🍃🌼علاش تحير فيا...🌼🍃

🌠الحلقة الاخيرة...🌠

🍃🌼🍃

دخلت لوسط الدار.. وقررت نخرج نقضي فمّاش ما نبدّل الجوّ شوي..
أصلا الحال صار صيف ووقيّت محواسة صغيرة.. لحقّ أنا والصيف موش صحاب برشا.. أنا عشّاقة في البرد والمطر.. خاصة المطر.. الصيف نحسّو حصرة وخنقة السخانة تفددني وميبرد عليا كان البحر..
بدلت دبشي.. لبست روبة كلها ورد وحطيت علي راسي سورتيت حمراء كي تقريطة..
غزرت لروحي في المراية وكي العادة كلّ شي فيّا يبكي إلا عينيا.. حسّيت هاك اللمعة إلي كانت فيهم طفات وولّيت كيما أوراق الخريف إلّي يبسوا وطاحوا وتعرّات الأشجار وقتلها اابرد... حتّي أنا قتلني البرد... برد الحبّ.. وبرد الوحش.. يمكن لو تبكي عينيا.. يتسقي قلبي بشوي راحة ونتروى.. أما حتي دموعي متوحشًتو لدرجة موش قابلة تهبط إلا بحضورو.. جبدت نفس سترجعت بيه قوّتي وخرجت..
طلعت علي البسكلات وسرحت في الثنية... البلاصة إلي نسكن فيها كلّها خضار.. . جناين وورود وريحة الياسمين... بلاصة تخليك تحسّ إنك في جنة.. أما نبقي نحنّ للحومة... قرار خذيتو فس لحظة وعرفت إنو بخروجي من غادي بش نتحرر وننسى أما لحكاية مش مربوطة بمكان.. الحكاية كل مربوطة بالقلب... قلبي منساش وموش ناوي ينسي..
وقفت عند الخضّار... شاكر.. وليت صحاب أنا وياه ملي وليت نسكن هوني... ساعات نتمشّاو مع بعضنا علي البحر.. حكيتلو علي أركان.. وحكايتي معاه.. وحسيتو لدرجة ما فهمني ووصلو إحساسي..كي شافني نفض يديه وخرجلي لبرة.. تبسملي يحكي
شاكر: زارتنا البركة.. مرحبا مريومة آش تستحق قلي؟
- لمرة هذي جيت للغلّة.. نحب نشري تفاح.. منعرفش كا الأحمر إلي يشبه للون الدمّ
- يا عيني... هالطفلة فنانة نحسك كي تحكي علي أي حاجة تردها كيما تصويرة رسمها فنان
ضحكت وقربت خطوة لداخل نرمي في عينيا علس التفاح ونتشهي فيه.. هزّ منهم وحدة وجاب دبوزة ناء وغسلها ومدهالي يحكي
- تفضل يا ليلا. عينيك ولاو قلوب... يا ريت تغزر لمولا التفاح كيما تغزر للتفاح
رمشت عينيا نستوعب في كلامو.. طبست راسي حاشمة وهو جبدني بشوي.. دخلني لداخل.. غزرلي مربوث حسيتو يلم في طرف لكلام بالروخ
- بصراحة مريم نحب نحكي معاك في موضوع وحاشم ( حك راسو من تالي وقرب مني وكمل يحكي) من أول مرة شفتك عجبتني برشا.. حبيتك تزيد تتعرف عليا أكثر وزيد خفت لا تكون مزلت تخمم في أركان.. حبيت نعطيك الوقت بش تنساه ونحكي معاك.. إنت وتعجبني مريم وكان تبادلني نفس الشعور انا وقتها ندخل من الباب الكبير ووقت يرجع عم الهادي نحكي معاه
غزرتلو وتبسمت... ما عرفتش آش نقلو.. حبيت نجاوبوا من غير منحرجوا اما هو فهم عليا بلاش جواب وثلس
- واضح.. ضاهر فيك لتوة تستني فيه.. شالق بيك راني ديما تاقف علي الشط.. حسب ما حكيتلي عليه ضاهر فيه لتوة تحبو
