الجزء الواحد والعشرون
ملاك
دخلت بشهري وتعبت اكثر مما جنت اتعب بالدراسة..... بطني شكبرهة ولازمة كتابي بالساحة مال البيت افتر واقرة بية طبيعة ما اعرف اكعد اذا داقرة.....
دخل حسين باوعلي مبتسم واجة علية حظني ودنگ باس بطني وهو يمرر ايدة عليهة بحنية..... تحرك الطفل عطت بصوت ناصي وضحكت وحسين حاضن بطني يبوس بيهة ويحجي وي الطفل
حسين: ها حبيبي حسيت ابوك ديحجي وياك وتحركت من اروح فدوة الربك
مسحت على شعرة بأيدي وحجيت بتوتر
ملاك: حسين اعتقد ولادتي راح تصير قريبة ع الامتحانات..... شلون بية؟
رفع نفسة واگف باوعلي وحجة بحنية
حسين: باجر اخذج للدكتورة وتجيك وضعج حتى نعرف شوكت راح تصير الولادة
هزيت راسي موافقة ودخلت وياه للبيت لاگتنة ماما تباوعلنة بفخر وتبتسم.......
تمارة: ها امي اشو بطلتي تقرين؟
ملاك: تعبت كلش وكلت ادخل ارتاح
تمارة: اخذي وقت راحة بس مو هواي حبيبتي لان الدراسة اهم
ملاك: من عيوني
حسين وهو يلزم ايد امة ويبوسهة: صدك حسن قرر يخطب؟
باوعتلي بنظرة مترددة وحجت بصوت واهن
تمارة: اي البارحة گالي اريد اخطب ورفضت
عگدت حاجبي مستغربة
ملاك: ليش رفضتي ماما؟
حسين برفعة حاجب: منو الي يريد يخطبهة
تمارة وهي تنزل راسهة: زينب صديقة ملاك
فتحت عيوني مصدومة بحيث حتى ما رمشت.....
ملاك: صدك تحجين؟؟ يعني مو سمر الي يريدهة؟
تمارة: هذا الي مخبلني انو هو جان عينة على سمر شلون هيج تغير وصار يريد زينب ما ادري
ملاك: هو ما شافهة بس كم مرة شلون هيج عجبتة
تمارة: هذا الي اريد اعرفة منج تالي طلعتي انتِ مثل الاطرش بالزفة
ملاك: والله ماما ما ادري بكل الي ديصير واني رحت كلت السمر حسن راح يخطبج وكيفت خطية
تمارة من بين اسنانهة: ليش كتيلهة ولج هسة تتخبل علينة تعرفيهة شكد تحبة
ملاك وهي تحس بذنب: ما ادري والله جنت متوقعة يقصد عليهة
تمارة: لا هو قصد زينب صديقتج ومن رفضت تعصب وضل يصيح انوب ميريد غيرهة..... حسين يمة بداعتي احجي وي اخوك بلكي يسمع منك على اساس انك توأمة
حسين وهو يهز راسة: احاول يمة من عيوني
رحت للغرفة وعيوني مدمعة كلش ضجت من حسن شلون هيج يريد يخطب غير سمر وهي تحبة صار سنين والمشكلة يدري بيهة...... لا وانوب منو زينب صديقتي.... هاي شراح يسكت سمر اكيد تگلب الدنيا على راسي لان خبرتهة بشي مو صحيح..... حطيت ايدي على گصتي فركتهة بألم وگمت اكمل دراستي شوية وطب حسين متعصب سألتة
أنت تقرأ
إدّمانْ مِنْ نَوعْ آخرْ
Romanceكل شخص بينة يعرف شنو يعني إدمان؟... وهو إدمان المخدرات او المشروب (اجلكم الله) بس هالمرة راح نشوف نوع إدمان مختلف... اتمنالكم قرائة ممتعة ~~~~~~~~~~~~~~~~~~~~~~~ تَعتَبِرهُ الصَديِقُ والسَند الَذيِ تَلتَجِئ إليهْ عِند كُل مُشكِلة تواجُهها..... لَك...
