Good Bye My Prince

21

unicode

.
.
.

ကုမ္ဗဏီရှေ့ကားထိုးရပ်လိုက်တယ်ဆိုရင်ပဲ ကုမ္ဗဏီရှေ့မှာ မိန်းကလေးအချို့ဝိုင်းအုံခံနေရတဲ့ ဝမ်ရိပေါ်ကိုလှမ်းမြင်လိုက်တယ်။

ခံစားချက်မရှိသလိုဖြူရော်နေတဲ့ဝမ်ရိပေါ်လေးက ကြိုးပြတ်နေတဲ့အရုပ်ကလေးနဲ့တူတယ်။

ရန်လီယိုကားပေါ်ကမြန်မြန်ဆင်းပီး ကောင်မလေးတွေကြားတိုးဝင်လိုက်တဲ့အခါ အော်သံတွေကဆူညံသွားတယ်။

"ရန်လီယို..."

သတိမဲ့သလိုဖြစ်နေတဲ့ကောင်လေးရဲ့ပုံကိုမြင်ရတာ သူ့ရင်တွေအနာဆုံးပဲ။

လူလည်ခေါင်မှာဆိုတာကိုလဲဂရုမစိုက်မိသလို သတင်းတွေထပ်ပီးတက်လာမှာကိုလဲစိတ်မဝင်စားတော့။

ကောင်လေးလက်ကိုလှမ်းဆွဲလိုက်တော့အေးစက်နေတဲ့လက်ကလေး။

အော်ဟစ်နေတဲ့မိန်းကလေးတွေကြားကနေ သူဝမ်ရိပေါ်လေးကိုဆွဲခေါ်လာခဲ့တော့အသာလေးလိုက်ပါလာတယ်။

ကားတံခါးဖွင့်ပေးတော့ ကောင်လေးက အလိုက်သိစွာကားထဲဝင်သွားတယ်။

သူပါကားထဲဝင်လိုက်ပီး ဝမ်ရိပေါ်မျက်နှာကိုတချက်ကြည့်လိုက်တော့ မျက်ရည်တွေပြည့်အိုင်နေတဲ့မျက်လုံးတွေနဲ့ရိပေါ်က သူ့ကိုပြန်ကြည့်လာခဲ့ပီး ပြောတယ်။

"သူကငါ့ကိုဘယ်တုန်းကမှမချစ်ခဲ့ဘူး လီယိုရဲ့
သူချစ်တာကအမဖေးဖေးတစ်ယောက်ထဲ။"

ပြောပီးငိုချလာတဲ့ရိပေါ်ကိုရန်လီယိုမျက်ရည်သုတ်ပေးလိုက်တယ်။

အင်း...မင်းလဲငါ့ကိုဘယ်တုန်းကမှမချစ်ခဲ့ဖူးဘူး
မင်းချစ်တာ ရှောင်းကျန့်တစ်ယောက်ထဲ...

ချစ်ရတဲ့လူရဲ့မျက်ရည်တွေကသိပ်ပူတာပဲ။
ရန်လီယို လဲနာကျင်လိုက်တာ။

ဒီပုံစံအတိုင်းဆို အကိုကျိရန်ဆီသာခေါ်သွားဖို့အသင့်ဆုံးပဲ။

ခင်ဗျား ဘာလုပ်လိုက်ပြန်တာလဲရှောင်းကျန့်ရဲ့ ။

.
.
.

ကျိရန်အိမ်ရောက်လာတဲ့အခါမမျှော်လင့်ထားမှုက စီးကြိုတယ်။
ကျိရန်အိမ်ထဲမှာ အနုပညာရှင်listထဲကပယ်ထုတ်ခံလိုက်ရတဲ့ ဝမ်ဟောက်ရွှမ်း ကရှိနေတယ်။