🍃🌼علاش تحير فيا...🌼🍃

🌠الحلقة 24...🌠

🍃🌼🍃

#مروان_يحكي
الشعور الي نحسو بمجرًد إنو شخص يرفض كلامي يوترني.. يخلق فيا برشا تناقض وبرشا عصب.. نجم نكون هادي... راكر ومنعملش ردة فعب اما اذكا مروان الي قدام الناس وتوة فما مروان آخر ينجم يفسد الللعبة كل بخروجو.. عطيت ڨحرة للطفلة الي تصدمت وقت قلت الي انا مريتش الكاس.. وهذي مش لحقيقة.. لحقيقة انو رفض مريم لإختياري نرفزني... رجعت مريم تقيس في  les robes وأنا كانت ذاكرتي تلعب بينها وبين تسنيم.. رجعت فلاش باك....
٠٠٠
دورتها شيرة المراية وهي تتبسم فرحانة.. رفعتلها شعرها ولبستها السلسلة وهي طارت بالفرحة اما مكانتش تعرف اش ناوي نقلها.. تلفتتلي وعنقتني بالقوي.. 
تسنيم:  عندي ما نقلك.. بش نقلك حاجة تفرحك برشا... 
نحيتلها يدها من علي رقبتي وبلعت ريقي.. عرفت قبلها برشا.. اما محسيتش باختلاف.. يمكن لوحيدة الي سخفتني وقلبي وجعني عليها.. انا انسان نفقد متعتي بالطفلة وقت تكون مسطرة معايا.. نفد كي يبدا فما كل شي عندي.. خاطر هذا الي تعودت بيه. ما فما حتي ملي عرفتهم خلقت فيا جوّ وكبرت رغبتي.. كلهم كانوا نفس النوع.. كلهم قبلو بسيطرتي عليهم ورضخولي.. وتسنيم مع الاسف متفرقش عليهم...
وبعد سكاتي نطقت...
انا:  قبل لا تحكي شي نحبك تسمعني.. أنا.. أنا معادش نحب نكمل معاك.. معادش عيني فيك.. حاس روحي بديت نفد... من الأحسن نتفارقو.. 
حسيتها تصدمت فيا رغم انو نبهتها ليه النهار هذا..
تسنيم:  مروان.. اما أنا.. أنا نحبك برشا.. ياخي شنوة الي صار!  مش علي اساس انا نسمع في كلامك.. تقلي امشي يمين نمشي يمين... انا طعتك ونفذت الي تحب عليه حرف حرف.. شنية الي غلطت فيه
انا:  وشكون قلك انت غلطت تسنيم.. انا لغلطة فيا انا.. قتل من قبل راو ما عنا وين نوصلو... ستمتعنا شوي ووفا يزي...
تسنيم:  مروان.. عيشششك متخلينيش.. ياخي هذا كل علاش... نعرف..( جبدتني وحاوطت وجهي بيديها تبكي) 
نعرف الي انت تخاف عليا رغم كل شي.. نعرف الي انت متحبش فيا حتي من روحك.. فبالي بكل شي.. فبالي علاش تتصرف معايا هكا.. وقتلك منخليكش حتي لو الطبة كل قالولي راك مريض... متخليش نفحة دقيقة  تنسيك فيا... 
انا:  تسنيم.. مش نفحة.. منعرفش طارتلي منك.. نفد افهم.. راني منحملش يكون كل شي نعمل فيه روتين.. انا اسنان نعيش علي الاثارة.. نشيخ وقت نتلاعب بالناس.. نحب نرا كا اللمعة متع الضعف في عين الانسان.. نحب نكون انا الذكي.. وانت تعرفني هاك قلتها.. كا اللمعة الي في عينيك طفات  وليت حتفظتني.. تسمع في كل شي نقولهولك.. وليت تتصرف كي الروبو.. وين المتعة في هذا كل؟؟  نحب نحس الي معايا اقل مني وقت نعديها عليه.. وانت معادش هكا.. انا وليت تعرفني.. دنك متعقدهاش... اخرج من حياتي ومتخافش.. دار هذي ليك انت.. وبش تقعد ليك انت.. واي شي يصير معاك.. تعرف وين تلقاني..
