إدّمانْ مِنْ نَوعْ آخرْ

الجزء الثاني

الجزء الثاني

سمر: طلعت من الغرفة واني امشي بهِمة حتى احجي وي حسن الي ما معبرني اصلا.... قبل ما اوصل الغرفتة سمعت صوت امي وراي التفتت ولكيتهة مكتفة ايدهة وواكفة تباوعلي اتقدمت برجلية الهة امشي بكل ثقة وكفت كدامهة وكلت

سمر: ها ماما شنو تريدين؟

باوعتلي ببرود وكالت
سيرين: شعندج رايحة الغرفة الوِلد؟

ابتسمت الهة واني احاول اخفي توتري
سمر: اريد اكول الحسن يشتريلنة حلويات علمود نسهر بالليل

سيرين وهي ترفع حاجبهة: عندج فلوس؟

سمر بخجل: لا

سيرين: لعد شلون تريدين توصي هو يجيب من جيبة مثلا؟

سمر: مادري بس اني والبنات اتفقنة نسهر ونوصي حبشكلات واجيت اكولة.... ما فكرت بالفلوس

سيرين وهي ترجع للصالة : اوكفي خلي انطيج

سحبت نفس براحة ومشيت وراهة طلعت فلوس انطتني وراحت للمطبخ يم خالة تمارة عفتهة وركضت الغرفة حسن دگيت الباب صاح اتفضلي دخلت وجنت متوقعة الكى مهند هنا بس مجان موجود.... باوعتلة فارش الكتب ع الجرباية وكاعد يقرة ضليت واكفة صافنة على ملامح وجهة وهو منتظرني احجي الشي الي اجيت علمودة... اباوع بعيونة الزرگ لو شعرة المخصل اشقر واسود لو ملامح وجهة الرجولية.... صحيت من صفنتي علي وهو يكول

حسن: هيووو شبيج صافنة متحجين ليش اجيتي؟

سمر بتلعثم: ها.... اريد تشتريلنة علمود السهرة البناتية اليوم

رفع حاجبة يبوووي اموت على هالحركة بودي اگرطة
حسن: اوكي فهمت يلا روحي اريد اكمل دراسة

باوعتلة بطرف عيني لان ضوجتني طريقتة بالكلام وردت اطلع بس اتذكرت الفلوس... رجعت التفتت

سمر: تروح تجيبلنة بدون ما انطيك فلوس؟

حسن: اني اجيبلكم من عندي معليج

سمر: لا ماما دزت بيدي فلوس وكالت انطي

مديت ايدي انطيهيا... باوع الايدي وفجأة ضربني عليهة قوي... صحت بألم

سمر: اااه ليش هيج؟

حسن: شنو كدامج طفل ولمن توصيني تجيبين فلوس مو عيب عليج.... والله هسة الا احاجي عمتي شنو تدز فلوس جان استحيتوا

اكلني حاصل فاصل واني الدمعة بطرف عيني اخذت الفلوس وطلعت بدون ما احجي اي كلمة ورجعت الغرفة البنات لكيتهن متمددات ع الجرباية كلهن ويسولفن....... ما انتبهن الوجودي حتى... طفرت يمهن وهنة كلهن عاطن خايفات بس من شافني شبعني تكفخ

داليا وهي تضربهة: ولج حمارة خوفتينة

ملاك: تف عليج جنة نحجي بموضوع مهم