- صدقني ما نعرفش شمعناها حبّ بلاش بيه... الدنيا قسات علينا برشا وودتنا بحيرة لتوة لا وفات.. أما البحر ديما يرد فيا الروح ويفكرني بقصتنا نولي نصبر ونستني
- ربي يجمعكم مريومة.. تعرفني نتمنالك الخير حتي لو انت عجبتني
ضحكت وكملت خذيت شوي تفاح ودرت علي تواليا ماشية في طريق ونخمم.. أنا منجّمش نحبّ غيرو وقت الي هو شطري... منجمش نكون كاملة مع غيرو وإلا حتي بلاش بيه.. هو بذات يكملني.. يعرف تفاصيلي وحافضهم.. موالف حتي عيوبي وزلّاتي.. ونقوووول هكا موش علي خاطر منسوى شوي بلا بيه.. لحكاية وما فيعا الي انا نعشششق الدنيا كان معاه.. وما نتطعم حلاوتها ومرّها كان معاه
دخلت للدّار نلقى التلفونات كلات بعضها من شيرة رحيل.. طلبتها وهزت عليا وحلت الكام.. بقات تحكي معايا يجي ساعة.. تورّي فيا في تركيا والجوّ إلي عايشتو... فرحتلها برشا هي وخيام.. وفرحت برشا للحبّ الي عايشينو... أما غافلتني رحيل بسؤال بهتني شوي
- موصلك شي علي أركان؟؟
- لا منين بش يوصلني رحيل
- يعني لتوة لا جا.. بطى برشا زح.. خياك اركان لتوة لا جا؟؟
حسيتو ڨحرلها وهي تبسمتلي تبسيمة صفراء
- مفهمتكش ياخي تعرفو شي انت وخيام؟
- مريومتي لازمني نعلق عزيزتي تشاوو
علقت عليا وأنا بقيت مبهمة... قمت طييت حاجة ناكلها وغطست نطيب في gateau.. وأنا ككا سمعت حسّ تڨربيع لبرّة .. في العادة لحيّ هوني هادي ومفيهوش حسّ.. بعدت الريدو متع الشباك بنترة ونحكي
- شكون لمتخلف هذا الي يعمل في الحسّ هذا كلّ
طليت بشوي نرا في كميونة كبيرة واقفة قدام الدار الي مقابلتني وبحكم هي كبيرة غطات كل شي.. حسّ تڨربيع الدبش والأثاث وترلي أعصابي ومهمشني.. رجعت وخدمت الراديو.. وبزهري الحلو جات غناية نعشقها برشا تبربشني من داخل وتمسّني وتفكرني ببنة الحب وإحساسو بصوت "فايا يونان" الي يقشعر لبدن ويمسّ الروح وسرحت مع الكلمات نتبنن
أما قصّ عليا شيختي صوت الشينيول وحسّ التزمير ونباح الكلب ومعاهم جوجمة الرجال الي تغلي.. نحيت الطبلية متع لكوجينة ونترتها فوق الرخامة... قصيت علي الغاز وخرجت نجري.. عرضتني جارتي.. مرا كبيرة شوي سألتها طول
- زينوبة قلي شكون لماااسط هذا الي من اول دقيقة دخل بدا بالخش مامي نعرفك عاد ميفوتك شي قلي شكونو( غمزتها وهي تبسمتلي وحركت كا شفايف وسيبت الي عندها كل)
- راجل حليلتو.. سألت ونسنست والي خرجت بيه إلي هو عازب ووحداني وبظا ينقّل في دبشو ليوم.. أما لدار كاريها ليه ثلاثة شهور لليوم
- مسسسستفز علاش الحسّ هذا كلّ( وأنا مزلت نغلي ككا ويجي الكلب متاعو لعند جنينتي وصار يحفر فيها وانا وقتها ركبني لعصب علخر)
شديت الكلب من سلسلتو وهدّيت علي دار جاري الجديد..."
