من شيرة كانت مطبقة علي روحها في التركينة تبكي وتشهق.. عالمها كل تهد وكيفاش ميتهدش وقت الي الحبل الوحيد الي رابطة بيه رقبة أركان تقطع ومش مصدقة كيفاااش سمع بالحكاية.. مش مصدقة الي أركان سيا كشفها... قرب منها يلهث مالغش.. حاس روحو علي آخرو.. مش متحمل فكرة انها عداتها عليه... هز صبعو ينبه فيها وهي وخرت للحيط لصقت فيه خايفة منو أركان: كل شي نجم نعديه الا الكذب.. صبرت علي مرجك صبرت علي ربطانك ليا... تحملت عرسنا وتحملت نبعد علي عايلتي وعلي بلادي وعلي لمرااا الي حبييييييييتها وانت طلعت تكذب عليا..... قتلي ولدك... حطيتو في حضني وقتلي ولدك... اما انا قلبي كان حاسسسني.. بعمري لا نجمت نقرب منو... بعمري لا نجمت نحبوووو اما طفيت الضوء وقلت بالك مني.... انت غدرتني... والله أعلم شنية عملت آخر وشنية الكذبات الي كذبتهم... قلي زعمت رقدت معاك برسمي والا تكذذذذذذذب في هذي برسسسسسمي ( حط يديه علي راسو بش يتجن ويضرب في يديه وهي ترعبت... مدت يديها بش تمسو وهو نترها يصيح) اركان- متمسنيشششششش انت وحدة مسسسسسخة... شكون بووووه انطططططق شكون بوه... تسنيم: منعرفششش منعرفشششش ضرب الحيييط وراها وهي خبات وجها مشي فبالها بش يضربها.. اركان: تهني منيشششش ط٠٠ بش نضربك انا بعمري ما مسيييييتك حتي وانت مرتي حلالي وحتي المرة الوحيدة الي مسيتك فيها بديت نششششك انو صارت.... عطاها بضهرووو خارج وهي خلطت وراه ترشششف في دموعها تسنيم: أركان وين ماااااشي أركان: لجهنننننم اش يهمك فيا.... معادش طايق نقعد هوني ومعادش راجع زادة وبش توووصلك ورقة الطلاق زادة.... حست بقلبها بش يتنطر من مكانو... شدت روحها برشااا لين طرشقت.. تسنيم: ماشي لمريم مش هكا... براا براااا وشوف بعينيك شريفة بنت الفاضل متاعك وين ( تلفت وهز حاجبو فيها وهي كملت تحكي) تسنيم: ماو أنا مسسسخة عاد.... برا شوووفها هي في انا خمج غارقة... من غير ميشعر دزها لصقها علي الباب لييييين وجعها اركان: تزيد كلمة اخرا علي مرررريم فمك نكسرهوووولك سمعتنييييي... مريم اشرف منك وانظف منك يا ٠٠٠٠ بلعت السكينة بدمها ونفخت علي شعرها بهت برشااا في برودها ودزتو بشوي.. نفضت دبشها وستوات روحها وعلي شفايفها تبسيييمة نصر اركان: ننصحك برا عدي علي روحك خاطرك مريضضضة جا بش يمشي وهي طيشششتلو لكلمة الي فجرتوو... تسنيم: مريووومتك الي مفماش ما اطيب منها وأنظف منها والي تحبها وتعشقها... توة في اوتيل مع مروان وغاطسين في حبك درباني.... برااا عوم بحررررررك تو.....
مريم الجمني""
أركان يحكي.. حرقتها الثنية وأنا نسوق.. سيناريوات كل جات لبالي... ياخي نااااوية تهبلني مررررريم ناوية تخرجني من مخي... هالطفلة مهياش عااادية... كيفاااش تمشي مع مروات لاوتيل؟؟؟ علااااش مبكري كي طلبتها متهزش علياااا وهي طلعت مع سي الشباااااااب وقت الي نقووول كل شي تصلح تزيييد تخرببها.. ترجييييتها عملتهم كل.... كرهت رووووحي وانا نحب فيها... هذاااا عقااابي اما راووووو ياااسر ياااسر عليا هكا.. كل شي نقبلوووو.. نقبل انها متكووونش ليا اما متكووونش لغيري زادة... شديت فران قدام الاوتيل.. حبست شوي وجبدت نفس.. من شوي عرفت الي الطفل الي حسبتوو ولدي طلع مش ولددددي وتووو شنووو بش نشووووف اكثر.. لا مريم عيشششك. متشوينيششش هكا لا.. دزيت الباب دخلت... وعلي دخلتي شفتو ييشطح معاها... عينيا حمارت بالوقت.. كبست قبضة يدي واقف نششششوف فيهم... حاط كسرتو علي خصرها لازها ليه ومريم شادتو من كتفووو وحاط راسها عليه.. لعينين كل علييييهم تقوووول درا وين عايشين... حسيت روووحي ترهوجت في بقعتي...شوي ورجعو لبلايصهم.. منيش بش نفسسسدلها ليلتها... منيش بش نخليها تتغشش وهي فرحانة بتكرييييمها ليلة... مشيت للرسبسيون.. هبلت وسيبت هبالي عليييهم لين عطاوني مفتاح بيت مريم بطبيعة مشيت فلوووس تحت الطاولة... بقيت نستتي فيها نمشي ونجي... مستحيل يدخلووو من هالباب مع بعضضضهم وقتها نهبل ونتجن... سمعت صوت ضحكهم وصلني.. نقبلي وذني ووجعلي قلبي... انا ديما تكشبررر في وجهي ديكا تسطكلي وترميلي في كلام يسمملي بدني... اما مع مروان تكشششخ وتضحك ااااه يا مريم اه... قربت راسي للباب نمسسسع في سي الخرية كي قلها مروان: خمم مليح في عرضي مريم.. نحكي بجدي راو منيش نفدددلك مريم: باهي اعطيني وقت نخمم ونوعدك نجاوبك في اقرب وقت... هي دورت لمفتاح في الباب بش تدخل وانا سحبتها من يدهاااا وهي جات شتصيح سكرتلها فمها بيدي...
مريم الجمني
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
✴✴✴✴
جام للحلقة حبوباتي 😘و رايكم للأحداث الي تقلبت و زاد التشويق معاها ♨️غدوة ستناوني نهبطلكم حلقة اخرى و نزيدكم اكثر اذا لقيت تفاعل❤️♥️
