ع لسان ريم:
قاعدة في الصالة وبشرب الشاي مع أمي ..احمد جا نازل عاين لي وهو بيضحك وقال في ناس كدة تاني مافي ليهم حوامة..قلت ليه استظرف لسه..أمي قالت ليه هي زاتها م فاضية للحوامة عايزة تجهز لعرسها..قلت ليها ايوة ي حجة ردي ليه بالله..أحمد قال لي وبرضو اللمة فبيت جدي حتفوتك بطلي تعملي فيها م فارق معاك، ،قلت ليه احمد طير من وشي عليك الله..قرب مني وقرصني من خدودي وقال لي ي حليلك ياخ وقام جاري..قلت ليه مصيرك تجي راجع ي كريه..أمي قالت لي خليك من نقتك مع احمد وقومي علشان نشوف موضوع الطلح دة..قلت ليها أمي يخ هسة ضروري قالت لي اي حبوبتك وعمتك حيجو يقعدوك معاي..
دخلت غرفتي استحميت وبعدها ناس حبوبة جو وجهزو الحاجات..قعدت ليهم ساعة وتاني حلفت م أقعد..حبوبة قالت لي غايتو انتو بنات الزمن ده هوالات خلاص.قلت ليها حبوبة والله كفاية قالت لي سمح اقعدي واشربي المديدة دي..برمجو بي اليوم كلو وبعد الضهر حتى خلوني امشي وارقد..لمى اتصلت لي وهي بتضحك قالت لي فعاليات والله..قلت ليها ي كلبه بتضوقي قريب..ريان شالت منها التلفون وقالت لي عروستنا انكربي بالله علشان تطلعي نايرة وسمحة..قلت ليها شنو يا م جاياني ولا شنو؟!قالت لي جاياك طبعا اظبط أموري بس وبجي في الايام الجاية دي..قلت ليها تمام منتظراك قفلت منهم وع طول نمت.
ــــــــــــــــــــــــــــــــــــــــــــــــــــــــــــ
ع لسان ريان:
كنت في مكتبي وخلصت النموذج بعد تعب..وماهر الغياظ قال انو في اجتماع ..كنت حاكسر الحنك وم أمشي واتحجج باني تعبانة لكن لمى م خلتني جات جرتني من يدي وقالت لي بتفتشي في المشاكل ساي انت ِ..قلت ليها فترانة واقسم بالله ي انسانة قالت لي ي زولة ارح امشي اقعدي ساي م تجيبي لنفسك الكلام اثناء م هي ساحباني من ايدي وبتتكلم كدة لاقانا ماهر..حول نظرو بيني وبينها وقال لي لمى خير! م كانت عايزة تجي ولا شنو؟..قلت ليه ممكن تسألني انا ع فكرة ..لمى قرصتني وقالت ليه لا م كدة بس هي مرهقة شوية ..فكيت يدي من لمى وقلت ليه علشان الكذب دة انا قلت ليك اسالني انا اي م كنت عايزة اجي..قال لي بتموتي في العناد وركوب الراس كدة ليه؟!..قبل ارد عليه جو علي وأحمد ..علي قال شنو ي شباب في شنو؟ماهر قال ليه الآنسة ريان كالعادة عنيدة ولسانها طويل..قلت ليه م شغلتك والله ي استاذ ماهر..أحمد قال لي ريري ارح ارح ندخل..ماهر قال ليه م اساسا الموضوع كلو انها م عايزة تحضر الاجتماع فنخليها ع راحتها..عاينت ليه وقلت ليه تصدق غيرت رايي ؟وعاينت لاحمد وقلت ليه ارح ي ابو حميد..دخلنا واحمد كان بيضحك فيني..عدينا نص ساعة والكلام كان عن الايرادات والجوانب المالية وكيفية الزيادة بعد التوسع الحصل في الشركة..م صدقت الموضوع خلص وطلعنا..علي قال لي غايتو ي ريان انت ِ راسك قوي بشكل..ضحكت وقلت ليه للاسف ..اتحركت ع مكتبي ولميت حاجاتي كنت طالعة وصادفت ماهر بتكلم بالتلفون وهو بيضحك وبيقول السودان نور والله ليه م قلتي من بدري كنت جيتك في المطار.. م ركزت معاه واتجاوزتو علشان ارجع مع ابوي الكان منتظرني برة..بس ماهر الكريه جا باتجاهي وسلم على ابوي وفات..ركبت وكنت نعسانة وطول الطريق بتثائب ابوي قال لي اتعلمي السواقة وشوفي ليك عربية بم انك اشتغلتي وكدة حتحتاجي ليها..قلت ليه فعلا الموضوع بقى مرهق بعد اشتغلت بشوف باذن الله ..وصلنا البيت وم اتفاهمت مع زول دخلت غرفتي وطوالي نمت
ــــــــــــــــــــــــــــــــــــــــــــــــــــــــــــ
