الدكتوره سليل والشيخ

البارت1

#دكتوره_سليل_والشيخ

البارت1

دكتوره يتيمه تروح للقصر حتى تنقذ حياة الشيخ بس تتورط بمشاكل عائلتهم وتنجبر تبقى وياهم عايشه بس ياترى شنو يلي مخبي القدر الها بذاك البيت... تابعوها...

سليل/ صباح الخير
حسن/ صباح النور دكتورتنا شونج
سليل/ زينه الحمدلله اكلك حسن شعدنا اليوم
حسن/ يا حلوه عندج عمليتين وكومه مراجعين
سليل / اووف يعني لي باجر الصبح ارجع للبيت
حسن/ والله هاي انتي وشطارتج
سليل/ اوك خلي نبدي الفحوصات يلي البارحه طلبتها منك سويتها
حسن/ مال مريض رقم 6
سليل/ اي
حسن/ اي هاج هذوله الاوراق
اخذت سليل الاوراق وقرتهم
سليل/ مثل ما توقعت ورم بالدماغ ولازم اليوم اسوي العمليه حسن بلغ اهل المريض انه الياعه 12 الظهر اسوي العمليه مالته
حسن بخجل/ دكتوره سليل
سليل باستغراب/ حسن اكو شي
حسن بخجل / بصراحه اهل هذا المريض كلش فقراء وانتي تدرين بهاي العمليه اقل شي تكلف 3 ملايين فيعني شون راح يدبروها
سليل/ حسن روح سوي الفحوصات للمريض وتأكد من انه ملشي كامل واني رايحه للمدير احجي ويا
حسن/ اي هسه اكملهم
سليل
اني سليل عمري 22 سنه دكتوره جراحه اني يتيمه ابويه توفى بحادث قبل ولادتي وامي هيه ودتولدني توفت عشت ويه بيبيتي ام ابويه عمامي وخوالي محد منهم جان يحبني وكل فكرهم انه اني راح اخذ الورث منهم وبيوم جان عمري 17 سنه بيبيتي تمرضت كلش وللاسف الدكاتره رفضو يسون العمليه لانه جانت خطيره وممكن يفقدون مهنتهم اذا سووها ولهذا السبب بيبيتي توفت جانو نسوان عمامي كلش حاقدين عليه لهذا السبب كرست وقتي كله للدراسه وطلعت من السادس بمعدل طبيبه هذا الشي كلش فرحني لانه اني اريد انقذ حياة الناس وما اريد احد يخسر يلي يحبهم مثلي ومن فتت للجامعه نقبلت طب عام جراحه وبيومها عامي اتفقو انه يطردوني من البيت اخذت ملابسي وذهب امي ورحت اقسام داخليه ومن يومها وقتي كله جان بس دراسه وهاي السنه جانت اول سنه الي بالمستشفى بس لانه اني جراحه شاطره ف انطوني عمليات حسن يشتغل وياي اني هاي السنه اتخرج وهو باقيله سنتين جاي وياي يتعلم تطبيق واني كلش اثق بي واحسبه مثل اخويه
سليل/ السلام عليكم
المدير/ دكتورتنا الشاطره وعليكم السلام تفضلي كعدي
سليل / دكتور اني اكدر اطلب منك طلب
المدير/ اتفضلي بنيتي اسمعج
سليل/ دكتور اعتقد انت تعرف المرض رقم 6 وخطورة حالته وانتي تدري بيه انه اذا خليت شي براسي اسوي واني خليت هذا المريض براسي يعني لازم اسويله العمليه ابن الحجيه
المدير/ اي بنيتي اني اكون فخور بيج بهيج مواقف
سليل/ بس اكو شغله صغيره تمنعني انه اسوي العمليه
المدير/ شنو بنيتي احجي اكدر اساعدج
سليل/ للصراحه دكتور هيه شغلة ماده وفلوس هاي العمليه تكلف كلش وهمه ناس على كد حالهم
المدير/ والله يا بنيتي ما ادري شگلچ يعني حتى انتي لحد الان ما مستلمه اي راتب بعد شهرين يله تبدين تستلمين حتى اكلج نقطعها من عندج شون خليني افكر
سليل/ دكتور الساعه 10 واني لازم الساعه 12 اسوي العمليه اتمنى متتأخر وتگلي شنو جوابك
المدير/ انشالله
سليل/ من رخصتك دكتور
المدير/ الله وياج بنتي
سليل
طلعت رحت لغرفتي شفت حسن كاعد
حسن/ ها شگال
سليل/ اووف ما تدري راح يفكر
حسن/ لتخلين ببالج ارتاحي
سليل/ الله كريم
حسن/ دكتوره قبل شويه خابرت مديرة الاقسام الداخليه ورادتج كالت من تكمل شغلها تجيني
سليل
باوعت للساعه بعد اكو وقت
