" لا يليق بك مسمى فترة عابرة في حياة احدهم..يليق بك الاستقرار والبقاء..كنت أرى فيك الخلود والثبات لكنك اخترت الزوال والعدم 🖤"
ع لسان ياسمين:
حياتي بقت روتينية جدا من الشغل للبيت..البنات كل وحدة مشغولة وفي همها م فتحت معاهم موضوع حسام تاني..رغم انو زعلني جدا بحركتو دي بس لسه بالي معاه وخايفة عليه ..تقريبا حذف حسابو تبع الواتس بعد المسج البعتو لي..وم كان عندي الاكاونت بتاع الفيس..واساسا بعد حركتو دي باين انو م عايزني اتدخل في حياتو..شلت نفس وقلت ي ياسمين من متين وانت بتتعمقي كدة؟!..كتار الكانو فترات وعدو من حياتك عادي م تركزي..نزلت وقعدت مع اهلي عسى ولعل الوقت يعدي..كنت شغالة دوام مسائي الساعة 3 لم جات كنت جاهزة واتحركت ع المستشفى..عيني وقعت ع مكتب حسام حسيت للحظة اني لو دخلت حالقاه قاعد..زفرت الهوا بضيق ودخلت مكتبي..المرضى كانو بسيطين فطلعت ع الكافتريا كان نفسي في شيبس وحاجة باردة دخلت واشتريت وقعدت في وحدة من الطاولات اتذكرت لم حسام كان بكون قاعد معاي ..حاجة كعبه شديد لم زول يمشي فجأة وانت م خاتي في بالك انو ممكن يمشي..رجعت واصلت شغل لحد م الساعة 10 جات رجعت البيت..من تعبي رقدت وغمضت عيوني علشان انوم من غير تفكير!
ــــــــــــــــــــــــــــــــــــــــــــــــــــــــــــ
ع لسان لؤي:
كنت طالع من البيت وبتكلم مع ريم في التلفون..قلت ليها ريم ياخ جازفي اطلعي اسبوع عديل م لاقيتك ..قالت لي يعني انا في يدي اطلع وم طلعت ي لؤي؟!..م قلت ليك أمي دي مشركة لي وبالليل بتجي لمى تسد المناوبة ..قلت ليها خلاص طيب انا متحرك ع المستشفى بتصل ليك بعدين..قالت لي زعلان؟..قلت ليها المزعلني اني مشتاق ليك وم قادر اشوفك م زعلان منك انت ي السمحة..قالت لي لؤي م علشان انا مافي تاخد راحتك وتمرح مع زميلاتك الغياظات ..قلت ليها ي زولة فايتك عديل والله..قالت لي لؤي واقسم بالله تعمل حركات بنختلف وم عافية ليك...ضحكت وقلت ليها واقسم بالله انت مجنونة يعني انا اذا عايز امرح معاهم جايي اعرسك ليه؟!..قالت لي ي زول م بفهم ليك دكتوراتكم المعصعصات ديل م تباريهم لي ..قلت ليها م محتاج توصية اساسا عيني مليانه بيك ❤️..قالت لي ايوة خليك عاقل ولطيف كدة ي قلبي ..قلت ليها طيب ي حبيبتي انا حاليا حاسوق برجع ليك تاني ..قالت لي تمام قلت ليها في رعاية الله وقفلت منها..وصلت المستشفى ولاقيت وحدة زميلتنا في الممر سلمت عليها ولم اتذكرت كلام ريم بقيت بضحك لو كانت شافت الموقف كان قعدت تردح لي ،، غيورة وعدائية جدا ولاسباب بسيطة شديد بس بعد دة كلو في عيني ست البنات وبحبها♡!
ــــــــــــــــــــــــــــــــــــــــــــــــــــــــــــ
ع لسان سماح:
زهجت من روتين الشغل الممل وقلت اشوف البنات برنامجهم شنو اتصلت لي ريان ردت علي بـ البحبها ..قلت ليها حبيبي حبيبي اشتقنا والله..قالت لي اساسا مافي حاجة مصبراني ع الوحدة الانا فيها دي غيرك وكتير الشوق واقسم بالله..قلت ليها عان ي زولتي واقسم بالله انا زهجانة كدة لم ماف طريقة ها موضعي بي..قالت لي انا الايام دي مع ريم لسه م رجعت تقدري تجي معاي عن ناس جدي؟!..قلت ليها جدا ي زولة بجي بس تعملو مواضيع،،قالت لي دلوكتنا جاهزة انت بس تعالي..قلت ليها خلاص بجيك في الشركة ونتحرك سوا ،،ع طول غيرت وكلمت ناس البيت وشلت شنطتي واتحركت ع ريان ..قالت لي لا والله انت فاض بيك عديل..قلت ليها ي بت اسكتي والله زهج مبالغة.. قالت لي انا مبرمجة بي حبسة ريم دي والله..قلت ليها اقيفي احكي للبنات علشان م نعمل خيانات 🤣..قالت لي اي اي حينبذونا بعدين،،شلت التلفون واتصلت ليهم ال 3 كلهم كانو مشغولين وم حيقدرو يجونا،،قعدت مع ريان زي ساعة كدة بعدها طلعنا ،،لمى جات سلمت علي وريان قالت ليها ماشة معانا قالت لي ي سلام تنورينا،،جا احمد قال ليها منو التنوركم دي؟!..ريان قالت ليه سماح ماشة معانا قال لي تنوري وتشرفي كمان قلت ليهم من ذوقكم،،كلهم طلعو وريان ركبت معاي.. قبل م نتحرك لمحت ماهر قلت ليها انت كل يوم بتقابلي الحلاوة دي كيف؟!..رفعت راسا وعاينت بالشباك وقالت لي ي شيخة اتلمي،،ضحكت وقلت ليها ماشي ي ستي خلاص فصلتك
