هاي تاليته تحلفني وانه ام احفادك
الجد..نعييييمه نفذي بلا جلام زايد بساااع
مهيب..صافن اريد اشوف وين توصل بيهم ندهني احمد
احمد..مهيب راضي بعملتك يخوي
مهيب..احمد البي كافيني لا تزيدهه علي
احمد..البت متسكطه مهيب لا تشيله ذنب اخوهه حرام عليك ماعرفنك هيج يخوي
مهيب....
الجد ..تعاي يبااا رهام هاي شغله حظ وبخت لازم احلفكم حته مانضلم احد تحلفين؟؟
رهام ..خليت ايدي على القران جدو هذا كلام الله اقسم بيه وبمن انزله ماكذبت بحرف كلته هم الي صاحوني كالو جدي يريدج تخابرين اهلج بدون ميدري مهيب
الجد ..هاهي جدي نعيمه تحلفين؟؟
نعيمه..عمي انه
الجد..نعييييمه تحلفين لو تعترفين قبل ماتلزمين كلام الله
نعيمه..عمي انه اعترف غلطت بس البت كسرت خاطري ردت تحجي وي اهليهه
الجد.. اله وسااااام نعيمه جنج نسيتي الصار من جم يوم
نعيمه..السموحه منك عمي ابوس يدك موش قصدي
دحام..لج نعيمه هجمتي بيتي وبيت ابنييييي لزمهه وسحلهه للبيت
الجد..فوزيه تعاي اخذي البت داويهه
وانت وسام ماريد المح خلقتك هينااا بعد يو شفتك تخطى الباب اخلي جيله برجلك واكسرك سمعت يابزره النكس
رهام..اخذتني عمه فوزيه بغرفه بيبي تلف ايدي ورمت
الحجيه..يماا داوي البت شوفي شغاديه
الجد..شفت مهيب استعجالك وين وداك البت جا ماتت بيدك
مهيب..جدي انه
الجد..بسسك مهيب بسسك انت صرت ماتصرف بعقلك تصرفاتك موش موزونه
احمد..مهيب انت تصرفك جان غلط المفروض تستفسر من البت بدال ما مدميهه بس انت حقدك صرت تفرغه بالبت
مهيب..عفتهم وطلعت من البيت مخنووووك شداعمل بحالي اني وين وصلت روحي داشيل ذنب البت وين انطي وجهي انه
رجعت للبيت بالليل كلش صعدت فوك طبيت لحجرتي فتحت الضوا لكيتهه كامشه ايدهه ملفوفه وتبجي تقربت عليهه
مهيب..هااا بويه متوجعه اخذج مستشفى
رهاام..رفعت عيني عليه هذا صدك يحجي يكتلني ويدميني ويداويني كتله من تاذيني وتعذبني متخاف على بنتك وحيدتك يجي احد ويااذيهه مثل اذيتك
مهيب..كعدت يمهه صدكي بوياا ماجنت هيج ولابيوم توقعت اضلم احد انه مو جاي ابرر النفسي لان ادري انه غلطان بس يابويه مرات الضروف تحكم الي صار باخوي بسبب اخوج خلاني احقد عليج وانه ادري موش ذنبج بس انه اعترف شيلتج ذنب اخوج فه يابنت الناس اتمنى تقبلين اعتذاري وهاي راسج ابوسه
رهام..شيفيد اعتذارك وانت شككت بيه كدام اهلك وطعنت بسمعتي
مهيب..يجيبولي حرمه لا اعرفه ولا اعرف اصله وعيشتهه تعال اتزوجهه والكاهه وي اوسخ شخص لي هو وسام الخايس السافل ورا الدار شتوقع بعد يابويه وانه اسف عالصار كله وانتي بوياا خام ابيض وكرامتج بالحفظ
رهام..رغم اذيته الي بس ارتاحيت لكلامه لان جنت اضنه ماعنده كلب ولا يحس بس لاا تغيرت نضرتي كدامه
مهيب..هااا بوي صايرين
رهام..تمام
مهيب ..تحتاجين اخذج مستشفى
رهام..لاا بدت تخف الالم نطتني عمه مسكن وكالو رضوض بيهه مو كسر خله ايدي على ايدي وباس راسي مدري شنو صار بيه خجلت وعبالك راسي نمملل وخر مني وكال انتي نامي هنا انه راح انام بمكانح عالقنفه
رهام..لالا نام هنا اني انام هناك
مهيب...لاا بويه ارتاحي مكانج انه هناك
رهام..براحتك
مهيب..نامي يلااا ارتاحي
رهام ..مااشي حناام راح هو واني ماغمضت عيني افكر معقوله مهيب هيج يحجي وياي معقوله تغير لو اني جنت ضالمته يررربي شكله لطيف من يحجي بهدوء بقيت سهرانه افكر بكلامه وتعابير وجهه من يحجي وبوسته الي لحد مااتعبت ونمت
أنت تقرأ
غياهب القدر
ChickLitماذنبي لاصبح ضحيه اخطاء أخي الذي لا يستحق هذه الكلمه ما الذي اقترفته حتى اصبح فريسه بين انياب ذئب لا يحمل الرحمه
