إدّمانْ مِنْ نَوعْ آخرْ

الجزء الثامن والعشرون

الجزء الثامن والعشرون

ملاك

داسوي لفات اليامن علمود المدرسة وجان يجي ابو الخط ويامن خبصني

يامن: يلا ماما راح يعوفني ويروح يلا بسرعة

ملاك: ولك امي انتظر شوية ميعوفك بس خلي احطهة بالبوكس....

حطيت اللفة ووياهة عصير وخليتهن بجنطتة

ملاك: يلا هاك

يامن: باي ماما

باس خدي وطلع يركض الله يحفظك الي وما يحرمني من سوالفك

سويت ريوك للكل وحسبت حساب سمر لان كالت اجي الصبح........ وفعلا شوية واندك الجرس فتحت الباب دخلت بكل اناقة هي ومسرة سلمت عليهة وبوست مسرة شعرهة مرتب وممشط

سمر بصووت عالي: اريد ريوك يا عالم متت من الجوع راح ابلعكم اذا ما تريكوني

ملاك: خرب ولج اسكتي مهند نايم بعدة خطية الكلية والدراسة كافية عليه مو انوب انتِ

سمر: صدك وينة هذا المهتلف اشو من اجيت من السفر ما سلم علية

ملاك: جان بالشمال عندة بحث

سمر: يعني هسة هو نايم؟

ملاك: اي

شمرت جنطتهة وكالت وهي ماشية الغرفة مهند

سمر: اوكي لعد رايحة اگعدة

ملاك بصدمة: ياااا

عافتني ودخلت غرفتة واسمع العياط والشتم صار بفلس طلعت من يمة تركض وتضحك وهو وراهة اجتي شاردة وختلت وراي وهو صاح

مهند: ملاك وخري عنهة اريد اكتلهة هالجلبة نگعتني

سمر بجدية مصطنعة: اكل تبن لك شنو جلبة اكبر منك اني لا عبالك ساكتتلك

مهند وهو يسحلهة: دتعاي اعلمج الاكبر مني

سحلهة من وراي وگع حجابهة ولزم شعرهة يجر بي وهي مقاومة وتكفخ بي بس ميهدهة

همة داخلين حرب واني واكفة اضحك عليهم

سمر: لج بنت الحلو ع الاقل ساعديني

ملاك: حذرتج بس انتِ جبتيهة النفسج

سمر: ولك وخر ابنل ابنل صاير جنك ثور شكبرك شوكت كبرت ما ادري

مهند وهو يضربهة: كبرت لمن جنتي دايحة بالخارج عود تدرسين ومكضيتهة ونسة

سمر: هههههه وخر صدك هسة ملخت شعري

مهند: حاضر

كال هيج وسحب شعرهة يجرة اكثر ما احس الا عيطة اجتي من باب المطبخ التفتت اباوعلة حسن واكف يخزر بمهند

حسن: هيووو شبيك هد شعرهة

مهند ترك شعر سمر وهي وكفت تخزر بحسن مدري شبيهة سحبت الشال لبستة وهو يرزل بمهند يباوعلهة مرة ويرجع يباوع المهند مرة ثانية.......