✨🤍احببت ابن خالتي 🤍 ✨

🌟الحلقة 98...🌟

💫🌻💫

مشااات ايااام وجااات اياام .. رجعو لتونس .. بعد ملقاو الدنيا مقلوبة عليهم .. تعدات لومور وتعدى كل شي عبات وحشتها من خالتها وراجل خالتها .. و مهدي كانو امو وبوه والعايلة كاملة متغشين منو ومحب حد يحكي معاه .. لكنو كان عاذرهم .. عرفوا لي جدهم مات.. مهدي قعد حزين عليه برشا بحكم كان قريبلو عاللخر...

ميرال عرفت بوها .. هو جاها قبل ميهزها ليه مهدي.. اول مرة رفضتو لكن بالوقت وكيف عرفت انو مكانش يعرف  بدات تتقبلو.. تعرفت على خواتها كانت حاجة صعيبة .. فيهم واحد كبير  اصغر منها بعامين.. محبش يقبلها ملول اما 3 لخرين صغار فيسع تقربت منهم ... مرت بوها كانت سلبية وعلاقتها معاها كانت سطحية ..
كل مرة حياتها تتقلب ألف قلبة لكن مهدي كان في كل مرة معاها لحظة بلحظة كان واقف بجمبها ومشجعها...

ليلة من ليالي كان مهدي سارح في الجردة يخمم موش عارف شبش يعمل لين حس بميرال جات ووقفت بحذاه كانت تضحك..
ضحك كيف شاف ضحكتها بعد سألها
-تحس في روحك سافا معادش متقلقة من شي!
-اي  ..
-باهي شعملنا في موضوعنا! ملي جينا مجبدتكش فيه جملة نعرف لي فيك مكفيك.. و توا مدام تحسن كل شي لازم نحكيو ..
ميرال شوف انا لازمني نرجع .. وفي نفس الوقت نعرف انك متحبش ترجع معايا.. وانا منيش بش نجم نرجع و نخليك هوني..
يلزمني شوية وقت بش نرجع نستقر هوني ..
اوووف والله كل شي داخل بعضو
بقات ساكتة تخزرلو بعد وقفت
-مهدي انت متحبش تبقى هوني دونك رد بالك تعمل حاجة ماكش راضي عليها من جديد لا على خاطري لا على خاطر دجو..!
سكت ملقى ميقول...
-تعرس بيااا ؟؟ 😂  كان توافق نولي ليك و وين انا وين انت
شرق و تبزع كاس القهوة عليه
-ههههههههه سايس روحك
-ميرال فاش تحكي .. تفدلك ولا شحكايتك
-مهدي معاد حاشتي بشي مالدنيا كان اني نكون معاك.. ومدامك انت تحب ترجع اكيد بش نمشي معاك وموش بش نخليك اما الا منعرسوو .. ههه حصلتك يعني😂😂

- نعرسو نعرسو!!  يعني تولي مرتي ؟؟؟!
-ياخي شبيك وليت تتبوهم مهدي زح ..  شبش نولي مالا
قام وشدها من يدها جبدها ليه زعمة لاجابها ع طولها من كثرت ما خاف لا تهرب
-احلف ميرال واوعدني انو لي قلتو توا موش تفدليك و ماكش بش ترجع فيه
-يا مهدي شبيك زح ريت كان انت موافقتش توا راني خطفتك وخذيتك بسيف .. قلو نرجع في كلامي
هزها وقعد يدور بيها وهي كانت شايخة ضحك .. عنقتو وقامت تصيح "نححححببببكككك يا هم "
هبطها شدها وغرق معاها فبوسة طويلة .. كانت اول بوسة بيناتهم اول مرة يحس لي حسو لحظتها كان مجاش عيب راو كلاها ..
-مهدي شنوا لي عملتو هزت يدها و ضربتو
زاد جبدها وباسها مرة اخرى .. وجها حمار و بقات مسمرة في بلاصتها..
لين سيبها و هو شايخ عليها ضحك
-هيا هوكا حققتلك امنيتك الثانية في لاجندا متاعك و تحديدا في صفحة 50 لي كاتبة فيها  انك شاهية اني نبوسك..
وبيدها كاتبة ".كم تمنيت ان اكون ذائبة بين يديه.. يحيطني ..يداعبني.. يغمرني ويقبلني .. بلطف.. ببطئ ..بحب..  ببعض اللهفة الممتزجة
بالشوق ..(فما جملتين نسيتهم بعد كتبت جملة لي بش تاكل عليها تراحة  )" فتلامس شفتايا الطاهرة شفتاه العاهرة.. التي مرت عليها انواع الشفاه ومختلفها عديم التربيه قليل الحياء"

والله الصفحة هاكي بقيت نعاود فيها قريب ألف مرة قداش عجبتني 😂
ميرال بقات تخزرلو وجها حمار و دخلت بعضها .. بلعت ريقها وخزرتلو بغل

-ياااا مسقطك صار هو عندك وانا ملي جيت وانا قالبة عليه الدنيا كيفاه تسمح لروحك انك تقرى خصوصياتي
-نسيت لي انت بش تولي مرتي ولا شنوااا
نحات شلاكتها و خلطت عليه تجري بقاااو يتفارعو ويتعاااركو الدنيا قلبوها .. زايد ميتبدلوش...

مدام الهام وسي يوسف كانو يخزرولهم مالبلكون .. ديما يتجسسو هالزويز😑  هي حاطة يدها ع فمها وعينها مرغرغين و موش مستوعبة و سي يوسف يضحك مالشق للشق ..
-ايا ابدى حضر للعرس ماو جوك عاد هههههه
-ميرال مسيكنة كيفاه بش تنجمو العيرود ولدك .. والله لاو متاعها ..
-متخافش هذيكة هي لي تنجمو
-لا و ريتو الهامل كيفاه يبوس ميحشمش ..

-طالع لبوه 😇

✴✴✴✴