الجزء الاخير
ملاك
كاعدة عيني على سمر الي متربعة ع الكوشة بكل هيبة تجنن دمعت عيني واني اشوف مسرة لابسة نفس بدلتهة وتبوس بيهة وسمر ولا كأنو عروس اصوات ضحكاتهة ترن بالقاعة كلهة.....
ابتسمت وكمت متقربة يمهة
سمر: يابة هلا بأم يامن لج شطالعة تطگين بالگاع اليوم السهرة صباحية وي ابو يامن
ملاك: ههههه صايرة ادبسز كلش ولج
سمر: اذا تكولين حسن علمج اشگج ترى اني هيج من زمان
ملاك بضحكة: لا ما اكول ادري بيج لسانج طويل وميستحي من صغرنا
سمر: ها هيج صارت؟
ملاك: اي
تقربت حضنتهة وبستهة اباركلهة واني اهمس يم اذنهة
ملاك: منو سهرتة صباحية اني لو انتِ؟..... ترى حسن صار سنتين صايم يطلع بيج القضى والمضى
ضحكت سمر ودفعتني
سمر: وتكول علية ادبسز دشوفي نفسج شلون طالعة عينج
ملاك: اني متزوجة صار 8 سنوات مو مخطوبة ولساني ينزل ع الترابي
سمر: خايبة ولي راح تخليني اطفي عينهة ببوكس يلا ترتاح
ضحكت ورجعت للطاولة مالتي اباوع للمعازيم داليا ترگص ووياهة ندى بطنهة هستوهة بدأت تبرز بشهرهة الرابع....... يامن لازم ايد رند ويركص وياهة ومسرة ترگص بفوفو ابني....
الله يديم علينة الفرحة...... شوية وكالوا راح تجي الزفة كلنة لبسنة وتحضرنة..... دخل حسن بأناقتة واكتافة المفرودة.... ابتسمت ورحت باركتلة وندى وداليا نفس الشي كلهم يبوسون بي ويباركولة بالاخير صاح
حسن: يابة وخروا اريد اشوف مرتي طلابة خوما طلابة
تمارة: ولك اشو صاير خفيف وين الثگل وين الغرور
حسن: وداعتج صار سنتين منتظر هاليوم يمة لا تقطعين علية رزقي
تمارة بضحكة: روح المرتك يمة روح
عافنة وصعد للكوشة الي جانت بيهة سمر كاعدة مبتسمة الة ومن وصل يمهة وگفت تقرب باس راسهة ومدري شنو همس يم اذنهة وهي ضحكت.... لحد هسة ما اعرف شنو يكولون العرسان لاني ما سويت عرس حتى اعرف...
لبسنا سمر الكبوس حتى ميبين شعرهة ووجهة وحسن يصيح غلفوهة ما اريد اصبعهة يطلع....
زفيناهم للسيارة وسحبت جهال اخاف يضيعون بالهوسة..... طلعت لكيت حسين منتظرني بالسيارة
حسين: يلا حبيبي ليش تأخرتي زفة اخوية ميصير اتأخر عنة
ملاك: اي عمري بس جهال خبلوني ضليت اركض وراهم حتى اجيبهم
أنت تقرأ
إدّمانْ مِنْ نَوعْ آخرْ
Roman d'amourكل شخص بينة يعرف شنو يعني إدمان؟... وهو إدمان المخدرات او المشروب (اجلكم الله) بس هالمرة راح نشوف نوع إدمان مختلف... اتمنالكم قرائة ممتعة ~~~~~~~~~~~~~~~~~~~~~~~ تَعتَبِرهُ الصَديِقُ والسَند الَذيِ تَلتَجِئ إليهْ عِند كُل مُشكِلة تواجُهها..... لَك...