نرا في كمشة رجال يجي أربعة هازين فرش داخلين بيه شعرة لا طيحوني تقول ما شافونيش أصلا ومن بين الرجال كلّ شدّلي إنتباهي إلي لابس مريول نصّ أبيض وعاطيني بالضهر.. حسّيت بدقة قوية في قلبي وتلّفتها
شعور غريب حسيتو ومع هذا قمعتو
- يا سيّد الكلب متاعك أحتلني وفسدلي جنينتي راو .. شد عليا كلبك وزيد تعمل مززززززية نقل دبششششك في سكااات
أنا نحكي معاه وهو حاقرني.. يا دوب حطيت يدي علي كتفو ودورتو.. مننكرش شعور اللمسة علي كتفو الي لتوة نعقلووووو ولا نكذب عينيا الي راتوو. رخفت يدي من سلسلة الكلب ومعاه تسيب من يدي وجرالو طبس يلعب معاه وانا تقول مشافنيش.. حسيت بدني كل بفبري وقلبي شينط من بقعتو.. لمشاعر كل تخلطت عليا وصوت دقات قلبي وصل لوذنيا... بلعت ريقي ورمشت عينيا برشا مرات نحاول نستوعب انو الي نرا فيه توة حقيقة .. هزيت يدي وقرصت روحث وتوجعت.. شدتني الضحكة وبعد الضحكة هامي طرشقت بالبكاءء وهو وقتها حسيتو لاحظني ةالي مبهتني انو يتصرف كينو ميعقلنيش نسيت كل شي وترميا في حضنو وصحت باسمو من جواجيا خارج
- أركاااااااااأاان( جبدت نفس بريحتو وانا حاشية راسي في رقبتو معنقتو بكل جهدي.. غارسة صوابعي في ضهروووو خايفة لا يطلع خيال والا حلمة ولا ختي يهرب مني من جديد)
اما صدمني برودو ويديه الي بقات معلقة في الهواء... بعدت عليه شوي نشفط في دمعاتي ونغزرلو وسخطني بسؤال رهوجني
- ياخي منين عرفت إسمي!؟؟
حسيت ساقيا رزنوا هلي هاك لكلمة.. تمنيت لحظتها الأؤض تنشقّ وتبلعني..
ياخي نساني وإلا صارلو شي خلاه يفقد ذاكرتو
بلعت ريقي مربوثة وبققت عينيا فيه نحكي
- ياخي هبلت؟؟ وإلا ضربوك بحجرة علي راسك.. أركان.. أنا مريم...
تبسم بتبهليا ومد يدو ناحيتي يحكي
- عسلامة مريم تشرفت بمعرفتك
ضربت بساقي علي الأرض نغزل وفحت فيه نحكي بصوت خارج بالعبرة والبكاء
- كانك تفدددددلك راو تفدلييييييييك مااااسط... أركان ياخي نسيتني بجدك تحكي؟؟؟؟ ياخي كاميرا كاشي هذي؟؟ والا فيلم هندااااوي البطل يفقد ذاكرتو وينسي البطلة وهي تقعد تعاني بش تخليه يتفكر ( جبدتو من يدو وحطيتهت علي قلبي الي يدق بقوة نستني فيه باش يتكلم)
- تنججججم تنساني اما متنجمش تنسى قلبي أركام ( هزيت يدي لوخرا وحطيتها علي خدو وهو مبهم فيا) نسيت دقة قلبك أركان؟
قلت هالجملة كينها طالعة من روحي وتسلت من وسط قلبي خارجة من بين شفايفي بنبرة حزينة... سكت سكت وبعد السكات نطق
- آش تاكل ضوء يا طفلة.. ضاهر فيا بش نعاني برشا معاك.. آش نعمل لعمري لازمني نتحملك ( للحظة حسيت الروح رجعت فيا وضوا قدامي أمل إنو هو يفدلك عليا أما هالنشوة دامت ثواني وفيقني كي كمل كلامو)
- بحكم الي احنا بش نوليو جيران ونراك بريسك كل يوم هوكا إنت تحمل الحسّ والجوجمو و"بيدرو"كلبي وانا توة نتحمل هبالك وثرثرتك خاطر ضاهر فيك تحكي برشا
نزلت يدي مكسورة لخاطر وترخفت بكلي..