سليل/ حسون اني راح اروحلهم ما اتاخر ربع ساعه انت بمكاني لذا صار شي خابرني
حسن/ من عيوني دكتوره
سليل
نزعت ملابس الدكاتره واخذت الفون مالتي رحت للمديره دكيت الباب وفتت
المديره/ سلوله دكتورتنه شلونج
سليل/ الحمدلله زينه ست انتي شونج
المديره/ الحمدلله سليل بنتي كعدي عندي حجي وياج
كعدت سليل
سليل/ ست اكو شي خوفتيني
المديره/ بنيتي انتي باقيلج شهر وتتخرجين يعني ميصير بعد تبقين هنانه لازم خلال اسبوع تدبريلج مكان لانه هسه جايين دفعة طالبات
سليل/ انشالله ست خلال هل اسبوع ادبر مكان واكعد بي
المديره/ بنيتي ما اريدج تزعلين بس والله مو بيدي
سليل ببتسامه/ عادي ست ما صار شي وبعدين اني صارلي 7 سنوات هنانه صار الوكت يلي لازم اطلع بي وهسه ست من رخصتج عندي عمليه
المديره/ الله يوفقج بنتي
سليل
طلعت من المديره رحت يم المي ضليت ابجي واشهك ليش ياربي ليش اخذت اهلي وكل يلي احبهم ليش عمامي وخوالي يكرهوني ليش شسويت وين اروح هسه اني ماعندي فلوس وحتى ذهب امي جنت كل فتره ابيع منه حتى اشتري ملازم وشغلات للدراسه ياربي ساعدني مسحت دموعي ورحت للمستشفى كعدت بالعياده مالتي وجانو مراجعين هوايه شويه واجه حسن
حسن/ دكتوره تعبتي كافي اليوم
سليل/ حسن شجابك
حسن/ اجيت احجي وياج بخصوص المريض رقم 6
سليل/ ها شكال المدير
حسن/ كال ما بيدي شي
سليل وكفت علي حيلها
سليل بعصبيه/ شنو ما بيده شي هسه اني اروح احجي ويه
حسن لزم ايد سليل
حسن/ خلي اكمل كلامي كعدي
كعدت سليل
حسن/ اني خابرت اخويه وهو كال انه راح يدفع المبلغ كامل
سليل باستغراب/ اخوك؟
حسن/ اي لانه هو دائما يساعد الفقراء والمحتاجين ف اني خابرته وحجيت ويا وهو كال اشوف المبلغ شكد حتى يدزه من البصره
سليل/ ماشي شكرا حسن تعبتك وياي
حسن/ لا يمعود تعبج راحه بس كليلي شرادت منج المديره
سليل/ اوووف حسن اووف ماكو شي ما اريد ادوخك الساعه بيش
حسن/ 11
سليل/كملت كلشي يخص المريض
حسن / وداعتج باقي بس تسويها
سليل/ كلش زين وانت يمته تروح للبصره
حسن/ اي والله كلش مشتاق لاهلي وخاصتاً امي واخويه بس تدرين هسه كلها مگضيها بين المستشفى تطبيق والجامعه فاينل
سليل/ الله يوفقك انشالله
حسن/ انشالله وهسه نخلي الدكتوره سليل على صفحه واحجي ويه سلوله صديقتي
سليل/ هههه احجي احجي
حسن/ يعني اني ما اريد تفهمين غلط بس اريد اعرف شكالتج المديره وهيج عيونج حمر من البجي
سليل/ كالت لازم اطلع من الاقسام الداخليه خلال اسبوع وانطنتي مبلغ كالت دبري نفسج بي وانت تعرفني يعني ما يحتاج اكلك ف اني هذا يلي شاغل بالي وين اروح واني حتى اعل ماعندي
حسن/ اووف سليل انتي مصيبتج مصيبه ما ادري شگلج وانتي متقبلين تاخذين شي من احد شهل عزة النفس يلي عندج يا الله وانتي عليج عناد والله مو طبيعي دائما اشبهج باخويه هم هيج عناده
سليل/ ههه والله اكلت راسي باخوك تشوقت اشوفه
حسن/ههه ما انصحج يخوف والله
سليل/ ههه كوم خلي نحضر روحنا للعمليه كوم ضيعت وكتي
حسن/ هااا هيج صارت ولج انتي صرت بنيه اكعد اسمع مشاكلج واحلها واسمع اسرارج واوكف وياج وتالي اطلع مضيع وكتج
سليل/ ههه يا ربييي ولك انت شوكت تعقل وتعوف سوالفك
حسن/ من اتزوج اعقل
سليل/ وشوكت تتزوج
حسن/ من اعقل
سليل/ يبوو منك دوختني
حسن/ انتي مثل امي من تحجي ويه اخويه كل شويه تكله تزوج واتزوج
سليل/ امم واخوج شيكللها
حسن/ يكللها ما اتزوج مالي خلك نسوان ووجع راس
سليل/ هه كلهم الامهات هيج يله حسون كوم ورانا شغل قيامة الله