اما معرفتش وقتها انو تسنيم بس تعاود تكلمني بعد شهر وتطلب مني طلب عمرو ما خطر علي بالي..
٠٠٠
فقت من سرحتي علي صوت الطالون.. رغم انها لبست شي مش من اختياري اما جذبتني.. عجبني ذوقها وتحفظها... هذا هو الي نحبو.. هذا الشي الي نتمتع بيه.. مريم عكس تسنيم صح.. مريم متسمعش الكلام وعنايدية.. مريم تخلق فيا رغبة اكبر من تسنيم انو نسيطؤ عليها.. نعشق الحاجات المستحيلة..ومريم بالنسبة ليا تحدي.. التحدي متاعي انو براسها الكاسح  وعنادها نمشيها علي كيفي ونقريها كيفاش تكون خاضعة ليا...
وقفت منبهر بزينها..   وعملت حركة بيدي معناها واوو
مريم:  حشمتني... هااا شقولك!  ( عملت حركة ودارت بكلها) 
انا:  تهبل.. منعرفش الليلة كيفاش انت والڨمرة بش تبانو نفس الوقت..  
ضحكا وخبات عينيها مني.. تمنيت نرفعلها راسها ونقلها اغزرلي.. نحب نرا روحي في عينيها.. نرا قداشني مأثر فيها خاطر احساسي بالشي اذكا يخليني نطير لفووووق...
غيرت دبشها وخرجت.. وصلتها حد لحومة وهبطتها لقدام شوي من دارهم وهي هابطة سألتني
مريم:  مروان يتخي علاش كبشت في سي ظافر بش يرجعني للشركة... انت متعرفنيش.. متعرف عليا شي بش تعاوني! 
تسال برشا واسئلتها توترني.. منحبش شكون يسالني.. منحبش شكون يبدا يشكك فيا...  تحكمت في اعصابي وبعد دخلت يدي وجبدت دوسي فيه صورتها..  وال cv متاعها...
مريم:  قريت دوسي متاعي!  الدوسي هذا موجود في بيرو الشغل!!  وقتاش فركست عليه اصلا
انا:  من اول مرة شفتك فيها.. قصدي وقت ضربتك بالكرهبة..
حسيتها تصدمت ونترتو..
مريم:  محبيتش نرجع للخدمة بمزية اي حد.. انا قريت وتعبت وكدحت بش وصلت للمنصب اذكا.. محبيتكش تتدخل.. ومفباليش الي انت قاريني ودارسني هكا.. سانحني سي مروان اما كينك فضولي برشا ودخل روحك في حياتي برشا وانا الشي هذا ميعجبنيش.. ميروقليش انو حد يتمزااا عليا... علي الاقل شاورني مش تقرا دوسياتي وتفكرس في تفاصيلي...  وتوة سامحني لازمني نهبط...
فتحت الباب باش تهبط وانا شديتها من يدها... حاولت قد ما نقدر نكون هادي ونجحت.. 
انا:  اخر مرة.. نوعدك معادش نتصرف هكا.. مشيش تبطل متجيش للعشاء الليلة.. خليني نعوض علي غلطتي... 
تبسمتلي براحة وفرحت..
مريم:  باهي سي مروان.. خنمشي توة.... 
هي هبطا وتسنيم طلبتني طول.. تقول قراتلي افكاري..
تسنيم:  مرواان نحب نراك  تووو تووو لازمنا نحكيو.... 
مريم الجمني
لمحتها واقفة.. حاطة يديها في جيوبها وتغزر للطفل الصغير الي قاعد يلعب في الجنينة ومعاه بقية الصغار.. تبسمت وتفكرت قبل كيفاش كنا.. قدمت ناحيتها ووقفت بحذاها ودوب لا حست بيا نطقت..
تسنيم:   ما نعرفش علاش وين تضيق بيا الدنيا تجيك.. نحسك بش تلقالي حل لكل مشاكلي ديما...
قالت ككا وتلفتتلي.. مخفاش عليا دمعتها الحابسة في عينيها.. فهمت منها انها مش فرحانة.. مش مرتاحة في حياتها الحالية..
قعدت علي الكرسي وخذيت بقعتي بحذاها..
