#أركان_يحكي كلام مريم مسني.. حيرني ووجعني برشااا.. نظرة لكره الي في عينيها تمنيت نموووت ولا نرا لغزرة ذيكاا.. تمنيت تحط رصاصة في قلبي ولا تقلي هاك لكلام.. مريم تكرهني يعني سيا الدنيا عطاتني بضهرها.. يعني لفرحة ومعني الوجود كل اندثر وولي سراب معاها.. الي كان معيشني ومخليني حي نتنفس هو ذكرياتنا.. وتوة حتي ذكرياتنا بش تولي تقتلني..اما مش هذا الي نحب عليه؟ انها تكرهني.. انها تنفرني.. كلوو من خوفي عليها.. هي وتسنيم منافسة غير عادلة.. مريم حساسة وتسنيم خبييييثة.. نخاف عليها منها ومن عمايلها وفعايلها.. كيما تخوبثت قبل حتي توة قادرة علي كل شي.. هزيت راسي شفتها جاية عندي تمشي بالرنة.. لابسة لونات عليها.. حلت لباب و طلعت في الكرهبة وسكرتو .. قربت مني وجات بش تبوسني من خدي اما انا خطفت فيتاس قوي لدرجة راسها رجع علي الكرسي... حطت يديها علي راسها تغزرلي باهتة وومصدومة.. تسنيم- أركان هبلت ياخي؟؟؟ شبيك تسووووق هكا؟؟؟ سكتت.. اصلا سكاتي خير... كنت محضر كلام بش نقولهولها اما لا منيش بش نعطيها فرصة اخرا بش تعيف مريم في حياتها.. تسنيم- بش تقعد ساكت برشا؟؟ ( همزتني بيدها نترتها نفخت وبعد تبسمت) فبالك الي انا غدوة بش نمشي نطل علي امك وبش نستدعاهم لعيد ميلاد غالي في ليل متفكر ماو!! كبست يدي علي لفولون.. عيد ملاد ولدي غدوة وانا نااااسيه.. شي بلي عملت منجمتش نكون باهي لولدي تسنيم- اركان منيش كلبة عندددك مطفيني راو جااوبني علقل قووول اي ي (ضربت يدي علي الفولون نصيح) انا- تحبني نحكي اه تحمل مالا قلي توة شعملت؟؟؟؟ نبهتك قتك ردددد بالك تاقف في طرييييقها وانت شعملت ( درتلها عينيها مغرغرة بالدمووووع) تسنيم - فاش تحكي أركان شنوة الي عملتو أنا (زدت قويت اكثر في الفتاس غزلتني وخرجتني من صينتي ) انا -متبداش تستبله فيا ..سي ظافر مستحيل يطرد مريم من راسو ..مريم عندها سنين تخدم غادي ومش بالساهل يخرجها..
