🍃🌼علاش تحير فيا...🌼🍃

🌠الحلقة 29...🌠

🍃🌼🍃

•نــــهـــــار جـــــــديــــــــــــد•
#هيبة_تحكي،،
حلّيت عينيا نتململ ليوم نهار أحد.. ليوم نهار الركشة والا الخرجة الله أعلم علي لبروڨرام الي بش يطلعلي.. حاسة روحي مخنووقة وروحي طالعة.. حاسة فما طاقة سلبية شااادتني من رقبتي وتخنق فيا... سمعت صوت أمي تنااادي فيا.. نطرت لفرااش وقمت بغششش وحليت لباب.. لهمتني طووول...
امي: توة قااايمة يا ليلا.. هيا هيا برااا افطر وايجا ننشرووو الغطاوات والزرابي خمجنااا راو...
دورت عينيا ننفخ في صمت... طربقت لباب عليها وخليتها تصيييح عليا... سندت راسي علي الحيييط وجبدت التلفون.. دوب لا حليت لانستڨرام عرضوووني تصاااور لبنات صحابي.. تصاور فوايجات وخرجاتت ودبششش يهبل.. عينيا حوالت وقلبي وجعني... عصيت علي شفتي بغزووول وسرحت في الفراااغ.. عاود جاني صوت امي مرة اخرا
امي: ياااا هيييييبة هيااا ايجا عااااوني يا بنتي يهديييييييك
حسيت لعصب مكني خرررجت نزرب وفحت فيها مغلغلة
انا: يعني ندااادي توة من طيااارة لطيااارة يحووسو ويتفرهدو وانا مغبووونة نقوووم نسيق ونظف هما يعني يااااااااامي!!!!!
حسيت عينيها دمعت وطيحت ااسطل لمعبي بالماء من يدها...
امي: زايد عينيك كبيرة كيما بووك.. كالب عالدنيا وعالفلوس.. زايد مربيتش ومصلحش فييييك شي.. تنظيييف وتسييق الي تستعار منهم امك خدمتهم في ديار النااااس...
انا: متفكرنيششش جاب ربي بطلتها هالخدمة...
هزت يديها ولفتني بكف قوووي رجني... بقيت حاطة يدي علي خدي نتوجع من حرارتو.. حسيتو خارج من دااااخل قلببببها...
امي: يجيك نهار وتتمني تنظف وتسيق كيما امك.. يجيك نهار وتحمد ربي علي الي بين يديك... فما ناس عندهم كل شي فلوووس وثروات ومن فواياج لفواياج ومعندهمش راحة الباب ومعندهمش الفرحة.. يجيك نهار وتتمني شطرررر والا حتي ربع هالدار وهالحووومة والنهار اذيكا شوووف تلقاني حية والا لا.. شوف تلقي امك موجودة بش تحميييك والا لا.... اه يا ضنوتي لفااااسدة اه...
ضربت السطل بساقي وصحت...
انا: صدقني اوووول راجل يعرضضضضني ويكون لاباس عليه منعرسسسس بيه ونرتااااح من الفقر والهم هذااا...
مزلت شنكمل نحكي ودخل خالد.. ميم با كلمني ولا حتي بين الي هو شافني غزر لامي وحط دبوزة لڨاز في الارض..
خالد: خااتي منجية هاني جبتلك دبوزة ڨاز الي قتلي عليها.. تستحق اي شي وصيلي مع احسان والا امي...
بقيت نغزرلو واقفة.. نستني فيه بس يكلمني.. منعرفش علاش تغششت ووجعتني منو انو طفاني... هو فتح لباب بش يخرج وانا خلط عليه... دورتو بيدي وهو نترني متقزز مني...
خالد: شبيييك!!
حليت عينيا مصدومة فيه... خالد ديما يسايسني وديما يكلمني بشوي ويبدا يخاول فيااا انا بش نكلمو.. شبيه هاز خشموو عليا... حسيت فهم عليا وفهم سرحتي وسمع اسئلتي...
خالد: هيبة الي نعرفها وتعجبني برشااا مزيانة وزينها باين علي وجها من عقوليتها وقرايتها وحشمتها... اما حتي زينك طفييي جرة افعااالك...
عينيا دمعت خاطر كل حرف حكاه بان بجدية في عينيه وكينو الي يحكي فيه هو حقيقتي الي في عينيه...
خالد: دوووونك انسانة كيفك تصيح علي أمها وتهييينها وتستعار من عيلتها ودارها وحومتها وحتي من الصاحب الي قالت بفمها كان يقعد اخر راجل منخذووووش...( قرب مني ووجه نظرو لعينيا مغزززل) اما هو الي نقلك كان تقعد انت آخر وحدة في دنيا مناخذكش.. مناخذش وحدة امها ملقاتش فيها لخيييير مناخذش وحدة كل همها اللبسة... الدنيا اكبر ببرشا من الشي الي تحلم بيه.. الدنيا اكبر ببرشا ملفلوس... رد بالك علي روحك هيبةخاطر وقت الي بش تطيييح بواحد كيما الي تخيلتو في مخك لاباس عليه وبش يعيشككيما تحب... بش ياخذ منك كل شي وبعد يرمييييك خاطر لفلوووس رخيصة قدام راحة البال......