" يوما ما ستميل دروبنا لتلتقي بدروب اخرى ..لن نكمل المسيره وحدنا 💙☁️"
ع لسان ريان:
كنت في بيتنا بجهز نفسي علشان امشي بيت جدي بم انو فاضل للعرس يومين بس..شلت حاجاتي في شنطه صغيره وطلعت بره ..ريل كانت واقفه وماسكه كتابها في يدها قالت لي كان نفسي اكون معاكم لكن للاسف،،ضحكت وقلت ليها تجي يوم العرس م مشكله ..ابوي وامي كانو قاعدين سلمت عليهم وطلعت مع رامي وراشد..وصلنا البيت والاهل كانو موجودين والبيت زحمه،،لاقتني لمى من قدام الباب جرتني من يدي وقالت لي ارح ارح ورانا كتير نعملو ،،قلت ليها روقي طيب ..دخلت معاها جوه سلمت ع عمتو وناس حبوبه ودخلت مع لمى المطبخ نعمل قهوه وشاي ،،ونحنا في المطبخ جونا يقين وميرو ساعدونا..طلعنا من المطبخ المغرب صلينا وابتدينا موال النضافه وساعدونا شهد ولينا،،مع العشاء كده كنا خلصنا وطلعنا المظله الخلفيه ومعانا شاي لبن وقعدنا مع الشباب، عيني وقعت ع ماهر تلقائيا اتفاديتو وقعدت جنب ميرو ولمى،،اليوم كان مرهق بس لطيف في نفس الوقت،،بالليل بعد م انتهينا من كل حاجه طلعنا انا ولمى ع بيت ريم وبيتنا عندها
ع لسان ياسمين:
كنت في غرفتي وبتكلم مع حسام ..نفس القعده بتاعت زمان ونفس الضحكه البضحكها لم اتكلم معاه..مش كأني قلت اني اتجاوزتو؟ طلعت غلطانه جدا كل حاجه لسه زي م هي والاسوأ من كده اني متعلقه بيه اكتر من الاول!!..اخر حاجه قال لي تصبحي ع خير م تساهري بكره وراك يوم طويل..قلت ليه م هو زي كل يوم دوام عادي يعني، ،قال لي برضو م تساهري بطلي كلام كتير،،قلت ليه حاتكلم مع البنات شويه وحانوم اصلا نعسانه،،قال لي تمام وطلع ع كده..دخلت قروب البنات وقلت ليهم ي قمرات،،ردت علي نهى ب ي السمحه،،قلت ليهم اموركم شنو!..جات ريان وقالت في بيت ناس جدي زي م قلت ليكم قبيل عرس ريم بعد يومين لازم تجو هااا،،سماح قالت ليها طبعا انا اول وحده حأجي،،ريان قالت ليها اي اي بقينا اهل يكلبه،،قلت ليها والله حركات ي سماح المهم قدام حنجي باذن الله،،دردشنا شويه وبعدها نمت ع طول!..
ع لسان حسام:
واقف قدام ياسمين وانا تايه ولا كأني الليل بي طولو بجهز في الكلام اللازم يتقال،،قالت لي حسام في شنو صح قلت عايزني في موضوع ؟!..قلت ليها طيب طيب حأتكلم،،عاينت في عيونا وقلت ليها من الآخر ي ست البنات انا بنفع معاك؟يعني ينفع تكملي باقي حياتك معاي وأكون شريكك للأبد..ياسمين انا جايط جدا وم قادر ارتب نفسي حاليا م تفتكري اني زول عشوائي وسطحي لو وافقتي حتشوفي حأحبك قدر شنو وو...قاطعتني وهي بتضحك وقالت كفايه خلاص انا موافقه ..قلت ليها بخلعه هااا جاده؟؟قالت لي واقسم بالله انت بتضحك جدا اي موافقه❤️..قلت ليه لخبطتيني اعمل ليك شنو؟..قالت لي م مشكله خلاص المهم الشعور وصل ويلا ع الشغل،،قلت ليها تمام نتفاهم بعدين يلا ❤️!
ع لسان ماهر:
قبل العرس بيوم كنا كلنا متلمين في البيت الكبير،،انا وعلي كنا بنجيب الحاجات من السوق وأحمد ومعاه شباب كانو مشرفين ع البيت،،اثناء م بنقل الحاجات للمطبخ اصطدمت مع ريان،،عاينت لي بي ضيق من غير م تتكلم،،قلت ليها ي ريت تعايني قدامك تاني مره واتجاوزتها قبل م ترد وتردح لي بلسانها الطويل ده..دخلت المطبخ ومنيره كانت هناك قالت لي بطل تتساخف مع ريان ي كريه،،قلت ليها ابيت ي زوله وخليتا وطلعت للشباب بره،،قعدنا كلنا مع لؤي .. والسماعات كانت شغاله وجو يختو ليه الحنه بعد م كان رافض تماما وفي الاخير وافق بس من غير حفلات وبتاع،،ابتدو يحننوه النسوان والبنات اتوزعو يحننو الشباب،،انا حننتني يقين وريان كانت بتحنن في راشد ..ولمى كانت بتحنن في رامي..علي حننتو وحده. من اخواتو الجو من السفر والتانيه حننت أحمد،،الاجواء كانت لطيفه جدا وخصوصا وانا بعاين لريان وهي بتحنن في راشد وتضحك ♡!!..
