الجزء العشرون
سمر
كاعدة بغرفتي وسمعت صياح ندى لان غرفتي لزگ وي غرفة علي...... ضحكت عرفتة مراح يفوتهة اكيد ياخذهة اليوم وهاي فاهية متتحمل....... ضليت اگلب بالتلفون وسمعت باب غرفتهم انفتحت...... عگدت حاجبي مستغربة المفروض ميطلعون بهالسرعة ...... حطيت الشال على راسي تحسباً لوجود حسن ومهند.... طلعت لكيتة ينزل الدرج صحت بنبرة عالية
سمر: ها علي وين رايح؟
التفتلي يباوع بحيرة....... وصعد الدرج
علي: امي وين؟
سمر: بغرفتهم وي ابوية وين تكون يعني.... ليش؟
علي: اريدهة بسالفة
سمر بشك: شبيك علي احجيلي شصاير؟
علي: نزلي هسة صيحي امي استحي احجي كدام ابوي
سمر: ليش شراح تحجي؟
علي: يووووه شكد تسألين اروح اني احسن
عافني ونزل بسرعة..... لحگتة اركض باوعت الحسن ومهند ممددين ع القنفات..... مهند غافي بس حسن يگلب بتلفونة..... باوعلنة صافن
حسن: شبيكم؟
علي: ماكو شي حسوني..... يلا سمر صيحي امي اريد احجي وياهة
للحضة شكيت انو عبالة ندى مو بنية او شاك بيهة...... باوعتلة ما اكدر احجي كدام حسن.... مشيت الغرفة ماما دگيت الباب اجاني صوتهة
سيرين: تفضل
فتحت الباب بهدوء ودخلت اباوعلهة تقرة قرآن وبابا ممدد بصفة غافي..... اشرتلهة بدون صوت..... تعاي
حطت القرآن على صفحة واجتي تمشي بأتجاهي وتحجي بهمس
سيرين: شبيج ولج؟
سمر: علي يريد يحجي وياج مدري عليمن
عافتني وطلعت.... رحت وراهة لكيناه كاعد بصف حسن بس شافهة وگف مستعجل
علي: تعاي وياي للغرفة يمة اريد احجي وياج
هزت راسهة وصعدت قبلة واكيد اني مراح افوت هيج فرصة الفضول يكتلني..... باوعت الحسن صافن عليهم رافع حاجبة مبين شاك بشي..... عفتة وصعدت وراهم گبل الغرفة علي دخلت اباوع ندى ممددة ع الجرباية وماما واكفة بصفهة تحجي وي علي
سيرين: شبيهة شصاير؟
ندى بأشتكاء: عمة بطني دتوجعني؟
ماما باوعت العلي بسرعة
سيرين: اخذتهة ولك؟
علي: اي واعتقد متأذية لان صار نزف هواي دم
اثنينة باوعنة للجرباية متروسة لان الفرشة بيضة مبين بيهة بسرعة...... فتحت عيوني خايفة عليهة لان الدم هواي شكلة يخوف
أنت تقرأ
إدّمانْ مِنْ نَوعْ آخرْ
Romanceكل شخص بينة يعرف شنو يعني إدمان؟... وهو إدمان المخدرات او المشروب (اجلكم الله) بس هالمرة راح نشوف نوع إدمان مختلف... اتمنالكم قرائة ممتعة ~~~~~~~~~~~~~~~~~~~~~~~ تَعتَبِرهُ الصَديِقُ والسَند الَذيِ تَلتَجِئ إليهْ عِند كُل مُشكِلة تواجُهها..... لَك...