حسن/ راح اروح بس ابدل ملابسي واجيج
سليل/ اوك راح افوت للعمليه قبلك وراح انتضرك اريدك وياي هل مره
حسن/ من عيوني يله من رخصتج
سليل/ الله وياج
حسن
رحت لغرفة الممرضين دا ابدل ملابسي وخابرني اخويه
حسن/ هلا شيخنا شونك
سجاد/ هلا بيك اخويه وينك
حسن/ بالمستشفى هسه فايت للعمليه ويه الدكتوره سليل
سجاد/ ولك صرعت راسي بدكتوره سليل والله تشوقت اشوفها
حسن/ هههه راح تشوفها اكيد
سجاد/ هااا ولك تريد تتزوج
حسن/ اكيد لا شنو مخبل واتزوج اذا علمود سليل تره هيه اكبر من يعني ارتاح ويلي ببالك بعيد
سجاد/ والله ما ادري شكلك
حسن/ اكلك اشو صوت سيارات انت وين
سجاد/ اني بالطريق جاييك لبغداد
حسن/ هلا هلا واخيرا الشيخ جاي
سجاد/ ههه ولك اثگل شويه واكلك جبت وياي 5ارسلان جاف ملايين تكفي للعمليه مال هذا الرجال
حسن/ لحضه بس اسال دكتوره سليل انت ابقه وياي ع الخط
سجاد/ ماشي
حسن
ضل سجاد ويايه ع الخط ورحت ل سليل جانت يم باب غرفة العمليات
حسن/ سلوله
سليل/ ولك مو سلوله الدكتوره سليل لحد يسمعك مو كافي المشكله يلي صارت قبل فتره
حسن/ يمعوده طز بيهم شبيج خايفه
سليل/ هههه والله ضحكتني من مل عقلك اني اخاف طبعا لا ما علينا هسه شعدج جاييني
حسن/ گبر نسيت اخويه وياي ع الخط
سليل/ خير انشالله جنت مقرر تفوت اخوك ويانه على غرفة العمليات
حسن/ ولج كاعده تنكتين واني منج هسه كاعده ادرس الحاله
سليل/ حفضتها والله
حسن/ اي عفيه اكلج شكد تكلف العمليه
سليل/ 3 ملايين لانه الباقي سوته استقطاع لحد ما استلم استلم راتب اني ادفعه
حسن/ وبدون استقطاع
سليل/ 3 ملايين ونص
حسن/ عزا بعينج نص مليون يقطعون من راتبج هو انتي راتبج اول سنتين كلع ما يطلع بي 200 الف
سليل/ اني ادبرها يله ولك تأخرنا
حسن/ ماشي بس احجي ويه اخويه واجيج
سليل/ اوك
حسن/ الو سجاد بعدك وياي
سجاد/ ولك صارلي ساعه اسمعك تسولف ويه البنيه واني هنا معلك
حسن/ ههه يعني سمعت كلشي
سجاد/ اي سمعت واريد اعرف شصار قبل فتره عن اي مشكله دتحجي
حسن/ هااا اخويه شعندك تسال
سجاد/ امشي ولي من عني كلش مو وكتك
حسن/ هههه اوك انتضرك
سجاد/ من اوصل اجيك للمستشفى اليوم اني ارجعك
حسن/ زين حتى تتعرف على سليل
سجاد/ ماشي يله روح لعمليتك موفق
حسن/ تسلم ابوعلي مع السلامه
سجاد/ الله وياك
سليل
من افوت غرفة العمليات انسى كلشي اطلع گلبي خارج هاي الغرفه الشي الوحيد يلي يشتغل هو عقلي فتنا للعمليه وجانت خطيره كلش بس اني انطيت كل الاحتمالات وجنت جاهزه لاي مضاعفات ممكن تصير طولنا اني وحسن بالعمليه 4 ساعات وطلعنا ميتين تعب رحت نزعت ملابس العمليه وبدلت وملابسي وكعدت بالعياده مالتي شويه واجه حسن هو هم مبدل
حسن/ احزي شنو
سليل/ شنو
حسن /عازمج ع العشه
سليل/ حسن فحطانه تعب ما اكدر والله
حسن/ مو بكيفج وبعدين اخويه جاي هم حتى تتعرفون واكيد سليل الفضوليه تريد تشوف اخويه
سليل/ ههه ماشي قبلت عزيمتك
حسن/ عوزج ما تقبلين
اندك الباب
سليل/ اتفضل
الممرضه/ دكتوره سليل صار حادث قوي على طريق حدود بغداد وهسه جايبين الحالات للمستشفى وديريدوج بالاسعاف حتى تستقبلين الحاله
سليل/ ماشي جايه يله حسن
حسن/ يله
سليل
جنا واكفين يم باب المستشفى واجت سيارة الاسعاف ونزلو منها المصاب
يتبع....لا تنسون متابعه او ارسال طلب صداقه حته يوصللكم اشعار النشر  وشويه كثرو تفاعلكم حته نختمها بساع لا نطول عليكم داده دوسي اعجاب وعلقي شكد متكدرين