"م نشعر به احيانا ينعكس ع ملامحنا.. تماما كما لو أن غيمة صغيرة داعبت قلبك فارتوى فازهر وجهك فرحا🌻💛.."
ع لسان ريان:
رجعنا من بيت جدي بالليل بعد قعدة مليانة بالتفاصيل الحلوة،،اول م وصلنا ابوي قال حبايبي تصبحو ع خير نعسان جدا انا يلا للصباح..بعدها كل واحد اتجه ع غرفتو..دخلت غرفتي وانا مبسوطة وبقيت بضحك لم اتذكرت حركات لؤي لي ريم،،كانت قاعدة جنبي وهو مقاصدها وكل شوية يشاغلا بعيونو وهي بتحمر ليه وتتخجل. كانو حلوين شديد وحقيقي انا بنبسط لم اشوف اتنين بحبو بعض قدامي،،غيرت ورقدت وانا بتذكر في تفاصيل اليوم الحلوة وتصرفات راشد اللطيفة،،حتى ابوي كنت حاساه حنون ولطيف بزيادة م عارفة ليه انا حاسة كدة هل لانو انا طولت منو وهو اخر كم سنة كان مشغول وم بنزل لينا اجازات وبعدها جا موضوع موت مرتو ولا انا حقيقي بديت اتقبل وجود ابوي واهلو في حياتي؟،،النعاس والارهاق م خلوني افكر كتير وع طول نمت،،صحيت الصباح ولم نزلت لقيت الكل صاحي،،صبحت عليهم وقعدت ،ابوي قال لي لو كنتي اتاخرتي شوية كنت حاطلع علشان اصحيك تشربي الشاي معانا،،ابتسمت وقلت ليه عادة بصحا بدري بس الليلة اتاخرت شوية،،قعدنا وشربنا الشاي كلنا وابوي كان بسال في ريل عن المدرسة ورامي وراشد عن الجامعة،،عاين لي امي وقال ليها ها ي سارة انت الشغل معاك كيف؟قالت ليه والله الحمد لله كويس جدا، ،عاين لي وقال انت طبعا شغلك اون لاين ومظبطة امورك صح ؟قلت ليه ايوة، ،حسيت بيه عايز يتعامل وكانو مافي حواجز بينا وكاني م كنت بتجاهلو طول الفترة الفاتت دي.. بعدها امي جهزت علشان تطلع ع المستشفى وابوي طلع معاها علشان توصلو الشركة قال عندهم مواضيع يخلصوها وهو م معاه عربية،،تدريجيا البيت بقا فاضي ريل طلعت ع المدرسة مع راشد ورامي الهم كمان طلعو ع جامعاتهم ..وانا ع طول طلعت غرفتي وفتشت حلقات المسلسل ورجعت اتفرج تاني..
ــــــــــــــــــــــــــــــــــــــــــــــــــــــــــــ
ع لسان ريل:
وصلت المدرسة وانا مبسوطة جدا ع غير العادة،،بالي كان رايق وركزت مع كل حصة لم طلعنا الاستراحة بتاعت الفطور جات جنبي وحدة من البنات اسمها شادن ودي اكتر وحدة انا بتونس معاها وبرتاح ليها،،قالت لي شايفاك مبسوطة من الصباح عساها دايمة والسبب ايه؟ابتسمت وحكيت ليها بانو ابوي حيستقر معانا هنا ..قالت لي كانك بتحبيه اكتر من امك لانو رجعتو فرحتك!،،قلت ليها م كدة بس انا اساسا امي متوفية ،،اتخلعت وبقت تعتذر مني، ،قلت ليها عادي ولا يهمك ..رجعنا بعدها وواصلنا اليوم عادي، ،نهاية اليوم جات لاحقاني برة وقالت لي ريل بالجد انا اسفة ع موقف قبيل م كان اتسرع واتكلم،،تقريبا هي حساسة بزيادة،،قلت ليها ي بت عادي م تاخدي في بالك ..فضلنا نتونس بعدها وحكيت ليها عن اخواني وانو قاعدين مع مرت ابوي ..بعدها التراحيل بدت تجي ودعتني وقالت لي نواصل بكرة،،قعدت بعدها شوية كدة وجاني رامي..ركبت معاه وكان باين انو مزعوج..قلت ليه رامي في شنو؟قال لي راشد م ملاحظة لي حركاتو وتصرفاتو مع ريان اخر فترة ؟ولا كمان بيقول دي اختنا ولازم نتقبلا قال..قلت ليه راشد كبير وواعي يتصرف زي م عايز نحنا م لينا دخل ..عاين لي وسكت لحد م وصلنا البيت..دخلنا ولقينا ريان بتتفرج ع التلفزيون رامي اتجاوزا وطلع ع طول وانا سلمت عليها من بعيد..م عارفة رامي ليه زعلان من حكاية قرب راشد لي ريان.وليه م عايز يكون في علاقة بينا!!
ــــــــــــــــــــــــــــــــــــــــــــــــــــــــــــ
