الجزء العاشر
ملاحظة/البارت هدية لان البارحة ما نزلت بارت ❤💋
........
صحيت على صوت ماما تسحل بالغطى وتصيح
تمارة: ولجن انتن بيش الساعة نمتنن والهالدرجة متفتحن حتى عينجن من النعاس؟
سمر: وخروا عني الي يگعدني اشگة شگ ومحمد.... ميتة نعاس وجايين يگعدون بية احط......
حطيت ايدي على حلگهة وماما واگفة كاتمة ضحكتهة... دفرتهة برجلي وهمست
ملاك: اصحي نعالة هاي امي
فزت تباوع بوجهي ما مستوعبة وماما كالت
تمارة: كومن ولجن شوفن الساعة صارت 12 الضهر وانتن متوثات
داليا بنعاس: اي خالة كايمين كايمين
طلعت ماما وسمر دفرتني
سمر: ولج جلبة ليش ما سكتيني من البداية مو عيب هيج حجيت كدام خالة
ملاك: هههه اي غير انتِ انفتحتي تغردين من الصبح حتى ما لحكت اسد حلكج
طفرت علية تملخ بشعري وتضحك
سمر: انفتحتي شنو ولج ثمني كلامج
داليا: النية خيات النية اهم شي النية
ملاك: اخخخ وخري ولج بعدني نعسانة مالي خلكج
ندى: صدك بيش الساعة نمنة احنة؟
داليا بتثاؤب: بالخمسة
ملاك: ياااا واكول ليش منرضى نگعد
داليا: انتن كلجن غفيتن قبلي حتى سمر العوبة عود نايمة هواي وغفت واني بالكوة نمت وغاصبة نفسي خاف ميسم تسويلنة كبسة مثل ذيج المرة وانكتل /ميسم(بيبتهن)
سمر: اي والله لمن دخلت علينة الساعة بالاربعة الصبح وشافتنة كاعدات نكرز حب ونسولف كلجن طفرتن بجهة الجرباية الامان الا اني وكعت بيهة والعوجية خسفت ضهري
ملاك: هههههه تستاهلين
رجعت طفرت علية جرت شعري واني اصيح... كمنة بدلنة وطلعنة للحمام وحدة ورى الثانية ورحت اسوي ريوك.... انفتح الباب الخارجي ودخل بابا شفتة من الشباك طلعت من المطبخ اركض لان البارحة ما شفتة هواي مشتاقتلة..
ركضت بحضنة وهو يبوس براسي وخرت لمن حسيت شخص دخل وراه.... باوعتلة حسين حاولت اكون هادئة بس ما كدرت عيوني الخايفات فضحني ونزلت منهن دمعة...ادري بابا طلعة ليش شنو جنت متوقعة يبقي ابنة بالسجن علمودي.... باوعلي حسين بأسف
حسين: انتِ طالق طالق طالق
فتحت عيوني بصدمة ابد ما توقعتة يطلگني بهالسهولة عبالي راح يعاند ويكبر السالفة ويتعارك بس اشو طلگ وما مهتم.... بابا باوعلة برضا ودخل الغرفتة... ضليت اباوع بعينة اريد افسر نظرتة الي بس ما لكيت مشاعر باوعلي ببرود ومشى الغرفتة.... ما احس بفرح مع انو اني جنت رايدة اخلص منة... يجوز لان راح انحسبت مطلقة واني بعمر ال18 سنة.... اتجاهلت كلشي ورجعت للمطبخ لكيت سمر وداليا واكفات يسون ريوك شوية ودخلت ماما
أنت تقرأ
إدّمانْ مِنْ نَوعْ آخرْ
Romanceكل شخص بينة يعرف شنو يعني إدمان؟... وهو إدمان المخدرات او المشروب (اجلكم الله) بس هالمرة راح نشوف نوع إدمان مختلف... اتمنالكم قرائة ممتعة ~~~~~~~~~~~~~~~~~~~~~~~ تَعتَبِرهُ الصَديِقُ والسَند الَذيِ تَلتَجِئ إليهْ عِند كُل مُشكِلة تواجُهها..... لَك...
