ع لسان لؤي:
قاعد في الكنبه الفي الصاله الملحقه بالغرفه .. وريم في حضني كنت بلعب بخصلات شعرها وهي بتتفرج ع الصور الي اخدناهم لم طلعنا..رفعت راسا وقالت لي لؤي قلت ليها ي عيونو،،ابتسمت بلطافه وقالت لي م وريتني حنمشي وين تاني؟قلت ليها م تكوني فضوليه بزياده خلينا نفطر ونجهز نفسنا وبعدين نشوف حنمشي وين،،كشرت وشها بطريقه طفوليه وقالت لي انت اصلا حقار وانا زعلانه منك فك شعري كده ..كانت حتقوم من جنبي لو م سحبتها وشديتها علي،،كانت لسه مبوزه فقربت علي خدها وعضيتا🤣..لزتني وابتدت تضرب فيني قالت لي طيب ي لؤي معاك م طالعه شوف زوله تطلع معاك يلا،،ودخلت الغرفه ع طول،،دخلت وراها وانا بضحك اتلفتت مني وقالت لي زح من هنا..حاوطتها بايدي من ورا وقلت ليها اهون عليك اطلع براي؟قالت لي ايووون، ،قلت ليها في زول في شهر عسلو بيطلع براه؟قالت لي لو قليل الادب وسغيل زيك كده يبقى يطلع ونص،،ضحكت وزحيت منها و قلت ليها تمام انت الاخترتي حاشوف وحده تايلنديه جميله كده تطلع معاي، ،كنت حاطلع من الغرفه وانا كاتم الضحكه وم خابت توقعاتي، ،ريم جات علي ولزتني لجوه قالت لي قلت شنو حبيبي؟ تطلع مع منو ؟ضحكت وقلت ليها صح انت ابيتي؟قالت لي لؤي بطل امورك دي وخلينا نفطر علشان نطلع، ،جريتا علي وقرصتها من خدها وقلت شافعه لميضه وحلوه جدا 🌻..
ع لسان ريم:
لبست ولسه م كنت لفيت الحجاب،،لؤي جا علي وقال حبيبي طالعه كده؟..حبيت اجربو وقلت ليه ايوه،،عاين لي بضيق وقال م ينفع كده..قلت ليه لؤي اجرب الليله بس..قال لي ريم م علشان شفتي الناس هنا بيعملو كيف تقومي تقلديهم ي قلبي انت اوعى من كده،،قلت ليه بس انا عاجبني اطلع كده ..جا ناحيتي وقعدني في السرير وقال الحرام بيفضل حرام. وانا بغير طبعا بالاضافه لانو نحنا جايين هنا علشان نقضي ايام حلوه م علشان نتشبه بالناس الهنا ابدا فهمتي علي؟!..ابتسمت وضميتو قلت ليه انا اساسا بهظر قايمه ألف حجابي،،عاين لي وقال مش،قلت ليك شافعه لميضه؟ضحكت ولفيت الحجاب وطلعت وانا ماسكه في ايد لؤي ♡..حقيقي محظوظه بيه شديد م فشل ولا مره في انو يحل اي نقاش بطريقه هاديه وسهله جدا..طلعنا ومعانا المرشد كالعاده واول مقصد لينا كان القصر الكبير ..وصلنا وكان عباره عن مجموعه من المباني ..اتقال لينا انو كان قصر ملوك تايلاند التاريخي.. وتاريخه يرجع للقرن ال 17..عاينت لي لؤي وقلت ليه ياه مر عليه كتير شديد،،ابتسم وقال لي فعلا، متشوق علشان استكشف معالمه،،ابتسمت وفضلت ماسكه ايده لحد م المرشد قال لينا افضل 3 نشاطات هنا واولها لازم نشوف معبد بوذا الزمردي ♡!..
ع لسان لؤي:
مبسوط جدا بقرب ريم مني للدرجه دي اولا،،وثانيا بجمال المدينه النحنا فيها ..اتحركنا ع معبد بوذا الزمردي،،فخامه التصميم حكايه براها، ،قدامو تمثالين ضخمين جدا ،،،وجواه تمثال بوذا الزمردي المهم دينيا ومعتقديا للمجتمع التايلندي..لفينا مسافه واخدنا صور في كل حته..المنظر كان جميل جدا وخصوصا الطبيعه والخضره المحيطه بالقصر ومنظر المراكب وهي ماشه في النهر المجاور للقصر،،حاجات جميله جدا بتخليك مبسوط ورايق ❤️....اتحركنا ع متحف القصر الفيه كتير من القطع الاثريه والتماثيل،،كل شويه بنقيف قصاد حاجه ونعاين ليها بمنتهى الاعجاب والدهشه،،اخر وجهه لينا كانت مقر العرش وده بيتميز بروعه تصميمه والزخارف الدهبيه الموزعه عليه..وفيه عدد من الاثار القديمه! !