- شبيك لاباس!! مقتليش راو منين تعرف أسمي؟
مكنتني العبرة وبلعت ريقي نتغصص
- شي يمكن شبهت عليك.. لازمني نمشي ومرحبا بيك في الحيّ
حكّ لحيتو وانا تسوهمت فيه.. لحركة هذي يعملها ديما... يعني كل شي فيه نفسو متغيرش أما أنا نساني.. انا حبوووووو لووووول الكبيرررررر والأخير نسااااني... بش نهبل... كان نلقي نلفوووو بكف نطيرلوووو بيه خليقتو
- الحي ديجا منور بيك مريومة
طلّيت شوي براسي لوسط الدار نثبت.. خفت لا يطلع حتي هالمرة عرّس وقتها عاد نطيح نتصكك ونتف شعري مالغلبةوأنا مادة راسي هككت يقرب مني... ريحتو توغلت في خشمي وقربو خلي بدني كل يفبري مالوحش ليه.. رمشت عينيا لين ذبلوا وهو حرك شفايفو قريبلي يحكي
- مضيعة حاجة في داري؟؟
اتبسمت من غير ما نشعر نحكي
- ضيعتك إنت وتوو نلوج عليك
هز حاجبو وتبسم كا تبسيمة الي تقولش عليا اول مرة نشوفها
اركان- ياخي تبزنس فيا؟
بلعت ريقي وجبدت روحب منو.. بدني كل فوّر وركبتني ااسخانة
- لا ووووه علاش نبزنس فيك.. جاري لعزيز نقص مالحس هوني حي هادي برشااا ومتحبوش الجوجمة.. وكلبك شدووووو علياااابقى مبهم فيا و انا عطيت علا ساقيا نجري.. دوب لا خلطت للدار سكرت الباب بقوة نقاوم في دقات قلبي القوية.. حسيت العرق لبني من كثر التوتر... صدري يتهز و يتقام.. موش هذا اللقاء الي كنت نتخيل فيه ليل و نهار موش هذا الي كنت نحلم بيه في اليقظة والمنام !
مشيت نجري للشباك نثبت اذا الي شفتو تو اركان ولا لا و بلفعععععل هذا هو اركان .... شبيه يتصرف كينو ميعرفنييييش .... شبيه نساني!!! زعما صارتلو حاجة خلاتو يفقد ذاكرة لالا مووووش لهدرجة يعني موش صدفة ايجي يسكن و مقاااااابلني... حسيت راسي بش يطرشق من تخمام ... مشيت نجري طلبت رحيل اما السخطة مهزتش عليا بش نسالها .. بقيت ندور في دار كي مجنونة...وشي موصلتش الإجابة لسؤالي ..تعشيت بسيف و حضرت لل gâteau .. هبط الليل
وهبطت معاه حيرتي .. اش بش نعمل توة !!! كيفاش بش نعرف اذا هووووو صار معاه شي خلاه ينساني و باهي كان نسااااني زعما كيفاه نفكرو بيا .. هبلت و جنيت و دخت في أمر اركان .. نعمبووووو عمري وقتاش دنيا تزهالي ..دخلت نجري لبيتي وبدلت دبشي... لبست روبة بيضة عرية صيافي ... يديها مزينين بقربيطة و حليت شعري بووووكليتو ... قصيت طرف مالڨاطو وخرجت شادتو في طبق ... دوب ضربتني النسمة تنعوشت و تنفست ... إهدا مريم متتنرفزززززش روحوك كل شي توة يبان وتضهر الحقيقة و توفى حيرتك.. موش بش تسلم هالمرة وبرا كان نساااااااك انت فكرووووو..
دقيت علا الباب هو تقول يستنى حل طول ..عينيا ولاو قلوووب وقت شفتو لابس شورط و من فوق عريان .. تفكرت ايامات زمان كي كان يتشمت بحالي ويقعد هك قدامي بش يمهمشني ..
