THE WHITE SMOKE GHOST

PART-14

{Part-14}

"Kahit anong mangyari hahanapin kita" dagdag pa niya at dahan-dahang lumayo sa akin. Na istatwa ako ng ilang segundo, ano tong nararamdaman ko? Bakit parang na dismaya ako na hinalikan niya ang noo ko? Bakit sa noo? At bakit ako pumikit?! Mira may girlfriend na siya I mean fiance!!

"Bakit sa noo?" tulala kong sabi, pero napatigil ako ng ma-realize ang sinabi ko! Putik Mira!!! "Saan ba gusto mo?" naka ngising sabi ni Wayde, nagulat ako ng nilapit niya ulit ang mukha niya. Nanlaki ang mata ko ng tinitignan niya ang labi ko!!

Agad akong tumayo dahil sa hiya, kaba, at pagkagulat. "A-ang ibig kong sabihin, bakit mo hi-hinalikan ang n-noo ko" ginawa ko ang lahat para hindi niya mahalata na nanginginig na ako ngayon. Halos mawalan ako ng balanse ng bigla siyang lumapit sa akin ng mabilis. "Anong nangyari sa labi mo?" naka kunot niyang tanong habang nakatingin sa labi ko, magsasalita pa sana ako ng bigla niyang hawakan ang pisngi ko, at gamit ang hinlalaki niyang daliri ay maingat niyang hinawakan ang labi ito. Habang ang isang naman niyang kamay ay nasa braso ko! Habang hindi naman ako makagalaw sa pwesto namin.

Napatitig lang ako sa mga mata niya habang sinusuri ang labi ko. Habang hindi ko maintindihan kung anong nangyayari sa puso ko, lalong lalo na sa tyan ko, ito ba yung sina-sabi nilang butterflies? Yung sa tyan?

Ilang segundo pa ay tinignan niya din ako sa mata. "Bakit may sugat?" tanong niya, lumayo naman ako at napa-iwas ng tingin.
"Ah wala ito, na paso lang kanina" pag sisinungalin ko ulit. Pero parang hindi siya kumbinsido. "Ahh s-sige matutulog na ako, may pasok pa kase ako bukas" napatango siya ng tatlong beses, bukod sa gusto kong mapag-isa kailangan kong mag isip ng paraan kung pano ko matutulungan si Wayde. "Sige, nasa labas lang ako pag kailangan mo ako. Good night" nag good night din ako pabalik, mabilis akong pumunta sa kama at nag taklob ng kumot.
Habang ramdam na ramdam ko pa rin ang lambot at init ng labi niya, hinawakan ko ng noo ko at ngumiti ng kaunti. Kalahating oras pa ang lumipas pero hindi ako makaramdam ng antok kaya bumangon ako. Umupo ako ulit sa study table ko at napatingin sa buwan, crescent ang shape niya ngayon. Napatingin din ako sa mga bituin, itinaas ko ang aking kamay para ituro ang isang malaking bituin tsaka kinonek sa isa pang bituin, hanggang sa bumuo ito ng letter W, napangiti ako dahil don. Inilipat ko ulit ang tingin sa buwan at itinuro din ito habang hinuhulma ang hugis nito pero bigla akong napatigil dahil nagpakita si Wayde ng nakabaluktot. Naistatwa ako dahil ang ilong na niya ngayon ang tinuturo ko, dahan-dahan kong ibinaba ang aking kamay. "Bakit bumangon ka ulit?" tanong niya habang nasa labas pa din ng bintana at nakabaluktot.

"Hindi kase ako makatulog"

Nagising ako dahil sa sunod-sunod na katok mula sa labas, pikit mata akong bumangot at bilis na buksan ang pinto dahil walang tigil ang pag katok nito. "Mira, kailangan nating pumunta sa hospital" kinakabahang sabi ni jayden, dahilan para magising ang dugo ko. Base sa reaksyon niya ay may masamang nangyari kay papa. "M-mag bibihis lang ako" tumango siya at saka bumaba.

Hindi mapigil ang pagkabog ng puso ko habang tumatakbo kame ni Jayden papunta sa kwarto niya. Hindi naman kame masyadong nahirapan dahil wala pang masyadong tao. Napatigil kame ng pigilan kame ni manang rusi. "Manang gusto ko pong tignan si papa, ano po bang nangyari?" saad ko habang hawak ko ang kaniyang mga kamay, isang malalim na paghinga ang pinakawalan ni manang rusi habang naka-yuko. Dahan-dahang bumagsak ang luha ko.

"Kanina ka pa namin hinihintay mira, pero....hindi mo na naabutan ang papa mo" para akong binuhusan ng malamig na tubig. Napabagsak ako sa sahig at tuluyan ng dumaloy ang luha ko. "H-hindi, manang rusi bu-buhay pa si..... Hindi!!!" niyakap ako ni manang rusi at hinihimas ang ulo ko. Sinubsub ko ang aking mukha sa kaniyang balikat.

Ilang minuto pa at dumating si Tito Den at tita Melisa. Naka-upo ako ngayon sa labas ng kwarto ni papa, habang namamaga na ang aking mga mata, nasa tabi ko ngayon si wayde, dumating siya kani-kanilang. Hindi niya ko kina-usap at tahimik niya lang ako sinasamahan. Kinaka-usap ng doctor si Tito Den at tita Melisa ngayon, nasa bandang kaliwa ko naman si Jayden na kanina pa tahimik. Umalis na si manang rusi dahil may babantayan din siya, pero sabi niya ay pupunta siya rito mamaya, pero hindi ko alam kung maaabutan niya pa kame.