دخلت يدي في جيب الكبوط.. محسيت كان بصوابعها كبشووا في صوابعي وسط  الجيب.. قربت مني وحطت راسها علي كتفي... تنهدت من عروش قلبها وكبشت في يدي أكثر تحكي..
انا: تفددني كي تقعد ساكت هكا!!  حتي في مواقف كيما هذي تحسسني انك معندكش قلب.. ياخي مكش خايف يكشفوها ويعرفو اش عملنا فيهم.. لا أركان بش يعذرني ولا مريم بش تحبك وتكون معاك من اصلو.. بلي عملنا وبلي خططنا.. محسيتش إنو حبهم قوي لدرجة لا انا لا إنت نجمنا نفرقوهم كيما عملنا قبل....
تبسمت.. فكرتني بتسنيم القديمة الخوافة.. كنت نعشق خوفها ونشيخ عليه وتوة فكرتني بيه.. 
انا:  ملقيت منقلك.. انا منيش خايف.. يمكن متعملتش نخاف.. الفرق بيني وبينك انو صبرت ستة سنين بش شفت مريم.. انت في شهر حبيت تعرس بيه...
جبدت روحها مني وغزرت في عينيا... شفايفها ترعش من كثر ماهي شادة   بكيتها...
تسنيم:  تعرف الي لكلو منك.. انت حيرتي.. انت زادة وجعتني كيما وجعتني أمي.. هربتلك بجروحي.. هربتلك بقلة خبرتي في دميا.. تتفكر مروان.. في شوارع ميلانو تلاقينا.. مشي فبالي صدفة..( قالتها وضحكت)   ياخي طلعت مفبرك كل شي.. اما حسيت كل شي عشناه محلاه.. كنت حاجة محلاها.. خيال زارني مرة وعشش في وسطي.. بعمري ما شفت راجل كيفك بخلاف اركان.. طريقة معاملتك ليا عجبتني.. انت عيشتني حاجات حلوة.. سلمت في عايلتي وفي تونس وبقيت سنين في ايطاليا معاك.. عملت عامل صغير ونسيت حتي روحي وسطك.. ياخي هذا كل كذبة مروان
كلامها مسني بالبرشا.. تسنيم مكانتش كيفهم جملة.. لبنات لخرين كنت نوفي حكايتي معاهم من غير احساس ولا ندم.. اما تسنيم كانت علاقتنا مقدسة وبعمري لا ندمت الي عرفتها...
انا:  مهوش كذبة.. الي عشناه محلاه.. اما تعرفني نفاح؟   مش قتلك ملول!  .. شنعمل لروحي.. مريض.. اي مريض ومستعرف... ومرضي وماشي يكبر.. يمكن انت لوحيدة الي ندمت الي ضريتها.. مكناش ناقصتني اصلا.. كنت ديجا مليعة من امك وهاربة منها.. ياخي ربي حطك قدام واحد مريض نفسي وبهذل بيك...
مريم الجمني
"" "
حسيتها مكنتها لعبرة وشوي وجا طفل صغرون يهبل يشبهلها برشا.. قرب منها وعنقها وهي طول مسحت دموعها وولات تبوس... مدتلو يشرب ورجع يلعب..
انا:  ولدك؟ 
غزرتلي ورجعت تشوف فيه... 
تسنيم:  اي ولدي.. حتي هو معندوش زهر في العايلة.. أم الي تعديه تبكي جرة بوه اكثر ملي تعديه معاه.. وبو مش حاسبة اصلا... 
مروان:  تقول مش ولدو!  ( قلتها وأنا نقرا في عينيها الي تربثوا..) 
تسنيم:  مروان.. انا حبيت نحكي معاك في موضوع..  أنا عملت حاجة.. غلطة.. تنجم تقول زلة.. عملتها في قالب غلطة..  حاسة روحي بش نطيح سيا.. اذا اركان يعرف كل شي بش يخليني صدقني...
انا:  شعملت!! 
سكتت شوي وحكاتلي كل شي وانا مصدوم فيها.. انفعلت وكشبرت  في وجها...
انا:  هبلت تسنيم!!  نورمال تعمل هكا؟؟  لو كلمتني وقتلي راني لقيتلك حل آخر... 
تسنيم:  متهبلنيش... لو الإسم اذكا تجبد.. كل شي عملناه في اركان  حكاية بوه بش يتكشف.. وقتها اركان معادش يبقي معايا دقيقة....
