ع لسان ريان:
صحيت رايقة ومبسوطة جدا نزلت صبحت ع حبوبة وخالتو سوسن وقعدت اشرب معاهم الشاي بي مزاج..حبوبة قالت لي دايمة الانبساطة ي بتي..قلت ليها بي وجودك ي ست الكل ♡..ابتسمت وقالت لي فرحتيني جدا بحكاية انو علاقتك بقت طيبة مع اخوانك ..قلت ليها حتى انا مبسوطة شديد من زمان كان نفسي اعيش احساس انو يكون عندي اخوان يعملو لي جو في البيت..خالتو قالت لي ورامي دة مالو معاك؟قلت ليها والله ي سوسو م عارفة لكن طالما هو مرتاح كدة وم عايز يتعامل معاي يبقى خلاص اصلا الموضوع لو م جا عن رضا وطيب خاطر ماف داعي..قالت لي كبرتي والله ي شافعة..قلت ليها شافعة لكن ..خليتهم قاعدين وطلعت الغرفة اجيب تلفوني علشان اصبح ع سرو زي كل مرة..لقيت مكالمة من رقم الشركة..رجعت رد علي ولد. استغربت لانو اساسا البتعامل معاها كانت بت..قال لي السلام عليكم رديت عليه بـ وعليكم السلام ..قال لي ريان محمد صح؟قلت ليه ايوة مين انت؟!!قال لي مدير قسمكم الجديد ..ويا باش مهندسة عايز اقول ليك انو شغلك اون لاين كدة م بينفع فلازم تنزلي معانا وتداومي زي الباقين..قلت ليه بس دي طبيعة شغلي من زمان..قال لي وانا حاليا قلت ليك م ينفع، ،عموما عرفت من عم محمد انك في بورتسودان حاليا فقدامك اسبوع كدة وتكوني معانا وفصل الخط..لا دقيقة دة منو اساسا؟وهو شنو عم محمد..يعني انا اصحى رايقة يجي الكائن دة ينرفزني وكمان يفصل الخط في وشي؟!!
ــــــــــــــــــــــــــــــــــــــــــــــــــــــــــــ
" وكأن حياتي رهن ابتسامتها ..وكأني لا أكون من دونِها ولا أبقى💛.."
ع لسان فادي:
حياتي بقت جميلة جدا من لم مزن بقت جزء منها..دي حب الطفولة بحبها من هي شافعة وم جايبة خبر للدنيا..من زمان كان كل همي اخليها مبسوطة بفرح جدا لم اشوفا مبتسمة وبالها رايق..رغم انها كانت بتصدني وقطعت علاقتا معاي من لم اعترفت بحبي ليها بس كنت مُصر ع اني افضل احاول م هو م ممكن اخليها بالسهولة دي ..كنت مشغل اغنية وردي "صُدفة" وبدندن معاها لم مزن جات وركبت معاي..عاينت لي وقالت مزاجك رايق الظاهر..قلت ليها كيف م يروق والجمال دة كلو معاي؟!،،نزلت راسا ومسكت تلفونا وقالت فادي خلينا نمشي اساسا انا جعانة شديد..ضحكت وقلت ليها عاملة فيها بتخجلي يعني؟قالت لي م عاملة فيها اساسا بخجل..وصلنا مطعم قريب للمستشفى الشغالة فيها ونزلنا نفطر ..اثناء م بناكل قالت لي فادي..قلت ليها روحو..قالت لي الله يرضى عليك م تجهجهني بكلامك دة وخليني اسألك..قلت ليها ها اسألي..قالت لي ليه م حاولت تحب غيري..يعني انا كنت رافضاك ليه كنت مصمم انك تحاول معاي وم زهجت وشفت وحدة تانية؟!..ابتسمت ورجعت اتكيت ع الكرسي وقلت ليها البيحب م بيمل من المحاولة بالعكس لازم يكون لحُوح..يعني لازم اتعب علشان لم اصل للحاجة التعبت علشانا اكون عارف قيمتا واحس بالانتصار وهكذا و ي ستي "فما نيلُ الحسان ِ بمستطاع❤️"..ضحكت وقالت لي عميق ماف كلام حتى ابيات الشعر بقيت بتغير فيها؟..قلت ليها علشان خاطر عيونك ابقى شاعر واي حاجة..قالت لي فادي خلاص يخ م توترني..كانت خجولة بطريقة لطيفة وجميلة واساسا هي كلها ع بعضها جميلة جمال م طبيعي💕
ــــــــــــــــــــــــــــــــــــــــــــــــــــــــــــ
ع لسان لمى:
