(Unicode)
ပစ်ခတ်ချင်နေတဲ့ သက်တော်စောင့်တွေကို အန်ဒရီကတားလိုက်တယ်။
" အခုတရုတ်ပြည်ထဲမှာ အကယ်၍ ငါတို့ပစ်လိုက်ရင် ငါတို့ထွက်သွားလို့ ရတော့မှာမဟုတ်ဘူး "
ထိတ်လန့်တုန်လှုပ်နေပေမယ့် အန်ဒရီသည် စဥ်းစားဉာဏ်ကို ဆက်လတ်ထိန်းသိမ်းထားနိုင်ဆဲဖြစ်ပြီး ယာဥ်မောင်းနှင့်သက်တော်စောင့်တွေကို မလှုပ်ရှားဖို့ပြောကာ ကားတံခါးကိုဖွင့်ပြီး ထွက်လာခဲ့တယ်။
" ဝမ်းကွဲအကို မင်းအဆိပ်လုံးဝမမိခဲ့ဘူးလို့ ငါမမျှော်လင့်ထားခဲ့ဘူး၊ ဒီတစ်ခါတော့ ငါလက်ခံရတော့မယ် " အန်ဒရီသည် သူ့လက်ကို ဖြန့်ကားထားရင် ပုံမှန်အတိုင်းရယ်မောကာ ပြောနေသည်။
ကုယွမ်ကျိုးသည် ကားထဲမှ မထွက်ဘဲ အန်ဒရီနှင့် သူ၏အပေါင်းပါများကို ထိန်းချုပ်ရန် ချန်ဖန်းကို တိုက်ရိုက် အမိန့်ပေးလိုက်တယ်။
" ဝမ်းကွဲအကို ဒါကဥပဒေနဲ့ အုပ်ချုပ်တဲ့ လူ့အဖွဲ့အစည်းနော် မင်းငါ့ကို ဖမ်းတာကတရားမ၀င်ဘူး " အန်ဒရီကပြုံးတယ်။
" ဟုတ်လား? ဒါဆို မင်းငါ့ကိုအဆိပ်ခတ်တုန်းကရော ဥပဒေကိုချိုးဖောက်နေကြောင်းတွေးမိရဲ့လာ? "
" ငါ မင်းကို အဆိပ်မခတ်ဘူး! ကျေးဇူးပြုပြီး ငါ့ကို အသရေမဖျက်ပါနဲ့။ သံရုံးကလူတွေ မကြာခင် ဒီကိုရောက်လာတော့မယ်။ ဝမ်းကွဲအကို သူတို့ကို ပြောပြနိုင်မလာ? "
အန်ဒရီက ကုယွမ်ကျိုးရှိရာ Hummer နဲ့ နီးကပ်အောင် ရုန်းကန်လိုက်ပြီး " မင်း ရှင်းယုကို ငါဆီလာစုံစမ်းဖို့ ခွင့်ပြုလိမ့်မယ်လို့ မမျှော်လင့်ထားဘူး။ ဒါပေမယ့် ရှင်းယု ကိုယ်မင်းကို အပြစ်မတင်ပါဘူး မင်းဖိအားပေးခံရမှန်းကိုယ်သိတယ် "
မုရှင်းယု : ???
" ရှင်းယု ကိုယ်မင်းကို သဘောကျတယ်၊ တကယ်လို့ မင်းထွက်သွားချင်ရင် ကိုယ်မင်းကိုအချိန်မရွေးလာခေါ်မယ် " အန်ဒရီက ချစ်ခင်စွာပြောတယ်။ ဒါက မုရှင်းယုကို လုံးလုံးလျားလျားစိတ်ပျက်သွားစေတယ်။
ကုယွမ်ကျိုး၏ မျက်နှာသည် ကြောက်စရာကောင်းလောက်အောင် မဲမှောင်လာပြီး သူ့လက်သီးများကို တင်ကျပ်စွာ ဆုပ်ထားလိုက်မိသည် - " အန်ဒရေ၊ ငါ အခု မင်းကိုမကူညီနိုင်တော့ဘူး ဒါပေမယ့်..."
YOU ARE READING
RTMADF (မြန်မာဘာသာပြန်)
RomanceStart Date - 3.8.2021 End Date - ? All Credits go to original author and Original publisher. ❌ Translation without author's permission ❌ I'm just Translate ❌ ❌You can read both zawgi or uni ❌
