الجزء الرابع عشر
ملاك...
لازمة كتابي وافتر بالساحة رايحة راجعة اريد احفظ هذا السطر مداگدر..... ضربت الكتاب على راسي مرتين..... شبيج ملاك شبيج ليش عقلج مديحفظ شنو صرتي غبية راح يدك الجرص وبعدني بهالسطر..... وي تفكيري سمعت الجرص يدك نفخت بتعب ومشيت للصف بخطوات ثگيلة مالي واهس وكلش تعبانة.....
دخلت للصف واشوف المُدّرسة واگفة فتحت عيوني بتفاجأ هاي شبسرعة اجتي هستوني دادخل ووگفني صوتهة
بتول: وينننن؟
شدت على كلامهة بتحذير رجعت بخطواتي للباب ووگفت متصنمة اباوعلهة بعيون متوسلة
ملاك بخوف: نعم ست؟
بتول: ليش متأخرة ع الدرس؟
ملاك: ست والله ما اتأخرت جنت اقرة بالساحة وبس دگ الجرص اجيت اركض بس ما ادري شلون اجيتي قبلي حتى شوفي الكتاب بيدي
رفعت الكتاب اشوفة الهة تحت انظار طالبات الصف كلهن نص مكيفات ونص ضايجات علية
باوعتلي من فوگ ليجوى بأستهزاء وركزت عينهة على ايدي عوجت حلكهة بتذمر
بتول: ليش لابسة حلقة؟
ملاك بهدوء: متزوجة
سمعت الشهگة مال بنات صفي الي مجانن يعرفن إني متزوجة بسبب عدم اختلاطي بيهن...... باوعت للمُدرسة الي منصدمة مثلهن شبيهن ذني اول وحدة اتزوج اني
بتول بتهديد: الحلقة متضلين لابستهة هذا مكان دوام مو استعراض..... نزعيهة وحطيهة بالجنطة ومن تروحين البيتج لبسيهة عود
هزيت راسي بنعم ومشيت للرحلة مالتي الي صايرة بنهاية الصف..... كعدت واحس الانظار حرگتني مو كره بس استغراب نزعت الحلقة حطيتهة بالجنطة........ خلص الدرس وطلعت المُدرسة فاتت غيرهة تنفست بعمق احضر نفسي لان بالصدفة نحصل فرصة كلة دروس..... خلص اليوم بيا ويلاه متت تعب احس جسمي كلة يوجعني ومالي خلك الاي شي.... لبست الصاية والحجاب اريد اطلع والتمن علية البنات يسألني بعدما طلعت المدرسة
طالبة: صدك متزوجة انتِ ملاك؟
طالبة ثانية: شوكت اتزوجتي وليش ما حجيتي النة؟
هزيت راسي بأستفهام للوضع
ملاك: سألتوني وضميت عليكم؟
هزوا راسهم ب لا
ملاك: لعد ليش دتعاتبوني؟
طالبة: لا مو احنة صديقاتج وبنات صفج جان المفروض تعزمينة على عرسج
ملاك: ما سويت عرس حبيبتي اني تزوجت سكتة؟
طالبة بأستحقار: ليش زوجج جبير لو مطلگ وميريد عرس؟
رفعت حاجبي ببرود
ملاك: اولا زوجي هو ابن عمي وثانيااني ما ردت العرس لان ما الحك ع الدراسة والعرس بنفس الوقت
أنت تقرأ
إدّمانْ مِنْ نَوعْ آخرْ
Roman d'amourكل شخص بينة يعرف شنو يعني إدمان؟... وهو إدمان المخدرات او المشروب (اجلكم الله) بس هالمرة راح نشوف نوع إدمان مختلف... اتمنالكم قرائة ممتعة ~~~~~~~~~~~~~~~~~~~~~~~ تَعتَبِرهُ الصَديِقُ والسَند الَذيِ تَلتَجِئ إليهْ عِند كُل مُشكِلة تواجُهها..... لَك...
