🍃🌼علاش تحير فيا...🌼🍃

🌠الحلقة 46...🌠

🍃🌼🍃
     
      رحيل تحكي ..        
" الفضول القاتل "..لو كان مت وكتبوا عليا في الجريدة هكا يكون عنوان حكايتي..حكاية مأساوية لمرا  في ريعان شبابها 
رزات روحها في حياتها وقضات عليها جرة الفضول الزايد. يمكن لو خدمت رسامة وإلا حتي خدمت فوتوغراف كان أحسن ليا ببرشا ..أما الصحافة دومان خطير.دومان كلو ريسك وبرشا خبابل ممكن تضر حياة أي إنسان.. وهذي حالتي تمثّل النتيجة ..نتيجة الفضول .فضول بدي ملي تهدّت دارنا  وإنتحر بابا في وسطها ..حكاية ببدات بلقب الرياحي إلي كنت نسمع فيه يتكررّ ديما  لين زرع في قلبي كره كبير تجاه شخص ذنبو لوحيد إنو هو الراجل هذكا ..أما الحقيقة الشئ الوحيد إلي صبرني في عذابي هذا هو خيّام..لحظات القليلة إلي عشتها معاه ..لحظات في داخلي زرعت أمل إنو نخرج من هوني ونعيشها من  جديد.. وأنا سارحة ككا في خيالي نفكّر فيه ويتحلّ الباب الحديد ويزعزلي قلبي بحسّو ويدخل صالح مكتّف خيّام ووراه رجالو واحد شاد مريم ولاخر شاد أركان ..مشاعري تخلطت ..لا عرفت نفرح  وأخيرا شفتهم ولا عرفت نبكي  علي الوضع إلي تحطينا فيه ..عينيا طول غزروا لمريم إلي لوحها الراجل بنترة علي الأرض وربطها..  عينيا خرجوا من بقعتهم من وجيعتها هي تقول انا هي الي بدني تلطخ علي الأرض.. ومن شيرة أخرا كان خيّام يغلي.. يتهز وتيحطّ  مالغش ويصيح  ويسبّ.. وأركان حسيتو هادي وهدوؤو خوفني.. عينيه مرشوقة في مريم ويرعش بكلو.. عرفت لحظتها الي هو مستحيل يخرج منو صوتو وقت الي هو خايف عليها.. ما عرفتش حتي كيفاه جاو هنا وإلا حتي كيفاه لقاوني.. وبيني وبين روحي تفكرت الفيديو الي صوروا صالح ووقتها ستوعبت إنو بالأكيد بعثوا لمريم...  وقف في وسطنا راسم علي شفايفو تبسيمة تدل علي شغورو بالنشوة من عذابنا والنصر الي حققوا وقت حصرنا هوني
صالح:  من بكري وأنا موش منجم نقاااوم الشعور الي نحس فيه توة.... شاااااااااااااااااااايخ عليكم.. كي الفيران الي طاحوا في المنداااااف وتــــــــــــــــــك طحتوا بين يديا.. قاعد نتخيّل في ألف سيناريو ببش نعملوا فيكم وبشكون نبدا... زعما نبدا بيك ( قرّب من مريم وهزلها راسها بنترة وانا بلا منحسّ تهزيت وتحطيت وصحت عليه) 
انا:  نححححححي كسرتك يا مسسسسسسسسخ يا خااااامج انت رااااجل انت تحطططط في يدك علي ناااس عاااااجزة تتحرك حتي.. جرب نحي الشي الي رابطنااا بيه توووو تراااا اش يصير فيك
تنطر عليا وكمششششني من شعري وعينيا طاحا علي خيام الي بكلو حمار وسخااان ومن كثر ما تحرك بتنرفيز تقلب بيه الكرسي وانا عينيا دمعت...
صالح:  وينو لسااااااانك توة انطططططق تراه...( كمشلي وجهي بيديه وأنا عبيت فمي بالبزاق ودفلت عليه "" "حاشاكم" "
يهز يدو مالغش ويلفني بكف قوووووي وخيام صااااح
خيام:  سيبهاااااا يا مسسسسخ يا كلب... كنت جرد شاوووووش ععدنا تتمني بش تراااا النوووور وتوة وليت راجل وتمدّ في  يدم علي النساااااء هذي رجووووولية يا ط٠.. 
أشر بيديه للرجال وكل واحد شد أركان وواحد خيام وطاحوا يضربوا فيهم...
مريم هبلت وضبعت.. لا لا خرجت من عقلها وقت شافت أركان في الحالة هذي وأنا منبعدش عليها.... لخووووف الي تملكني اللحظة هذيكا وقت شفت خيام في الحالة هذيكا.. حسيت قلبي قريب يتنطر من بين ضلوعي..
في ثانية سكت الحسّ وتعداو دقايق كينهم سنين.. دقايق خوف ورهبة.. دقايق كلهم صراعات حاولوا فيها البقية إنهم يتخلصوا مالحبال الي رابطة يديهم.. تمنيت نقلهم راو زااااايد الي تعملوا فيه وإنو أنا حاولت قبلكم وشي.. هزيت راسي شفت مريم تغزرلي وعينيها مدمعين وفي لحظة نطقت وهي مطبسة راسها منهارة
مريم:  لكلووووو مني لكلووووو مني... انا طررررردتك وخلييييتك وحدك... كلووووو مني قداااااشني أنانية وقت مخممممتش فيك.. قداااااشني أنانية زح
انا:  لا مهوووووش منك يا عزيزتي لا.... نستاهل الي صاااار كل... أنا خبيت  عليك حاجة مهمة... يا ريتني مخببت عليك ولا راني مخسررررررتكش تووووة... كلووو مني انا
قطع حديثنا أركان بصوتو القووووي المغزل
أركان: مهوووووووش ذنب حتي حد... الذنب هو ذنب تسنيم
خيام:  نعمممممممم.. شمدخل اختي في الحكاية هذي)!!!!
أركان:  قوووول شنوة الي مدخلتش رووووحها فيه... مهدي.. الله يرحمووووو صالح هو الي قتلوووو وليلا أختك هي الي بعثتوووو
حليت فمي طاقين مصدووووومة وصحت..
انا:  نعمممممم!!!  هي بعثتوووو( تهزززززيت وتحطيت في الكرسي شعرة لا تقلبت.. عينيا  تعمات مالغششش وغزرت لخيام) 
انا:  وشبيك مصدوووووم اه... ملا عيلة زبالة عنددددك البووووو متحيل والاخت مجررررررمة
غزرلي غزرة شلتني.. عضيت علي لساني ودورت وجهي لمريم الي ڨحرتلي كينها تقلي محقكش حكيت هكا
اركان:  زايد الصياح والعرك توة.. حسب ما فهمت هي حبت مريم برك تجي هووووني مقراتش بحسابي ولابحساب خيااام اكيد وقت يقلها خيااام هووني توو تتتراجع علي كل شي...( سكت شوي وطبس راسووو مغزززل يحكي) 
أركان:  هذا كل يش تخبي كذبة.. الانسان يقتتتتت٠ل بش يخبي كذذذذذبة.... عيششششتني في وهم من سنين وخلاتني نتعذذذذب بشعوووور الذنب..
غزرتلو مستغربة:  فاش تحكي!  شنوة الي صااااااار!!!