الجزء الثاني والعشرون
ندى
خابرني علي وكال حضري نفسج حتى يجي ياخذني لان ملاك عدهة ولادة..... بطني انمغصت من يمهة...... لبست صايتي وشمرت الحجاب بسرعة وطلعت راكضة وصلنة المستشفى ونزلنة نركض.....
دخلنة نباوع الكل موجود بيهم واكفين وبيهم كاعدين ع كراسي المستشفى.....سلمت عليهم بصوت ناصي وتقربت الماما لزمت ايدهة عصرتهة وحجيت بدموع
ندى: شلونهة؟
تمارة بثقة: لا تخافين اختج قوية والولادة مو صعبة عليهة هاي تربيتي
ندى: والنعم منج ماما
سكتت واني افكر انو اني تربية تمارة المفروض اكون قوية مثل ملاك بس اشو اني ضعيفة عكسهة شنو السبب..... طردت من راسي هالافكار وباوعت حول نفسي....
حسين يفتر ويردد ادعية بصوت ناصي..... حسن لازم راسة يعصرة بألم..... بابا سحب ماما گعدهة بصفة يمسح على كتفخة وهو يهدئهة
واخيرا سمر..... اعرف بسالفة الخطوبة بس ما حجيت جانت فترة امتحانات وما ردتهة تضوج...... وجههة احمر مبينة خايفة على ملاك
درت وجهي العلي ابتسملي واحس ابتسامتة اجتي بوقتهة....... تقربت يمة حوط كتفي بأيديه وهو يبوس راسي...
علي: لا تخافين مبيهة شي انشاء الله
ندى بهدوء: آمين
شوية وطلعت الممرضة باوعتلنة مستغربة يمكن لان هواي عبالهة العشيرة كلهة جاية.... رمشت بعيونهة وابتسمت
الممرضة: البشارة؟
حسين طفر يباوعلهة بخوف
حسين: شنو بشارة ملاك شبيهة؟
تمارة: اوكف امي خلي نفهم....... ولدت؟
سألتهة بصوت واثق
الممرضة: اي نعم جابتلم ولد خدودة متفحات يتربى بعزكم انشاء الله
ركزت بوجه حسين ملامحة بدت تلين من خوف الى صدمة وانول تحولت ابتسامة وضحكة بدون وعي
حسين بضحكة: يعني صدك صار عندي طفل؟
امي حضنتة وهي تباركلة ووراهة بابا سحبة يبوس براسة ومن حظن الحظن ادري هو الي جان يولد لو ملاك.....
عفتهم بخبصتهم وسألت الممرضة الي جانت تتفرج على شكلهم وهي مبتسمة
ندى: عيوني ممكن نشوفهة؟
الممرضة: اي بس هسة تعبانة من الولادة شوية ودخلوا الهة براحتكم
هزيت راسي ورجعت سألت
ندى: والطفل وين؟
الممرضة: ديغسلوا
عافتني وراحت..... ابتسمت بفرح لان صرت عمة.....
أنت تقرأ
إدّمانْ مِنْ نَوعْ آخرْ
Romanceكل شخص بينة يعرف شنو يعني إدمان؟... وهو إدمان المخدرات او المشروب (اجلكم الله) بس هالمرة راح نشوف نوع إدمان مختلف... اتمنالكم قرائة ممتعة ~~~~~~~~~~~~~~~~~~~~~~~ تَعتَبِرهُ الصَديِقُ والسَند الَذيِ تَلتَجِئ إليهْ عِند كُل مُشكِلة تواجُهها..... لَك...
