العنقاء

البارت الخامس عشر

أم خالد:شمضخمه شلابسه ?

رغد:ماجاوبته

ام خالد:تعرفين منو موجود لج نسوان طبقة راقية

شهاللبس شهالبهذلة حتئ المن الشارع تلبس احسن منج

رغد:جريت ايدي منه كتله خلص لهنا وكافي

هذا لبسي شبيه اول مرة تشوفيني بيه

ام خالد:اشش نصي صوتج. لايسمعنه. لاتفضحينه

رغد: بقيت ساكته اباوعله

خالد:قريب وقت الغدا طلعت للشركة التشتغل بيه رغد

جنت مفكر اصالحه ابدي صفحه جديدة

احاول افهمه اغيره اقنعه تبدل طبعه ماتعاندني

لمن وصلت شفته صعدت تكسي اتصلت عليه ماردت

لان اغلب الاوقات موبايله صامت لحكته للبيت

وصلت قبلي لمن وصلت للبيت شفته هي وامي بالمطبخ

معنده عرفت اعناد بامي وتريد بس تحرجه كدام

صديقاته صحت بامي تسكت تقدمت صرت مقابيله

رغد وتالي وياج?

رغد:تفاجات بوجوده وكفته يم امه وسؤاله الي

جاوبت بتلعثم شبيه

خالد:جنت عصبي كولش اريد اذبحه بس تحجي كلمة

وحدة شبيج!اني اكولج شبيج كلج علئ بعضج غلط

لبسج غلط حجي ماتعرفين تحجين تصرف ماتعرفين

تتصرفين منو كلج هاي شخصيه وحلوه هااا

مليت منج شوكت تصيرين حالج حال البنات

اريد يوم اكلج شي وتكولين نعم يوم تغلطين وتعتذرين

سنتين وياج كرهتيني بحياتي انتي شنووو هاااا

رغد:رجعت لوره من كلامه واني مصدومه

بيه مستحيل هو هيج شايفني

اخر شي نزع الحلقة من اصبعه سحب ايدي

وخلاها بيدي اريد ارفع عيني من الحلقة اباوعله

واحجي ماكوو خناجر صارت بلعومي ماكدر احجي

موكادره استوعب شصارر ليش

خالد:رغد انتي طالق

رغد:سمعت كلمته غمضت عيوني وعصرت ايدي البيه

الحلقة رفعت راسي اله باوعت اله كتله اوك

نزعت الحلقه والمحبس جان تصميمهن ملتصقات

خليت علئ الميز باوعت لامه المبتسمه وباوعتله

ماشال عينه عني وهو يلهث