العنقاء

الجزء الثاني والستين

اذا امكن
تصويت +تعليق+ متابعه

-----------------------------

ولا تظلمني، فأنا لا أحاول أن أضع نفسي فوق ورود ناعمة، فوراء الوجه الباسم قلب موجوع.

_جورج اورويل.

حسام:انسجن عبد الكريم وبده حسابه وعقابه بالدنيا قبل الاخرة،
من اول يوم انسجنت واني احقد عليه وكره بكلبي يزيد اني اعاني واختنك بالسجن وهو بره كل يوم يكبر ويزيد بثروته من شغلي الاسسته بتعبي بافكاري

وبالاخير وكع بشر اعماله، بس شنو فايدته هذا العقاب واختي خسرت حياته، ضحية ماله ذنب

خسرت حياته وشبابه عائلته الي تشتت، زوجه المكتئب ولاابنه امه
كلشي بحياتي صار باهت
وكانو هذا ثمن الانتقام انو اخسر اختي حتئ افوز ماكو تعادل اليريد شي يخسر شي

بعد فترة طويله اتصل عليه رئيس القسم منتظرني اداوم تدريسي ارجع لوظيفتي

جنت متردد بين يي ولا امي وخالد شجعوني ارجع

فترة كلش صعبه المريت بيه خلت اثره بملامحي

وبروحي ،ادكم قميصي مقابل المراية وافكر بيه

هم راح اشوفه بالكلية ، ملامحه نفسه عيونه الناعسة،شفايفه الكرزيه،طوله،شعره،عطره الاشتاقيتله

مفتقده ومفتقد احساس الراحة وياها،شي حلوومن تبتسم يصير بروحي مررت ايدي علئ مكياجه الكدامي قبل جانت تكعد هنا تخلي منهن واني بصفه امشط متشاركين المرايا

"رحيلها جعل حياتي تشبه المقابر وقت
الظهيرة"

اخذت غراضي ونزلت

يوم تعال اكلك لكمة لاتطلع بدون ريوك

ماااشتهي صدكيني

تعال اكولك حضرت السفرة لاتطلع بدون اكل

رجعت للمطبخ متململ مااشتهي والله،صبيت استكان جاي لنفسي قربت الجبن والصمون يمي

رفعت راسي اباوع بوجهه، امي عيونه داير مدايرهن هالات سوده وجه شاحب والاسود مغيره كلش

كلبي وجعني عليه شربت استكان الجاي كليت وياه لكمتين
نزلته علئ الطاوله وكفت مستعجل اني طالع ديربالج علئ نفسج وحسون يوم، خذيت جنطتي فتحت باب المطبخ صحت بدون وعي يلا ضي

بقيت واكف بالباب درت وجهي لامي تباوعلي بصدمة

مشيت بسرعه للسيارة ،فتحت بابه كعدت علئ الكشن حاضن الستيرن غمضت عيوني بقوة

حساام سيطر علئ نفسك عاد لاتتاثر بيه.

رغد:علئ عكس عادتي لبست ابيض وخليت مكياج وضبطت شكلي مشيت براس مرفوع مليانه كبرياء وشموخ
دخلت للشركة نزعت نضاراتي اباوع بنضره شامله للمكان الكل ترك البيده يباوعلي