تمنيتك تحس والبيه بيك يصير "
..................................................................................
رغد:اجي وياك
ويننن وينن تجين ؟ مسحت علئ وجهي بغضب هزيت راسي بتوعد وطلعت طول الطريق افكر واحاول اهدي نفسي علمود اتصرف صحيح ماريد يعميني الغضب واندفع اسوي شي غلط يخرب عليه كلشي
هسه اني عرفت كريم وجماعته يوصلون للقتل بدم بارد ويلبسونه بغيرهم بكل سهوله وصلت للمركز ترجلت من السيارة امشي بخطوات هادئة دخلت سلمت علئ الضابط وتكلمنه بالحادث ورجع دقق افادتي ماغيرته وصار اتعرف علئ الحاولو يقتلوني همه اصلا بالحادث ملثمين فماعرف شلون يردون اتعرف عليهم سايرتهم
واجيت وياهم عرضو كدامي خمس متهمين بس ناهينهم من التعذيب عيونهم مورمه واثار بركبتهم واديهم تعبانين كلش
سالني الضابط اذاهمه اولا
لا مونفسهم. يختلفون
متأكد؟
يي متأكد
دقق مره ثانيه لاتستعجل
سيادة الضابط مونفسهم،باوعلي بشك عض شفته الجوه وحجه
اخذهم ابني رجعهم للحبس، استاذ حسام اذا عندك شك او تذكرت شي خابرني تمام
تمام
اتمنئ تتعاون وي القانون وتترك الحسابات خارج نطاق القانون لان هم تعود عليك بالاذئ
شنو قصدك
في حالة كنت تعرف هوية من حاول اغتيالك او من كان مشترك اومتورط نتمنئ تتعاون ويانه
اكيد. بس سؤال
تفضل
شلون عرفتوهم والقيتوا القبض عليهم
كاميرات المراقبة باب الجامعة ساعدتنه نتوصل لاشكالهم وطولهم ،لاتخلي بالك شي الخطر زائل بمجرد ماتتعاون ويانه واذا اكو شي بعدنه ماواصليله
خليت ايدي علئ الكرسي وكفت هاهيه شكرا حضرة الضابط مديت ايدي صافحته بقوة فتح عيونه
اهلا وسهلا.طلع وياي يمشي تركته و
تمشيت للسيارة من وصلت درت وجهي للمركز الضابط بمكانه واكف ويحجي بالتليفون ابتسمت ابتسامة جانبيه وصعدت ،
كريم:شنو يعني موذوله الهاجموه منين عرفهم هو
يلااا يلاا فهمت انه اتصرف وياه
كلت انه اتصرف كافي. شمرت الموبايل اخخ الكلب مايخاف ولايكعد يريد يموتني
شبيك كريم شصاير وياك
باوع عليه بعيون حمرر. شبيه شبييه تخبلت هذا البيه
ياا ياا الرجال راح ينجلط. احجيلي شبيك شهالحالة هاي تقربت عليه بخوف خايفه منه من حالته تعال اكعد تعالل كعدته وكعدت مقابيله بده يحجي الي صار
أنت تقرأ
العنقاء
Misteri / Thrillerيعاقب المحرض او المسهل لجريمة الهروب بالاتفاق بالسجن مدة لاتزيد عن سبع سنوات (الماده 35)من القانون -قاعدة التشريعات العراقية التفت التفاته اخيرة للسجن ورجع مشئ بخطوات سريعه عبر للجهه الثانية من الشارع صعد بالسيارة باوع للسايق بدون سلام كله سامع بال...
