الجزء السادس عشر
ملاك
فتحت عيني ب11 بالليل واسمع صوت حجي باوعت للباب حسين واگف وندى تحجي وياه بصوت ناصي...... رفعت راسي بثقل.... اباوعلهم بأستغراب
ملاك: شبيكم؟
حسين: ماكو شي حبيبي رجعي نامي صارلج كم يوم ما نايمة زين
ملاك: لا مبية شي بس شبيج ندى؟
باوعتلي ندى بعيون بريئة متروسة دموع
ندى: اريد احجي وياج وحسين ميقبل يكول عوفيهة تنام تعبانة
باوعت لحسين منتظرتة يحجي شي
حسين: حبيبي ماكو شي اكيد سالفة عادية بعدين تكدرين تحجين وياهة بيهة مو الا هسة
ندى بدموع: لا هسة اريدج كومي حبابة
رفعت الغطى عن رجلي ونزلت من الجرباية متقدمة عليهة
ملاك: تعاي حبيبتي.... وانت بدل ما تسألهة ليش تبجين.... ترفض تگعدني كل عقلك
حجيت بعصبية جريت ايدهة وطلعت قبل ما اسمع جوابة ...... اخذتهة للغرفة كعدتهة ع الجرباية وجبت كرسي كعدت گبالهة..... منزلة راسهة تلعب بأصبع ايدهة بدون هدف
ملاك: يلا احجي شبيج؟
ندى بصوت مبحوح: علي يريد نتزوج بعد اسبوع
ملاك بأستفهام: مو كالوا ورى ما تخلصين خامس ليش مستعجلين هسة؟
ندى: ما ادري...... بس راسلني يكول اجي عليج نشتري الجهاز مال العرس والغرفة
ملاك: زين ممكن اعرف شدتحسين بهاللحضة؟
ندى بهمس: مادري
ملاك: يعني انتِ تكرهي العلي؟
ندى: لا بس ما اتقبلة احسة مينهضم واخاف منة..... بالاختصار ما اريد اتزوجة
ملاك: يعني ما تكرهي بس تخافين منة؟
هزت راسهة بنعم وهي تمسح دموعهة
ملاك: شنو تريدين تسوين هسة يعني؟
ندى: ما ادري
ملاك: كلشي ما تدرين انتِ...... تريدين تبطلين عن العرس؟
ندى بأنكار: لا لا ما ابطل..... بس احس نفسي مو جاهزة
ملاك: اي تكدرين تكونين جاهزة لا تنسين انج قوية وتكدرين تتخطين هيج امور..... صح لو اني غلطانة؟
هزت راسهة بصح
ملاك: لعد ليش ما واثقة من نفسج....الزواج تجربة حلوة وبالنسبة الي احبة..... جربي وشوفي يجوز تحبينة
ندى بتساؤل: هيج تكولين انتِ؟
ملاك: اي گلبي
ندى: اوكي لعد راح اخابرة حتى يجيني نروح للسوك
أنت تقرأ
إدّمانْ مِنْ نَوعْ آخرْ
Любовные романыكل شخص بينة يعرف شنو يعني إدمان؟... وهو إدمان المخدرات او المشروب (اجلكم الله) بس هالمرة راح نشوف نوع إدمان مختلف... اتمنالكم قرائة ممتعة ~~~~~~~~~~~~~~~~~~~~~~~ تَعتَبِرهُ الصَديِقُ والسَند الَذيِ تَلتَجِئ إليهْ عِند كُل مُشكِلة تواجُهها..... لَك...