العنقاء

الجزء الثاني والاربعون

تصويت +تعليق حلو مثل روحكم،شوفوني حبكم

حساب الانستا zeina58sتابعوه

*******************************************

منذ ذلك اليوم، وأنا أشعر أن سعادةً ما ستغمرّني لو أن
ثقبًا ليلكيًا إنفتح في صدري، ليتدّفق البياض.

_ فان كوخ.
***********

العراق:بغداد

يوم الاثنين.
الساعه: الثالثة والنصف صباحا

مشيتي مشيت كهل ،عجوز ، مرهق، عاجز

السحر بطل، النفوذ اختفي

الخسارة طعمه امرمن المر نفسه،رايات الاستسلام لوحت كدامي راح اخسر، خسرت، نهايتي الوشيكةقربت

اخر ورقة لعبتها احتركت كدامي

هذا البرعم الصغير الناعم. الطفل الجان باللفة، الجاهل اليركز بكلامي التلمع عيونه بشوفتي

كل طموحه يصير رجال مثلي، كبر وترعرع بحضني

مميز، ذكي، طموح،واليميزه اكثر
عقله وصبره تخطيطه المستمر

لاينام ولايستقر يخطط يشتغل  يكسر المقاييس والقوانين يحول التراب ذهب بس يلزمه

مسالم عكس اسمه
ضميته الي ارفع من حالتي بجهوده نصيبي اكبر ويكبر تعاونت وياه
احترامه مثاليته نقاءه الشي الخلاني اغار منه

احسن مني بمرات، عنده كلشي اني افتقده حتئ روح الشباب حسدته عليه

كلشي يسوي يثير غيرتي غيرة رجل من رجل
اقارن بيني وبينه
بدايتي الغلط بغلط وبدايته
خبرته بالشغل اسلوبه. الحلو نضرة الناس اله وثقتهم بكلمته
عكسي الغدر المجامله بدايتي موظف بسيط يادوب يلحك مصاريف البيت اجامل امسح اكتاف حتئ يرضئ عني مديري

امجد بيه صعدت شويه شويه واني اتقرب منه

من جهه اتحين الفرصه اطيح اكثر عدد من المقربين حتئ اخذ مكانهم كل هذا تحقق

حتئ وصلت اتقرب من اعداء مديري علمود اربح مكانه واهميه وصلت وغدرت بيه وطيحته

وكلت انتهئ راح بالرجلين حتئ لومااني موگعه همه يوكعونه ومنا عرفت الشي الي يخليك مسيطر دوم

بس الفائز هو الي يعيش مثل مايريد.

ماكو فرصه ثانيه بكل شي لازم تفوز وتصير الاحسن مومهم الطر يقه المهم النتيجة

حتئ شفت حسام صار احسن مني غيرتي وجشعي وخوفي ينعاد الزمن ويغدر بيه،يصير افضل مني واهم

حلفائي والمكانة الوصلته خلتني اكمل بطريقي وجشعي زاد تهريب وتجارة اسلحة مخدرات
كلشي غلط وخارج القانون ربطته بشغله هو نايم ورجليه بالشمس واثق بيه والحياة يمه ورديه