العنقاء

البارت الرابع والعشرون

كُلنا جرحى،
‏ليس شرطًا أن تجد دماءك تسيل على جلدك، ثمّة دماءٌ غير مرئية.
— عبده خال

ضي:سلمت عليهم وصعدت للغرفة بسرعه لبست هيودي ابيض عريض وبيه كتابه بلون سمائي ورفعت شعري ولفيته بإهمال لان كلش تعبانه ونعسانه وجوعانه كلت بس اكل وانام طلع حسام من الحمام اخذ دوش سريع ولابس بجامه سوده وبيده المنشفة ينشف بيه شعره جان يمشي باتجاه المراية واني اباوعله مبتسمه اوف شكد مشتاقتله وصل للمراية. وعينه عليه رجع شعره لوره ولزم لحيته مثل الماعاجبته مايحبه يطوله دائما قصيرة دار وجهه الي جنت مشابكة اديه مقابيلي واراقبه بابتسامة

حسام:كملتي صفنتج حتئ ننزل

ضي:لااراديا تقربت يمه وشعوري تجاه كله حب ولهفه حضنته بشوق وهو بادلني الحضن. خليت وجهي علئ صدره العاري وبسته رفعت راسي اباوع لعيونه جانت مامستقره تباوعلي كلي وتتحرك كتله مشتاقتلك نسيت شنو مشاعره تجاهي نسيت شنو كلي شوقي وحبي اله زايد لحد ماافكر بس ابقئ يمه

حسام:مسحت علئ شعره بايدي وايدي الثانيه لامه لحضني ابتسمت اله كتله انتي ماترتاحين لمن ينكسر كلبج

ضي:نزلت وجهي وبقيت ملتصقه بيه

حسام:لزمت حنجه ورفعت وجهااباوعله احب شكله احبه من تضوج همين دلعه دلعه حقيقي موتصنع

جنت اكره شي اسمه دلع وتنغوص اه مااراح اتاثر هي مجرد طفلة تحبني حب مر اهقه ماراح تستمر تعوفني بس تياس نزلت ايدي عنه وطلعت من الغرفة نزلت الدرج متوجه للمطبخ وهي وراي تنزل بهدوء

دخل للبيت وجهه محتقن من الغضب وصاير احمر شافته مديحة توجهت اله

مديحة:هاا كريم شبيك

كريم:مابيه شي بس تعبان من الدوام

مديحة بفزع من شكله:تعال ارتاح خل اقيسلك ضغطك خاف مرتفع نادت علئ الخادمة جيبله مي وهي جابت جهاز الضغط قاست ضغطة مرتفع انطته مي وحباية الضغط مالته كريم لازال باله مويمه والغضب مغطي
ويفكر بشرود تارك الي يمه مذعورة من حالته شنو السبب الوصله لهاي الحالة

كريم:ضربت علئ رجليه وكفت

مديحة:وين رايح تعال اكلك شي

كريم:توجهه لطاولة الطعام باذعان بدون ماينطق حرف كعد علئ كرسيه ومديحة بصفه تخلي الاكل بصحنه ونضراته تنتقل بين الاكل وبين زوجه

كمل اكل بعد وقت قليل وكام وكف واشر اله بايده تكمل اكله

كريم:كملي اكلج لاتخافين مابيه شي راح ارتاح. بالغرفة انام اصير احسن

مديحة: خلت يمشي وهي رجعت تاكل

كريم:كدام المراية ينزع بقميصه وعيونه يطلع منه شرار الغضب خسارته جبيرة والضغط عليه صار هواي ومن كل الجوانب موارده خلصت شنو يسوي شجاي يصير وياه وكل تفكيره جان انو كل هاي سببه حسام لاغير بس ماعنده اي دليل ولاتهديد منه شلون جاي يوصل لشغله شلون هيج كدر يصير ند اله. بعد تفكير بعد ارهاق نام علئ جربايته وهو يفكر بحل لمشكلته اوبالاحرئ مشاكله او يخاف يوصل حسام لفضايحه