الجزء السابع والعشرون
سمر
مرن يومين قضيتهن بنص اهلي بحيث باب البيت ما طلعت وهمة نفس الشي كاعدين يسولفون وياي بالسنين الي رحت بيهة وحجولي اخبار امة الاسلام كلهة .....
اجة اليوم الثالث صحيت اسمع صوت يهمس يمي فتحت عيني بقوة باوعتلهة ملاك وشايلة ابنهة بأيدهة يباوعلي بعيون بريئة تجنن...
سمر بنعاس: يابة هلا والعباس مشتاقتلكم
ملاك بعتب: اي واضح مشتاقة النة وما اجيتي صار 3 ايام ليش بلله؟
سمر بتثاؤب: لج اهلي كعدوا من الشغل علمودي ما اكدر اعوفهم واطلع خطية
ملاك بتفهم: اي صحيح هم خطية.... يلا كومي فوفو اجة يسلم عليج
سمر: وين يامن؟
ملاك: جوى يم عمة سيرين دتنطي حلويات
سمر: ابو بطن جاي علمود الحلويات لو علمودي
ملاك: هو اصلا كالي خلي نروح نشوف سمارة مشتاقلهة وحتى ما دوام بالمدرسة ورند كعدت وياه
سمر: هو ميكول سمارة هاي من يمج
ملاك بضحكة: اي والله هاي صحيحة
گمت من فراشي دخلت الحمام غسلت ونزلت اشوفهم...... لكيت ملاك كاعدة تسولف وي ندى وماما ويامن يطفر مثل القرودة ويمهة ورند وياه.....
وگفت شوية اباوعلهم وبعدين صحت بصوت عالي
سمر: اجتي خالة منو ينطيهة حظن؟
اجوي اثنينهم يركضون رغم رند متتقرب مني هواي بس شكلهة الغيرة من يامن خلتهة تجي دنگت وفتحت ايدي واني ابتسم...... دخلوا بحظني اثنينهم يضحكون وواحد يدفع بالثاني
سمر: خلص اولاد الحمار لا تتعاركون
ملاك: ها انوب اولاد الحمار؟
سمر بضحكة: معليج
وخر يامن من حظني وباس خدي
يامن: انتِ حلوة خالة سمر
شبيهم الجهال هنا كلهم نفس الحجاية بست خدة وكلت بحنية
سمر: عيونك الي حلوة وتشوفني هيج
يبتسم بوجهي ببرائة ورند صافنة علينة
سمر: تعالوا نلعب سوى جايب البايسكل مالتك؟
يامن: لا بس رند عدهة بايسكل
سمر: يلا لعد نلعب بي
اخذتهم وصرت اصعد واحد ورى الثاني بالبايسكل ادفعهم وهمة يضحكون رند تعودت علية اكثر ويامن اجتماعي من اصلة ....
خليتهم يلعبون وحدهم وكعدت وي ملاك اسألهة
سمر: اكلج صدك مسرة كم يوم بالاسبوع تجي يمج؟
أنت تقرأ
إدّمانْ مِنْ نَوعْ آخرْ
Lãng mạnكل شخص بينة يعرف شنو يعني إدمان؟... وهو إدمان المخدرات او المشروب (اجلكم الله) بس هالمرة راح نشوف نوع إدمان مختلف... اتمنالكم قرائة ممتعة ~~~~~~~~~~~~~~~~~~~~~~~ تَعتَبِرهُ الصَديِقُ والسَند الَذيِ تَلتَجِئ إليهْ عِند كُل مُشكِلة تواجُهها..... لَك...
