العنقاء

الجزء الثامن والخمسين

مِن خسرتَك
صغرت بعينيّ خسارات العمُر
ودرت وَجه عيُوني عنّك
خاف المحَك منكسر
شكثُر باچي لخاطرَك كَلي شكثُر
تغلط بحقيّ وأدورلَك عذُر
چِنت أدورك كِلمة بأنقاض الدفاتر
ما ردت مِنك سطر
إنتَ يا أغلى خسارات العمُر .

---------------------

العراق /بغداد
الساعة:   00 :12

رغد:سناء مولازم تجين وياي وينج وين المشي اني احجيلج كلشي يصير،بطنج شكبره يمعوده انزلي

سناء:رغد لاتجادلين اطلعي بسرعه، يلاا

هذوله شياطين لايلعبولهم لعبه، يوكعون اخوي بيه

رغد:حسام ماقابل تجين وياي هسه يلعب لعب من يشوفج

سناء:رغدد طلعين لواركب تكسي والله اروح وحدي

رغد:لايطكلج عرج، علئ كيفج حركت السيارة امشي سريع اعرف عنوان الشقة من زمان

اسوق وداخلي شعور سيئ كلبي معصور اكيد، حتئ لوهو سيئ هذا ابويه واليصيبه يصيبني

مانطقنه حرف اثنينه بالسيارة وصلنا للمنطقه الدنيا ضهر حركة قليله

اوكفي خل اركن السيارة بس هي لمحته تدخل قبلنه مستعجله بنص الطريق فتحت السيارة نزلت وراها

سناء انتظريني، ماسمعتلي نزلت وراها

خررب، صفيت السيارة. مسافه عن الباب نزلت وراها امشي داخله للبنايه بنايه تلاث طوابق. مفتوحه درجه دائري موكلش واسع، رفعت راسي. لفوك صوت بس ماركزت بيه منين جاي

سناء اختفت

بس مصعد واحد اكيد صعدت بيه اريد. امشي للمصعد

طاح وراي جسم تكوم تكوم من فوك درت وجهي بسرعه ماكو وجه

بس عبايه يطلع منه دم ورجليه ترافس وصرخه فوك

رفعت راسي اسراء ماده راسه من فوك تصرخ. رجعت رجلي. خطوةكعدت

مااريد ارفع العبايه العبايه ترفرف من الهواا الجاي من الباب

صوته تون، كلمتين سمعتهن باذني منه  يمه يمهه

مااريد اصدك هي، مااعرف شسوي هي هي طارت العبايه عن وجهه

حجابه متحرك من جهه طالعه خصله من شعره نزلت قطرات دم علئ خده الابيض

عيونه بارزات لكدام عينه بعيني وجهه دم جواه دم