نطقت بلا منحس وقمت مخنوق
انا:  اركاااان... اركااان ياخي شكون مريض انا والا
انت؟؟؟  لهدرجة تحبو!!  بديت نشك اصلا؟  انت مستحيل تكون حبيتو؟؟.  انت مهوووسة بطريقة حبو لمريم... تتفكر اش قتلي وقت قابلتو اول مرة.. قتلي اول مرة نرا راجل يحب صاحبتو ككا.. قتلي كيفاش ينجم عبد عبد اخر ككا
. قتلي يا ريت نلقي شكون يحبني كيفو!!  انت حبيت طريقتو في الحب وبس.. انت تمنيت تكون في بقعة مريم... أركان مهوش من نوعك.. كان نسالك اش يحب واش يكره متعرفش... انت محبيتش اركان.. انت حبيت حبو لمريم.. مشي فبالك هو بش يحبك ككا.. قلت واخيرا دنيا ضحكتلي.. تتفكر روحك كي هبلت وتجنيت وانت تحاول.. نبهتك وفسرتلك انو مستحيل بش يحبك
قامت وغزرتلي في عينيا وكسرتلي شوكتي وقت تبسمت فهمتها اش بش تقول
تسنيم:  كان انا مهووسة.. انت مريض... انا  طلبت منك تجيبلي اركان للثنية وتعاوني وانت قبلت... انا وياك شركاء فلي عملناه.. تتفكر كي حيرنا حكاية بوه الميت؟  راجل ميت رديناه قمااارجي.. تتفكر اش عملنا!  انا لتووو نتفكر.. انا نعمل اي شي علي خاطر اركان...
انا:  تستعرف انو اركان معاك تحت التهديد!!  كان مجاش خاف علي عايلتو وعلي مريم راو مش معاك.. كان مجاش خايف عليهم راو ميقعدش معاك... 
تسنيم:  وانت علي اساس برئ!!  ابعثتك لتونس بش تعرف حومتو وناسو بش نلقاو نقطة ضعف.. شفت مريم وضبعت في راسك...  انا وياك تو واحلين في نفس الدوامة... كان غرقت تغرق معايا وكان منعت تمنع معايا...
شدتلي يدي وهزت عينيها في عينيا...هبطت منهم دمعة... 
انا:  تحبني نكمل نغرق معاك؟  ياخي عديتك؟  وليت تمشي فيا علي كيفك!!!  تعرف الي انت لوحيدة الي مرضي ولي عكسي معاها... وليت انا هو الي نسمع في كلامك...
تبسمت وعرفتني قبلت.. قربت مني وعنقتني...
تسنيم:  متخليهاش بيا مروان... مريم هزها وبعدها علينا.. عرس بيها  واخرجوا من تونس.. وانا توة نفض لحكاية الي بققات معلقة.. ديجا خليت شكون يعس عليها في الميناء.. 
تبسمت وبعدت خصلة شعرها علي وجها.. قربت من خدها وبستها بوسة خفيفة وشوشوت في وذنيها
انا:   تهني مش مطولة لحكاية...
بعدت عليا ونادات غالي.. هو قرب وتبسملي.. مديت يدي وبعثرتلو شعرووو وهزيت منو خصلة بلا متحس... 
جات بش تدور وتمشي... 
انا:  تسنيم.. تعرف لو مجيتش مريض.. انا وياك كنا نجمو نكونوا كوبل ناجح.. كنت نجم نحبك كيما حبّ أركان مريم وأكثر... انت انسانة باهية برشا وتتحب..
عينيها دمعا ومسحتهم...
تسنيم:وانت لوحيدة الي قتلي انو نتحب..
مريم الجمني

✴✴✴✴

مصدومة بجد ومش بنطق ولا عارفه أرد؟؟ ها يا شعب الحيرة شبيكم رقدتو ؟؟ حيرتنا معادش تعجب والا كيفاااه ..ابكي في صمت زح ..عملت طلة ياخي فشلتوني هكا ..وينكم وين حبكم ووين تعليقاتكم المزيانة كيفكم ..ايا طلعولي دوزة التفاعل بش منبخلش عليكم 😞