رمشث عينا وهو ركز يديه علا باب يحكي
أركان: زارتنى البركة ... مرحبا بجارتي الثرثارة
انا:منيش ثرثارة سي أركان طيبت قاطو حبيت نودك بشوية منو موش بشكلاطة نعرفك متحبهاش
أركان: تعرفني'!!! اخي عرافة ولا مشعوذة انت (قرب مني و حسيتو متعمد اصلا ... يحكي ويقرب لدرجة لصق فيا و كل مايحرك شفايفو يضربني وهج سخانة في رقبتي ) منين تعرفني انت !
انا: موش مهم .. قلي اخي وين كنت انت
جبد لباب ة سكرو و خرج لبرة... خطف مورصو قاطو وكلاه و يتبنن علق شوليقة في طرف شورط متاعو وسبقني بخطوة ناحية موطوووور كبير مقاريه قدام لباب ..
تبعتو نمشي و ندهشر..عينيا حوالو علا ضهرو المنحووووت
أركان: كنت في اطاليا.. عندك سؤال اخر
وقفت قدامو هو شاد ترنفيسات و متريال يصلح في حاجة في الموتور
انا :و قبل لا تمشي الإطالي وين كنت ...شنوا كنت تعمل في حياتك ..عندك شكون!!حبيت قبل !!! تفكرشي لمرااا الي حبيتها و عششششقتها عشششششق افلاطوووني (قرب مني و حط يدو علا شفايفي و سكتني)
أركان: ياسر تحكي رااااااك .. اسكت شويا (رخف يدوا وانا بقيت مسسسسسوهمة .. طبس علا الموتور يبربش فيه فيه كمل يحكي ) علاش تبربش علا ماضيا .. الماضي موش مهم ..الفايدة في الحاضر مريومة .. لازم انسان يستغل حاضرو و مستقبلو.. شنوا فايدة كي نخممو في الماضي ... وماتابعو ... تضيع وقت زايد
حسيت روحي صرت نفبري من كلاموا وجنتي رغبة انوا ندافع على ماضيا الي ضاهر هو نساه..
انا: موووش صحيح .. الماضي مهم .. هو أسااااس .. اي حكاية ..هو منبع كل الإحساااااس .. صحيح ملازمنااش ناقفو في لماضي ..و نحبسو غادي ..اما لازم ناخذو بااعتبااار ماضينااااا
وقف جا مقابلني قد قد .. تبسملي ..وانا رديت للنفس من كثر محكيت .. عينيا بقات معلقة بعينيه .. طرف امل مزلت معلقة بيه انو هو متفكرني غيرش يفدلك ..
أركان: هيا نعملو دوووورة بالموتور
رفعت حاجبي و تبسمت بهتة
انا : اي علااااش لا ( وفي داخلي قلت هذي فرصتي بش هو يتفكر كيفاش كنا قبل ندورو بالموتور عقابات اليل ..والنسمة تؤنس فينا )
أركان: ندخل نجيب مريول ونجي ستناني هوني
هو دخل وانا بقيت نعض في شفايفي مالتخمام .. لين خرج موهر بهاك المريول الابيض و الشورط الدجين .. تبسملي وهز عينيه فيا .. مزيان السخطة لتوووووة باقي يأثر فيا ..وكي تعدى ضربلي خشششمي كيما يعمل قبل و مدلي كاسك و قلي..
اطلللععع هيا(مدلي كاسك و طلع ... لبستها وطلعت وراه )كبشت بيديا في كرشو .. غرست صوابعي في لحمو متعمدا وقلت بلكشي يتفكر ويحن.. بلكشي يسترجع شويا ملي عشناه.. بلكشي يتفكر قداش طلعت وراه هكا .. قداه سرقنا الوقت بش نعيشو حبنا .. حطيت راسي علا ضهرو و تعمدت نتنفس في رقبتو ... وعيني علا مراية الموتور .. نرا فيه كي رمش عينيه نعرفها هاك الغزرة مليح..نعرفو كي يتاثر بلمستي يصير فيه هكا تبسمت بشوي و حركت صوابعي بفيانة من كرشو لضهرو وهو رمش عينيه مرة اخرا.. تبسمت هو حبس الموتور قدام لبحر .. عينيا لمعت و هبط هو قبلي