مريم الجمني
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
غزرة عينيها تغيرت والغزرة هذي نعرفها مليح ..غزرة تسنيم كي تبدي تكمبس وتفلم .... سكتت شوي وقاطعت سكاتها بكلاميي انا - منعرفش علاش تعمل هكا من اصلو ..حط في مخك وافهم انو مريم حكاااااية ووفات وكل شي بيناتنا كان ماضي..ستة سنين تعداو ومشاوو حيات ناس وماتت ناس وانت لتوو تخرم تسنيم - كيف هي انسانة عادية ومش مهمة عندك علاش غايضتك انها تطردت اه علاااااش كانت تحكي منفعلة وانفعالها يزيد يخوفني اكثر علي مريم منها ..رخفت روحي وحاولت نهدي اعصابي لو ماكس بش منرتكبش فيها جريمة .. انا - الشهرية اذيكا كلات منها امي واختي ستة سنين في غيابي ..وقت انا غايب هي كانت معاهم...قلي توة يجيش نقطعولها خبزتها علي خاطر سيادتك غايرة منها دورت راسها للشباك كينها مسمعتنيش اما ضاهرة مغزززلة وكلامي مش بش يهديها وقفت الكرهبة قدام افيلا وهبطت تسنيم ..وقفنا الزوز قدام بعضنا..تغزرلي متاملة فيا ..حسيتها تحب تقول كلام اما ساكتة..اما عينيها تحكي كل شي..قداشها متغششة وقداشها مشكاكة وقداااشها حاطة مريم في راسها .... تسنيم - تهني بابا ميسلمش فيها ..بش يبعدها بيريود وترجع ( قربت مني وحطت يديها علي صدري وعلي عينيها غزرة ترعب ) اما أركان رد بالك حتي بينك وبين روحك تخمم حتي مجرد التخمام تعديها عليا قالت ككا ودارت ومع دورتها جبدتها من يدها وقربتها ليا متعمد ..نزلت علي يديها نحكي مغززززل انا - لا عاش ولا كان الي يهددني فهمت ( هزيت صبعي وضربتو علي راسها ) حط في طاسة مخك هذي انو ميمشيش معايا التهديد جملة ...كل شي عملتو لليوم برضايا ..بغدت علي مريم وحدددي..اخترت نعرس بيك وحدي..تحملت اغلاااطي وحدي..متكذبش علي روحك وتقول الي انت عاونتني ووقفت معايا لله في سبيل لله ...ملول كنت نعرف انك خبيثة وتنجم تعمل اي شي.. وقبل لا ترمي اغلاطك علي وجود مريم توة فككر شوي قداش علاقتنا غالطة ملول..كان مجاش غالي موجووود صدقني لا زييييييد معاك درج والسبب مش مريم ..السبب انت انتتتتتتتت رخفت يدي من يدها بنترة خاصة وقت ريت غالي خارج شاد لعبتو في يديه.. دخلت تسنيم تعفس علي طاجين تقعرو وبقيت راسي راسو.. بقيت نغزرلو.. كينو غريب عليا.. كيني منعرفوش.. كيني بعمري ماكنت بوه.. مشاعري كل وفات ومفهمتش شنحس بالضبط تجاه هالكائن الصغير الي هو ولدي.. عطيتو بضهري ماشي... ووقفني صوتو اابرئ الي خلي جرح من جروح قلبي يتحل.. غالي- بابا تعرف غدوة شنية؟ درت نمسح في دموعي الي هبطت.. تبسمت وطبست حملتو.. انا- اي يا بطل.. غدوة عيد ميلاد طفل مزياااان برشااااا اسمووو... اسموووو غالي قلت ككا وطحت ندغدغ فيه ونضحك.. بقيت نغزرلو وهو يضحك ومع ضحكاتو قلبي يوجعني.. كل ما نراه نتفكر اكبر آثامي وذنوبي.. ملي تولد وانا كل ما نراه نتفكر انو انا سرقت فرحة مريم وفكيتها وبنيت حياة علي حسابها... بستو من جبينو ورجع للفيلا يجري.. عينيا بقات معلقة عليه نبكي وسط قلبي.. منيش منجم نحبو.. منيش منجم نعطيه الحق متاعو في انو نكون بوه.. اصلا بش منكرهوش.. بش منبقاش ناقم عليه سمتو اسم غالي.. سميتو بالاسم الي ختارتو مريم.. علقل الاسم يشفعلو.. علقل عالاسم يخليني نحبو ويفكرني بمريم... اه يا مريم اااه.. بشوفتك تحيرت.. بشوفتك كل سكاتي ولي جوووجمة.. كل ثنايا ولات تهز للوجيعة.. اه يا مريم من كثر ما حبيتك ماعادش عندي طرف حب لغيرك حتي ولدي.. كبدي.... ما نجمتش نتحمل اكثر من هكت وقوفي هنا مش بش يفيد.. وهزيت روحي ماشي لحومة نشوووف امي بعد غيابي هالسنين مريم الجمني
