" بقُربِك. يُزهر القلب ُ وتضئ الروح،، يتلاشى الحزن عند احتضانك يدي!..انت مختصر الأمان الذي يغمرني ع سطح هذا الكوكب 🪐🖤!"
ع لسان ريان:
ماسكه في ايد ماهر ولافين في المول،،عمري م كنت حاتوقع انو اللحظه دي تجي،،اكون ماشه مع ماهر وانا بحبو من كل قلبي!.. كل م أعلق ع حاجه او اقيف اصور حاجه بلقى ماهر بيعاين لي وبيضحك واول م اعاين ليه بيقول لي هو انت ليه حلوه كده؟!،،كنا لافين في فينيسا مول في اسطنبول،،ع حسب م قريت عنه انو مصمم بطريقه تشبه مدينه البندقيه الايطاليه،، المول كبير جدا وفيه انواع الماركات كلها،، كنت مستمتعه وانا بتكلم التركيه وماهر بعاين لي جزء يفهمو ومرات انا بترجم ليهو،،قال لي والله مسلسلاتك جات بي فايده، ،ضحكت وقلت ليه evet " نعم" ..من الحاجات الظريفه الفي المول انو فيه قنوات مائيه بتوفر ليك جوله عن طريق القوارب،،واكيد انا وماهر م حنفوت فرصه زي دي، ،فركبنا في واحد من القوارب واخدنا جوله وصورنا اي منظر مرينا بيه،،بعد م خلصنا جولتنا ورجعنا ماهر قال لي عندي ليك مفاجأه،،قلت ليه هي شنو؟قال لي انا قلت ليك مفاجأه يعني م حاوريك هسه،،قلت ليه ماهر ياخ، قال لي عيون ماهر انت والله بس برضو ماف ليك ،،ورقد نام وخلاني بضرب فيه🤣
ع لسان ماهر:
صحيت الصباح لقيت ريان قاعده قدام المرايا بتسرح شعرها،،لم شافتني فتحت قالت لي Günaydın ،،"صباح الخير"..ابتسمت ورديت عليها،،قالت لي قوم جهز نفسك علشان توريني ح نمشي وين ونعمل شنو انت عارف اني فضوليه جدا صح؟!..قلت ليها تمام استني بس،،فعلا جهزت وقبل م نطلع وريتا اننا ح نمشي اوزنجول ،،قريه ريفيه واقعه جنوب شرق مدينه طرابزون ،،قالت لي ماهر الحياه معاك عباره عن حماس واقسم بالله،،جريتا من يدها وقلت ليها دي البدايه استني بس،،وصلنا لقريه اوزنجول الفيها بحيره مسميه باسمها وكالعاده الريف يفوز بجمال الطبيعه والهداوه فيه، ،ريان قالت لي رهابه يعني مشحوار،،قلت ليها باقي رهابتك والله،،غطت وشها بايدها بطريقه درامية وقالت لي انت كده بتخجلني،،قلت ليها حبيبي م تعيشي دور م دورك ارح خلينا نمشي علشان اوريك المفاجأه التانيه،،حمرت لي وقالت ساكته ليك عشان المفاجأه بس،،قلت ليها والله؟كويس خليتا زاتو،،مسكت ايدي وقالت حبيبي انت ياخ ،،ضحكت وقلت ليها طيب ي ستي تعالي،معاي،،كنت مجهز ليها فستان زفاف علشان نتصور بيه من شافتو قبلت علي وقالت لي ماهر انت جادي؟قادر اقرا الفرحه في عيونا ودي حاجه كافيه جدا انها تخليني مبسوط. ♡
ع لسان ريان:
م اتوقعت انو ماهر ممكن يفكر في موضوع التصوير والزفاف،،ف حقيقي انبسطت منو جدا !..لبست الزفاف وماهر جا لابس البدله،،وكان في مصور حيصورنا ،،ماهر جا علي وباس راسي،،قال لي جميله شديد تبارك الخلقك،،اتوترت وم عرفت ارد عليه،،مسكني من ايدي وطلعنا عملنا جلسه تصوير اوت دور،،ومع المناظر الجميله الصور طلعت رهيبه جدا،،ع الرغم من انو عرسنا حصل سريع بس الصور دي عوضتني عن العرس كلو! ..بعد م خلصنا ماهر كان لسه محاوطني بايدينو،،قال لي ها لقيتي راجلك كيف؟!..قلت ليه رهيب شديد م جديد عليه يعني، ،قال لي اذا م بقيت رهيب مع الجمال ده كلو ابقى اهبل والله..ماهر انسان لطيف شديد قادر انو يحتويني ويغير مزاجي في اقل من ثانيه، ،م محتاجه اعبر او اتكلم لانو اساسا فاهمني ف حقيقي مبسوطه منو ألف ومحظوظه بيه شديد 🥀🖤!
