كفى عذابك

الفصل الثانى والعشرون

فقالت وهى تبكى : مش عايز ترد عليا ليه ...رد عليا وانا مش هزعل معاك تانى ومش هشك فيك ...
فى لحظه رأت يده توضع على رأسها ..... احست بأن قلبها سيخرج من مكانه من فرط لهفتها .. قامت سريعا وهى تنظر له رأته يحاول فتح عينه وهو يقول ببطئ: زمرد
فردت بلهفه مفرطه: قاسم حبيبى ...فوقت اخيرا واحتضنته بقوه وهى تبكى : كده يا قاسم تخوفنى عليك أنا مقدرش اعيش منغيرك
فحاوط ظهرها براحه وهو يقول ببطئ: أنا موجود يا حبيبتى
قامت من حضنه وهى تتفحص وجهه وتقوم سريعا : هقوم انده للدكتور يجى يشوفك
أمسك بيدها وهو يقول : أنا كويس
فنظرت له بحزن وهى تقول : كويس ازاى وانت كنت هتضيع منى بسهوله كده ...ليه يا قاسم عملت كده ووقفت فى وشى
فتذكر الموقف غضب بداخله فهو من كاد أن يفقدها ويفقد طفله فى شربة ماء فحياته من قبلها لم تكن حياه وعندما أتت تذهب بكل هذه السهوله فنظر لها وقال وهو يبتسم بسخريه : وفكرك انك لما كنتى انتى يحصلك حاجه كنت هعرف اعيش ومن ثم حاوط وجهها وهو ينظر إليها محاولة تهدئتها وأبعادها عن هذا الموضوع : أنا كويس يا حبيبتى وهنكمل حياتنا إلى احنا راسمناها مش اخر حاجه قولتلهالك ان احنا هنعمل اوضه لابننا فى بيتنا الجديد وهنلف العالم كله مع بعض وهتحققى احلامك إلى كان نفسك فيها ..هنكمل إلى احنا بدأناه مع بعض
فنظرت له وهى تبكى بتأثر لكلامه : أنا نفسى نعمل كده يا قاسم بس بقيت بخاف ... بقيت دايما خايفه فرحتنا متكملش دايما فيه حاجه بتيجى تعكر حياتنا
فقال وهو يهز رأسه برفض لكلامها: لا لازم نبقى اقوى من كده الحب بيقوينا لو الحب هيخلينا خايفين كده يبقى ده مش حب ...لكن حبنا هيهزم اى صعوبات هنقابلها طول ما احنا مع بعض صح
فإقتنعت بكلامه وقالت بتأكيد : صح يا حبيبى ...صح أنا هبقى قويه طول ما انت فى حياتى طول ما انت كويس ..سكتت قليلا ثم قالت : عارف أنا فى لحظه قولت لنفسى يرجعلى حتى لو هتكون حياتنا زى الاول بس متبعدش عنى ...
فقال بحنان : وادينى رجعت وحياتنا هتبقى احسن من الاول كل مشكله هنقع فيها علاقتنا هتزيد وهتبقى احسن من الاول ..علشان كده بقولك الحب بيقوينا مش هيضعفنا ابدا
فضحكت وقالت : هو فعلا الحب بيقوى وبيغير كمان عمرى ما تخيلت انك انت الى تقولى الكلام ده وانت الى تقنعنى أن الحب بيقوى والحب حلو فده بيأكدلى اكتر صدق كلامك عن الحب
فضحك معها وقال : ده بفضل زمردتى طبعا هى إلى علمتنى ازاى احب وازاى احس بالحب وازاى أقدره
فاحتضنته وهى تشتم رائحته وكأنها الحياه بالنسبه لها : وحشتنى أوى يا قاسم وحشتنى أوى أنا نسيت الدنيا فى غيابك انت مليلى حياتى
فرح كثيرا بكلامها هذا فهو لم يتخيل بمقدار حبها له فقال وهو يدفن رأسه فى شعرها وهو يقول بصوت عميق : بحبك ومقدرش اعيش منغيرك
ابتسمت لكلامه ومن ثم قبلت موضع قلبه برقه ومن ثم نظرت له وهى تتفحص معالم وجهه جيدا ومن ثم اقتربت من وجنته قبلتها ثم جبهته ومن ثم قبلت شفتيه برقه وخجل ثم نامت على صدره مره اخرى وهى تغمض عينيها براحه وسكون .....

بعده فتره قليله دخل الدكتور للاطمئنان عليه ..فقامت زمرد سريعا وهى تقول بلهفه للدكتور : دكتور قاسم فاق من الغيبوبه
فإبتسم الدكتور ومن ثم اقترب منه يتفحصه جيدا وهو يقول له : حمد الله على السلامه يا استاذ قاسم
فرد قاسم بإبتسامه صغيره : الله يسلمك يا دكتور ومن ثم قال بتساؤل: المفروض أخرج امته
فرد الدكتور بعمليه : يعنى يومين كده وهتخرج أن شاء الله
قاسم وهو يقول : لا مش لازم يومين أنا بقيت كويس
فنظرت له زمرد بحده ثم قال الدكتور: انت كويس فعلا بس لسه لازم نطمن على مؤشراتك اليومين دول ونتأكد اكتر
فقالت زمرد بتوتر وقلق: يعنى هو كويس يا دكتور
فقال لها بتأكيد: هو كويس بس ديه فحوصات لزيادة التأكيد
فشكرته زمرد ومن ثم خرج الطبيب نظرت له زمرد بحده طفيفه:  انت عندى اوى علفكرة
فضحك على غضبها ومن ثم قال : ماهو أنا هروح ارتاح فى البيت هى هتفرق أنا اعد هنا بقالى اسبوعين وانا مش بحب اعدة المستشفى
فقالت هى : على اساس كنت اعد بتلعب انت كنت فى غيبوبه ..عارف يعنى ايه والدكتور كان بيقولنا أن حالتك خطيره انت مش متخيل حجم إلى كنت فيه
تفحص وجهها جيدا وكلامها التى تقوله فالقلق والخوف مازال متملك منها فقال لها : تعالى يا زمرد
فإقتربت منه فأمسك يدها بحنان واجلسها بجانبه ومن ثم قال : أنا عارف انتى تعبتى أد ايه معايا ..بس انا كويس والله يا حبيبتى
فنظرت له والدموع فى عينيها : تعبى ميهمنيش يا قاسم مكنش فى دماغى حاجه غيرك انت ..انت وبس
ظل ينظر لها بحب وفخر بأنها زوجته وحبيبته ومن ثم قال وهو يشدها نحوه : تعالى نامى فى حضنى
فقالت هى بخوف : لا مينفعش انت تعبان لسه
فقال برفض : لا مش تعبان ولو تعبان وجيتى فى حضنى التعب هيروح صدقينى
فنامت فى حضنه وهى تحسس على صدره واغمضت عينيها براحه اما هو قبل رأسها بعمق واحتضنها بقوه .... نامت فى احضانه التى اشتاقت إليها كثيرا فهى لم تنم طوال الاسبوعين سوى غفلات تصحو منها على كابوس مؤلم وتقرر بعدها عدم النوم مره اخرى ...