THE WHITE SMOKE GHOST

PART-12

{Part-12}

Tinignan ko si Jayden na ngayon nakatitig sa papel na hawak niya,'tsaka ako tinignan, naguluhan ako ng ngumiti siya. Yung ngiting may halong pait at lungkot. Tumango din siya ng isang beses. Ano bang gusto niyang sabihin?

Nag start na ang timer at unang nag salita si Seymour. "Dapat lang natin ipaglaban ang pag-ibig dahil doon makikita kung mahal mo ba talaga ang isang tao, kung mahal mo siya ipaglaban mo kahit anong mangyari" napatigil siya ng naubos na ang segundo kaya nag salita na si Jayden. Naghiyawan naman ang mga sumang-ayon sa sinabi ni Seymour.

"Kung hindi ka mahal ng taong mahal mo wala ring silbi na ipaglaban mo siya, kung masaya siya sa iba piliin din natin maging masaya para sa kaniya, kaysa ipaglaban ang pag-ibig na hindi para sayo" hindi nakapag salita ang lahat, mabilis namang tumingin sakin si Jayden.

"Pano naman natin malalaman kung hindi para sa atin ang pag-ibig na yun kung hindi natin susubukang ipaglaban, isang duwag lang ang susukong ipaglaban ang pag-ibig" sagot ni Seymour at agad namang sinagot ni Jayden.

"Duwag? Oo isang kaduwagan ang sumuko, pero hindi lahat ng lumalaban ay matapang. Minsan kung sino pa ang mga sumusuko sila pa ang mas nag-papahalaga sa damdamin ng kanilang ipinaglalaban." Napahiyaw ang lahat, kaya agad namang sumagot si seymour ng nagsimula na ang kaniyang Oras.

"Ipaglaban mo dahil nga mahal mo siya. Hangga't walang nasasaktang iba dapat lang na ipaglaban mo. Ang pag-asa ay palaging nanjan. Kakambal ng pag-ibig ang pag-asa, hindi natin mamahalin ang isang tao kung walang pag-asa na nagsasabi sa atin na kaya natin silang ipag-laban" sagot ni Seymour mabilis niya pa itong sinabi dahil mauubos na ang segundo.

Pawis na pawis na silang dalawa. Minsan din ay nagtata-asan na sila ng boses. "Paano mo ipaglaban ang isang tao kung may mahal na siyang iba? Paano mo ipaglalaban ang isang tao kung sa huli ay mawawala din siya? Hahayaan mo bang ikaw na lang ang masaktan? Hahayaan mo bang mag mukha kang tanga? Dahil ipinaglaban mo ang pag ibig na hindi para sayo?" mahinahon na sabi ni Jayden na nagpatahimik sa lahat.

May limang segundo pang natitira at sa bawat pag patak nito tahimik lang ang lahat tanging ang orasan lang ang naririnig. Hanggang sa tumayo ang lahat at nag hiyawan. Tulala lang akong naka-upo, natamaan ako sa bawat linyang sinabi ni Jayden. Bakit ko nga ba pinag pipilitan ang sarili ko sa multong kagaya ni wayde? Bakit ko pinipilit ang sarili ko na paniwalaan na pwede kame? Halata namang kaibigan lang ang tingin niya sa akin.

Uwian na at naglalakad kaming appat, hindi pa nila sinabi kung sino nanalo. Kasama rin namin si wayde ngayon, bale nasa pagitan ako ni wayde at jayden. "Ang galing niyo kanina, diba mira" pag-basag ni vannah ng katahimikan, wala rin kasing nag sasalita mula kanina.

"Ahh oo, hindi ko nga alam kung sino mananalo eh" saad ko at sinubukan kung ngumiti. "Mag pansinan nga kayong dalawa, debate lang yun" saad ni vannah dahil hindi pa sila nag-uusap. "I'm just wondering, jayden are you Inlove with someone who's Inlove with someone else?"

Napatigil kaming lahat sa tanong ni seymour, hindi naman nag salita si jayden at patuloy lang ang pag lalakad, nagkatinginan kaming tatlo. Alam kung gusto ako ni jayden pero pano niya nalaman na may gusto akong iba?!!

"Ahh dito muna kayo, a-ako na kakausap sa kaniya" saad ko tinignan ko din si wayde tumango ako sa kaniya para hindi niya ko sundan, ngumiti lang siya ng konti at tumango ng isang beses.

"Jayden!" tawag ko sa kaniya kaya tumigil siya, pumunta ako sa harap niya. "Jayden, gusto kung sabihin na...." napatigil ako dahil wala akong lakas ng loob. Hindi ko gustong sirain ang pagka-kaibigan naming dalawa, palagi rin siyang nandyan.

"Mira alam ko na ang sasabihin mo, at tanggap ko yun." napatingin ako sa kaniya, halos wala na ring students sa paligid at iilan na lang. "Sa bawat ngiting pinapakawalan mo dahil sa kaniya, kitang-kita ko rin kung pano mo siya tignan, kung pano ka natataranta pag nandyan siya" patuloy niya, hindi ako mag sisinungalin totoo ang lahat ng sinabi ni jayden.