غياهب القدر

البارت الرابع والعشرون

شمالها عيونك نستني ؟
ويا مرايا الغرتك هيچ
وعفتني !
گمت أشوفك تهوى غيري
بيش غثنّك عيوني
وغربتني ؟!
___________
مندمجين ومهيب لازم وجهي بايدو ودخل علينه احمد

-هيووووو خرب بيكم راسا طلع

عززززه مهيب اسوووويت

-ول يابه اسويت هي بوسه مدام طلع رجعي كربي

-لاااا شكد عيب شراح اكول شلون حطلع

-يواشج حبيبي عادي احمممد احمدد تعال يابه

-دخل احمد واني داطلع

-بله خلصت الغرف لو كايلين اطيكم غرفتي

-صرت طماطيه طلعت بسرعه ورحت بلهول

-شبيج يول وجهج مخطوف

-سكتي تهااني دخل علينه احمد

داسولف وي تهاني بصوت ناصي ماحس اله هاي عبير فوك راسي
-ياااا شكد عيب بس ولا مبين عليه هيج مهيب

-عفوا شنو الممبين عليه

-مدري حسيته شخصيه كلش ثكيل ومغرور وبيني وبين نفسي كلت الله يساعد مرته شلون متحملته لان كلش مبين صعب

-لاا عيني اخوي وي مرته غير شكل هاي عزيزه كلبه مايشوف بالدنيا غيرهه

سكتت ومجاوبت
نعيمه تطب وتطلع تذب حجي وايناس ولا كانو تسمع
اني طلعت روحي لحد ما مهيب طلع من البيت ماريد يشوفهه ابد ماعرف ليش بس ماريده وخلاص
مشت ايام حملي متعب ومهيب بدا يتطلب مني ويتذمر ويضوج من اكوله تعبانه او ماكدر احسو بدا يمل بس شنو بيدي اسوي الحمل تعبني واني طفلين وكوه امشي النفس اجرو بصعوبه ايناس وبتهه العصريه يمنه يوميه مرات لليل يتعللون ويرحون ومن يجي عمو الصبح نوبات يتريك هنا هم يجون يعني تقريبا وقتهم يمنه مدري ليش احسهه تقهر نعيمه وتجي متقصده وخصوصا كسبت الكل باسلوبه خوب احمد هي وياه فدنوب الشقه والضحك والغزل وعمو دحام يكوم يكتل احمد
عبير ممرتاحه الهه ابد ونوب صارن دهن ودبس هي واسراء تشوفيهن سوالفهن وكعدتهن سوه وتلفونات ومخابرات بس عبير  دائما تفتح مواضيع وياي تسالني على مهيب وشنو يحب وشنو ومره سالتني سوال كلش محلو ومحرج

-انتي شلون تسالين هيج اسئله باي حق

-تره بنات ونسولف بينه شنو بيهه قابل

-لا مو من حقج شنو هالاسئله عيب عليج بابا انتي بنيه محترمه عفته وكمت بقيت افكر ليش تسال وشمعنى مركزه بس وياه

بيوم اجوي العصر كاعده هي ايدهه حلوه واضافرهه طوال يوميه تجي مصبغه شكل ميبات لون بايدهه كاعده جرت المي من كدامي انتبهت لايدهه راسمه بمكان النبض مال ايدهه خطوط على شكل نبض وبنصه حرف M متحملت سالتهه شنو هالحرف المن لاهو حرفج ولا تابع لاسمج

-هيج مو لاحد بس عجبني وبعدين ليش ترحين بعيد يجوز ماما

-هاااا ماما