الجزء الثالث والعشرون
سمر
دخل اخر شخص اتوقع اشوفة اليوم
سمر بعصبية: طلعي برى لججج
ملاك خزرتني وهي تعض شفتهة بمعنى سكتي بس احس اعصابي تلفت وزينب واكفة صافنة علية وترمش بعيونهة مبينة تعرف بالموضوع
سمر: مو داكول طلعي ما اريد اشوف وجهج
زينب بثقة : ترى اني مسويت شي غلط..... انتِ الي غلطتي لمن حبيتي شخص ميحبج وبالنهاية عافج وخطبني.... اعتذر اذا ضايجة مني بس ما الي ذنب هو حبني
ثقتهة بالكلام شعلت بداخلي نار گمت عليهة سحلتهة من يم الباب لازمتهة بايد وسديت الباب بأيد ثانية...... التفتت عليهة وحجيت بصوت ناصي
سمر: حب منو حسن گلتيلي؟
صفنت بوجهي ومبين الخوف بعيونهة...... لزمت شعرهة من ورى الشال وجريتهة اضرب وجهة راشديات رادت تعيط حطيت ايدي على حلگهة ودفرتهة برجلهة وگعتهة..... نمت فوكاهة ايد على حلكهة وايد اجر شعرهة الي طلع من الحجاب....... وخرت ايدي من شعرهة وصفگت وجههة راشديات وهي مفرفحة بس اني شيوخرني عنهة وشياطين الدنيا كلهة تتطافر براسي....... سحلت راسهة ردت ارگعهة بالگاع وسمعت صوت ملاك تحاجيني
ملاك ببرود: كافي اخذت الي تستاهلة عوفيهة
هديتهة واني مقتنعة بكلام ملاك فعلا ما اريد اموتهة بس كتلة..... عفتهة ورجعت ع الجرباية بصف ملاك واتفرج عليهة الحمرة مدمرة كل وجههة بسبب ايدي الي جانت على حلكهة خدودهة صايرات حمر كلهن...... شعرهة منفش وملابسهة مخربطة.... عدلت گعدتهة تباوع الايدهة جانت مشخوطة وهي تبجي...... گامت دموعهة بعينهة باوعتلي بنظرة تحدي
زينب: حسن الي وراح يضل الي..... موتي بحرگتج.... وعبالج هالضرب راح اعدي الج لا والله غلطانة الا اكول الحسن انو سمر ضربتني وست ملاك كاعدة تتفرج ولا خلصتني ولا ساعدتني بشي..... اني الجن
رادت تطلع وجان اكوم اسحلهة مرة ثانية وملاك وياي شبعناهة كتل بس هالمرة جان اكو فرق لان ما سدينة حلكهة...... الكل اجة على صراخهة دفروا الباب وطبوا شافوهة جنازة بين ادينة بس تشهك ملاك سحلتني للجرباية كعدت واني كعدت رجل على رجل والكل متفاجئ من شكل زينب المسحول
حسن بعصبية وهو يباوع الزينب: شبيجن شصاير ليش هيج ضارباتهة؟
ملاك بأبتسامة: تجاوزت علينة عركة نسوان معليك انت لا تتدخل
حسن بصياح: عركة نسوان شنو انتن مملخات خطيبتي...... من كل عقلجن؟
حسن العاقل انگلب وحش يصيح ويتهدد علينة وحسين وعلي لازمينة...... لمن يأس انو نجاوبة سحل زينب وطلع..... تفاجأنة بعدم دخول اي شخص من الكبار وسألتهم
سمر: وين اهلنة خوما دروا؟
علي: بختكم بالفاتحة مال جيرانة راحوا بسرعة وما ضلوا والا جان هسة انسحلتن.... ممكن اعرف ليش هيج ضربتنهة للبنية؟
أنت تقرأ
إدّمانْ مِنْ نَوعْ آخرْ
Roman d'amourكل شخص بينة يعرف شنو يعني إدمان؟... وهو إدمان المخدرات او المشروب (اجلكم الله) بس هالمرة راح نشوف نوع إدمان مختلف... اتمنالكم قرائة ممتعة ~~~~~~~~~~~~~~~~~~~~~~~ تَعتَبِرهُ الصَديِقُ والسَند الَذيِ تَلتَجِئ إليهْ عِند كُل مُشكِلة تواجُهها..... لَك...
