الجزء الرابع والعشرون
سمر
گاعدة احط مكياجي متحضرة لعرس حبيبي السابق او بالاحرى حُبي السابق لان هو مجان يحبني......
لبست فستاني الذهبي وي لون شعري والحذاء بلونة..... اكسسوارات بسيطة وشعر مفرود..... باوعت النفسي بالمراية فعلا اني حلوة ليش اركض ورر شخص ميريدني اشو خطابتي هواي وصرت كلية والي مستقبلي ليش جنت اريد اذل نفسي..... غميت گصتي ولبست الشال واني نازلة اشوف اهلي خلصوا...
ندى راحت قبلنة بيومين حتى تساعد ملاك بترتيب البيت لان العرس حيصير ببيتهم وملاك متلحك بسبب ابنهة.......
طلعنة رايحين للعرس واني اباوع للساعة واضحك..... الساعة بال3 ونص العصر بعد كم ساعة وحسن يصير الغيري يتقرب لبنية غيري وتصير زوجتة..... غمضت عيني اقوي نفسي واكول بگلبي الله يوفقة الله يسعدة وياهة ما اريد ادعي عليهم اخاف يتأذون يضل ابن خالي ما اريدلة السوء
وصلنة لبيتهم نزلت داخلة للبيت بسرعة لان مكياجي مو مال اتمختر بالشارع على كيفي....... بعدني بالباب شمرت الشال الامي ودخلت للصالة اباوع الملاك لازمة ابنهة تفتر بي حتى مكياج ما مكملة لابسة بس الفستان......
سمر: جيبي اشو ليش لسة ملابسة
ملاك بتعب: لج موتني من الصبح لسة يبجي حتى ما اعرف شنو يريد وامي راحت للصالون وي الحية
ضحكت لان تسمي زينب حية
سمر: روحي عمري كملي نفسج واني اهتم بي ما عندي شي
ملاك: افف اموت عليج
باست خدي وركضت للغرفة مبينة فعلا جانت محتاجة شخص يساعدهة..... باوعت للصالة مرتبة بشكل حلو مال اعراس كعدت امي وخالة سرى يسولفن..... مشيت للمطبخ باوعت الندى واگفة تسوي الاكياس مال توزيع العرس..... ومكملة تجهيز نفسهة
سمر: ها ولج شلونج خوما تعبتي نفسج؟
ندى: لا الحمدلله ما تعبت امي اصلا متقبل اشتغل اشياء هواي
سمر: اي عاشت ايدهة اريد ابن اخوي يطلع يخبل مو بي شلل نصفي
ندى: اسم الله على ابني شبيج انتِ
سمر: ههههه اشاقة
كملت وراحت مدري شتسوي بعد...... باوعت اليموني يبجي مفرفح...... حطيت ايدي على بطنة ضغطتهة بجى اكثر مبين عندة مغص..... رحت الغرفة ملاك اباوعلهة تتمكيج بسرعة ما منتبهة الي اصلا......
توجهت للجرباية فتحت الكومدي وطلعت الدواء مال المغص اخذت بالقبق وشربتة منة واني ادگ على ظهرة بضربات خفيفة..... رجعت الدواء اخذتة وطلعت افتر بي وهو لازم شعري بيدة ملخة..... مسدت على بطنة شوية وسكت يعني فعلا بطنة جانت توجعة امداج ملاك عود انتِ هم ام متعرف ابنهة شبي
أنت تقرأ
إدّمانْ مِنْ نَوعْ آخرْ
Romanceكل شخص بينة يعرف شنو يعني إدمان؟... وهو إدمان المخدرات او المشروب (اجلكم الله) بس هالمرة راح نشوف نوع إدمان مختلف... اتمنالكم قرائة ممتعة ~~~~~~~~~~~~~~~~~~~~~~~ تَعتَبِرهُ الصَديِقُ والسَند الَذيِ تَلتَجِئ إليهْ عِند كُل مُشكِلة تواجُهها..... لَك...
